ಆಮೀರ್ ಖಾನ್ಗೆ ಅಭದ್ರತೆ ಎದ್ದು ಕಾಡ್ತಿದೆ. ಎಂದೋ ಆಡಿದ ಮಾತು ಇದೀಗ ಅಕ್ಷರಶಹ ಮುಳುವಾಗಿದೆ. ಲಾಲ್ ಸಿಂಗ್ ಚಡ್ಡಾ ಫ್ಲಾಪ್ ಆದ ಬೆನ್ನಲ್ಲಿ ಬಣ್ಣ ಹಚ್ಚೋ ಮನಸನ್ನ ಸಹ ಬದಲಿಸಿದ್ದಾರೆ. ಒಂದಷ್ಟು ದಿನ ನಟನೆಗೆ ಫುಲ್ಸ್ಟಾಪ್ ಇಡ್ತಿರೋ ಮಿಸ್ಟರ್ ಪರ್ಫೆಕ್ಷನಿಸ್ಟ್, ಅಲ್ಲಿಯವರೆಗೆ ಏನು ಮಾಡ್ತಾರೆ ಅನ್ನೋದೇ ಯಕ್ಷ ಪ್ರಶ್ನೆಯಾಗಿದೆ. ಅದಕ್ಕೆ ಉತ್ತರ ನಿಮ್ಮ ಮುಂದೆ.
- ನೋ ಆ್ಯಕ್ಟಿಂಗ್.. ಓನ್ಲಿ ಪ್ರೊಡಕ್ಷನ್ ಎಂದ ಬಿಟೌನ್ ಖಾನ್..!
ಕಳೆದೆರಡು ವರ್ಷಗಳ ಹಿಂದೆ ಆಮೀರ್ ಖಾನ್ ಚಿತ್ರರಂಗದಿಂದ ದೂರ ಸರಿಯುವ ಆಲೋಚನೆ ಮಾಡಿದ್ರಂತೆ. ಈ ಶಾಕಿಂಗ್ ಸುದ್ದಿ ಬಾಲಿವುಡ್ ಅಂಗಳದಲ್ಲಿ ಸಖತ್ ಸದ್ದು ಮಾಡಿತ್ತು. ಅದೃಷ್ಠವಶಾತ್ ಆಮೀರ್ ಖಾನ್ಗೆ ಅಂದು ಮನವೊಲಿಸಿದ್ದು ಹೆಂಡತಿ & ಮಕ್ಕಳು. ಆದ್ರೆ, ಇದೀಗ ಮತ್ತೆ ಈ ಅಚ್ಚರಿ ಸುದ್ದಿ ಮುನ್ನೆಲೆಗೆ ಬಂದಿದೆ. ಮಿಸ್ಟರ್ ಖಾನ್ ಮತ್ತೆ ನಟನೆಯಿಂದ ದೂರವಾಗೋ ಮಾತನಾಡಿದ್ದಾರೆ.
ಭಾರತೀಯ ಚಿತ್ರರಂಗದಲ್ಲಿ ಸೂಪರ್ ಹಿಟ್ ಸಿನಿಮಾಗಳ ಮೂಲಕ ಅಭಿಮಾನಿಗಳ ಹೃದಯದಂಗಳದಲ್ಲಿ ದೊರೆಯಾಗಿ ಮಿಂಚ್ತಿರೋ ಸ್ಟಾರ್ ಆಮೀರ್ ಖಾನ್. ಆದ್ರೇ ಇನ್ಟಾಲರೆನ್ಸ್ ಬಗ್ಗೆ ಆಮೀರ್ ಮಾತನಾಡಿದ್ದೇ ತಡ, ಆಮೀರ್ ಸಿನಿಮಾಗಳಿಗೆ ಕುತ್ತು ಬಂದಿತ್ತು. ಇತ್ತೀಚೆಗೆ ಲಾಲ್ ಸಿಂಗ್ ಚಡ್ಡಾ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿತಾದ್ರೂ ಕೂಡ ನೆಲಕಚ್ಚಿತ್ತು. ಈ ನಡುವೆ ಆಮೀರ್ ಖಾನ್ ಸಂದರ್ಶನವೊಂದರಲ್ಲಿ ಮಾತನಾಡಿರೋ ಮಾತುಗಳು ಆಗ ತೆಗೆದುಕೊಂಡಿದ್ದ ನಿರ್ಧಾರಕ್ಕೆ ಪುಷ್ಠಿ ನೀಡ್ತಿವೆ.
