ಕೋಲಾರ: ಮೊದಲ ದಿನದ ಪಂಚರತ್ನ ಯಾತ್ರೆ ಮುಗಿಸಿಕೊಂಡು ಮಾಜಿ ಸಿಎಂ ಹೆಚ್.ಡಿ ಕುಮಾರಸ್ವಾಮಿ ಅವರು ಊರುಕುಂಟೆಯ ಮಿಟ್ಟೂರಿನಲ್ಲಿ ಗ್ರಾಮವಾಸ್ತವ್ಯ ಮಾಡಿದ್ದಾರೆ.
ನಿನ್ನೆ ತಡರಾತ್ರಿ 12 ಗಂಟೆ ವರೆಗೂ ಊರುಕುಂಟೆಯ ಮಿಟ್ಟೂರಿನಲ್ಲಿ ಗ್ರಾಮದಲ್ಲಿ ಗ್ರಾಮಸ್ಥರ ಅಹವಾಲನ್ನ ಹೆಚ್ಡಿಕೆ ಸ್ವೀಕಾರಿಸಿ, ಜಿಡಿಎಸ್ ಸಮ್ಮುಖದಲ್ಲಿ ಹಮ್ಮಿಕೊಂಡ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಜೆಡಿಎಸ್ ಮುಖಂಡ ಭೋಜೇಗೌಡರಿಂದ ಹಾಡು ಹಾಡಿಸಿ ಮುಖಂಡರನ್ನ ಹುರಿದುಂಬಿಸಿದ‌ರು.
ಬಳಿಕ ಮಾಜಿ ಸಿಎಂ ಕುಮಾರಸ್ವಾಮಿ ಮಿಟ್ಟೂರು ಬಳಿ ಜರ್ಮನ್ ಟೆಂಟ್ ನಲ್ಲಿ ಮಲಗಿದರು. ಈ ವೇಳೆ ಕುಮಾರಸ್ವಾಮಿಗೆ ಎಂಎಲ್ಸಿ ಭೋಜೇಗೌಡ, ಗೋವಿಂದರಾಜು ಸೇರಿ ಹಲವರು ಸಾಥ್ ನೀಡಿದರು.
ಕೋಲಾರ ಜಿಲ್ಲೆಯ ಬಂಗಾರಪೇಟೆಯಲ್ಲಿ ಪಂಚರತ್ನ ಕಾರ್ಯಕ್ರಮ ಇಂದು ಬೆಳಿಗ್ಗೆ ಎರಡನೇ ದಿನವಾಗಿದ್ದು, ಇಂದು ಸಹ ಪಂಚರತ್ನಯಾತ್ರೆಯಲ್ಲಿ ಭಾಗಿ ಕಾರ್ಯಕ್ರಮದಲ್ಲಿ ಹೆಚ್ಡಿಕೆ ಭಾಗಿಯಾಗಲಿದ್ದಾರೆ.
