ಬೆಂಗಳೂರು: ರಾಪಿಡೊ ಟ್ಯಾಕ್ಸಿ ಆಟೋ ಚಾಲಕನ ಮೇಲೆ ಕೇಸ್ ದಾಖಲಿಸಿ ಈ ಹಿಂದೆ ರಂಪಾಟ ಮಾಡಿದ್ದ ನಟಿ ಯೋರ್ವಳ ನಿಜ ಬಣ್ಣ ಪೊಲೀಸರ ತನಿಖೆಯಿಂದ ಹೊರಬಿದ್ದಿದ್ದು, ನಟಿ ಸುಳ್ಳು ಕೇಸ್ ದಾಖಲಿಸಿದ್ದಳು ಎಂಬ ಮಾಹಿತಿ ದೊರೆತಿದೆ.
ರಾಪಿಡೊ ಟ್ಯಾಕ್ಸಿ ಆಟೋ ಚಾಲಕನ ಮೇಲೆ ಸುಖಾ ಸುಮ್ಮನೆ ಲೈಂಗಿಕ ಕಿರುಕುಳ ಆರೋಪ ಮಾಡಿ, ಚಾಲಕನ ಮೇಲೆ ಈ ನಟಿ ಕೇಸ್ ದಾಖಲು ಮಾಡಿದ್ದಳು. ಈಗ ಈ ನಟಿಯ ಆರೋಪವನ್ನ ಪೊಲೀಸ್ ತನಿಖೆಯಲ್ಲಿ ತಳ್ಳಿಹಾಕಿ, ರ‍್ಯಾಪಿಡೋ ಚಾಲಕನಿಂದ ಲೈಂಗಿಕ ಕಿರುಕುಳ ಆಗಿಲ್ಲ. ದೂರಿನಲ್ಲಿ ನಟಿ ಹೇಳಿದ ರೀತಿ ಆ ದಿನ ಏನೂ ನಡೆದಿರಲಿಲ್ಲ ಅಂಶ ದೊರೆತಿದೆ. ಈ ಮೂಲಕ ಮಾಡೆಲ್ ಕಂ ನಟಿಯ ಅಸಲಿ ಬಣ್ಣ ಬಯಲಾಗಿದೆ.
ರ‍್ಯಾಪಿಡೋ ಬುಕ್ ಮಾಡಿ ಮಾಡೆಲ್ ಕ್ಯಾನ್ಸಲ್ ಮಾಡಿದ್ದಳು. ರ‍್ಯಾಪಿಡೋ ಚಾಲಕ ಮಾಡೆಲ್ ಇದ್ದ ಜಾಗಕ್ಕೆ ಬಂದೇ ಇರಲಿಲ್ಲ. ಆ ವ್ಯಕ್ತಿ ಅಲ್ಲಿಗೆ ಬಂದಿದ್ದಕ್ಕೆ ಯಾವುದೇ ಪುರಾವೆ ಇಲ್ಲ. ಸುಖಾ ಸುಮ್ಮನೆ ಲೈಂಗಿಕ ಕಿರುಕುಳ ಮಾಡೆಲ್ ಆರೋಪ ಮಾಡಿದ್ದಳು. ಆದ್ರೆ, ರ‍್ಯಾಪಿಡೋ ಚಾಲಕನಿಂದ ಲೈಂಗಿಕ ಕಿರುಕುಳ ಆಗಿಲ್ಲ. ದೂರಿನಲ್ಲಿ ನಟಿ ಹೇಳಿದ ರೀತಿ ಆ ದಿನ ಏನೂ ನಡೆದಿರಲಿಲ್ಲ. ಯಾವ ಕಾರಣಕ್ಕೆ ಸುಳ್ಳು ದೂರು ದಾಖಲಿಸಿದ್ರೋ ಗೊತ್ತಿಲ್ಲ. ಈ ಹಿಂದೆಯೂ ರ‍್ಯಾಪಿಡೋ ವಿರುದ್ಧ ದೂರು ದಾಖಲು ಮಾಡಿದ್ದಳು. ಪೊಲೀಸರು ವಿಚಾರಣೆ ನಡೆಸಿದಾಗ ಸುಳ್ಳಿನ ಕಹಾನಿ ಬಯಲಾಗಿದೆ.