ಯೆಸ್.. ಆಫ್ಟರ್ ಲಾಲ್ ಸಿಂಗ್ ಚಡ್ಡಾ, ಆಮೀರ್ ಆ್ಟಕ್ಟಿಂಗ್ನಿಂದ ದೂರ ಸರಿಯೋಕೆ ತೀರ್ಮಾನಿಸಿದ್ದಾರೆ. ನಾನು ಸದ್ಯ ಆ್ಯಕ್ಟಿಂಗ್ ಮಾಡೋದಿಲ್ಲ. ಕೇವಲ ಸಿನಿಮಾ ನಿರ್ಮಾಣ ಮಾಡ್ತೀನಿ ಅಂದಿದ್ದಾರೆ. ಮೂರೂವರೆ ದಶಕಗಳ ಕಾಲ ಒಂದೇ ಮನಸ್ಥಿತಿಯಲ್ಲಿ ಸಿನಿಮಾ ಕುರಿತಾಗಿ ಫೋಕಸ್ ಮಾಡಿದ್ದೇನೆ. ಸದ್ಯ ನನ್ನ ಮನಸ್ಸು ಬೇರೆ ಯೋಚಿಸ್ತಿದೆ ಎಂದು ನಟನೆಯಿಂದ ದೂರ ಉಳಿಯೋ ಪ್ಲಾನ್ ಮಾಡಿದ್ದಾರೆ.
ನಾನು ಸಿನಿಮಾ ಮಾಡುವಾಗ ಸಾಕಷ್ಟು ಅಂಶಗಳನ್ನು ಮಿಸ್ ಮಾಡ್ಕೊಂಡಿದ್ದೇನೆ. ಸದ್ಯ ಚಾಂಪಿಯನ್ಸ್ ಸಿನಿಮಾ ನಿರ್ಮಾಣದಲ್ಲಿ ಬ್ಯುಸಿ ಇದ್ದೇನೆ. ಅಮ್ಮ, ಹೆಂಡತಿ, ಮಕ್ಕಳಿಗೆ ಟೈಮ್ ಕೊಡಬೇಕು. ಹಾಗಾಗಿ ಬ್ರೇಕ್ ಬೇಕು ಎಂದ್ರು. ಅದೇನೆ ಇರಲಿ, ಸದ್ಯ ಆಮೀರ್ ನಾಯಕನಾಗಿ ಆ್ಯಕ್ಟ್ ಮಾಡಿದ್ರೂ ಸಹ, ನಿರ್ಮಾಪಕರಿಗೆ ಬಿಗ್ ಲಾಸ್ ಆಗೋ ಸಾಧ್ಯತೆ ಜಾಸ್ತಿ ಇದೆ. ಹಾಗಾಗಿ ಸದ್ಯ ಇರೋ ಬಾಯ್ಕಾಟ್ ಪರಿಸ್ಥಿತಿಗಳು, ಮನಸ್ಥಿತಿಗಳು ಬದಲಾದ ಮೇಲೆ ಎಂಟ್ರಿ ಕೊಡೋ ಆಲೋಚನೆಯಲ್ಲಿ ಆಮೀರ್ ಇರಬಹುದು. ಈ ನಿರ್ಧಾರದಿಂದ ಆಮೀರ್ ಖಾನ್ರ ಅಭಿಮಾನಿಗಳಿಗೆ ನಿರಾಶೆಯಂತೂ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
