ಸ್ಯಾಂಡಲ್ವುಡ್ ಪಡ್ಡೆಹುಲಿ ರಾಣ ಅವತಾರದಲ್ಲಿ ಎಂಟ್ರಿ ಕೊಡ್ತಿದ್ದಾರೆ ಅಂದಾಗ, ಎಲ್ಲರ ನಿರೀಕ್ಷೆಗಳು ಗರಿಗೆದರಿದ್ವು. ಇದೀಗ, ರಾಣ ಸಿನಿಮಾ ಎಲ್ಲೆಡೆ ಜಯಭೇರಿ ಬಾರಿಸಿದೆ. ಪಾಸಿಟಿವ್ ರೆಸ್ಪಾನ್ಸ್ ಮೂಲಕ ಥಿಯೇಟರ್ಗಳಲ್ಲಿ ಅಬ್ಬರಿಸ್ತಿದೆ ರಾಣನ ಖದರ್ಗೆ ಸಿನಿಪ್ರಿಯರು ಕೂಡ ಚಿಲ್ ಆಗಿದ್ದಾರೆ. ಯೆಸ್.. ಕರುನಾಡಿನಾದ್ಯಂತ ರಾಣ ಹವಾ ಹೇಗಿದೆ ಗೊತ್ತಾ..? ಈ ಸ್ಟೋರಿ ಓದಿ.
- ಆ್ಯಕ್ಷನ್ ಹೀರೋ ಎಂಟ್ರಿಗೆ ಫ್ಯಾನ್ಸ್ ಪುಳಕ.. ರಾಣ ರಣಭೇರಿ..!
ಮೊದಲ ಚಿತ್ರದಲ್ಲಿ ಲವರ್ ಬಾಯ್ ಆಗಿ ಯುವಮನಸ್ಸುಗಳ ಕದ್ದಿದ್ದ ಶ್ರೇಯಸ್ ಮಂಜು ಆ್ಯಕ್ಷನ್ ಕಿಂಗ್ ಆಗಿದ್ದಾರೆ. ರಾಜ್ಯಾದ್ಯಂತ ತೆರೆ ಕಂಡು ಸೌಂಡ್ ಮಾಡ್ತಿರೋ ರಾಣ ಚಿತ್ರದಲ್ಲಿ ಶ್ರೇಯಸ್, ಮಾಸ್ ಅವತಾರದಲ್ಲಿ ಮಿಂಚಿದ್ದಾರೆ. ರಾಜ್ಯಾದ್ಯಂತ 200ಕ್ಕೂ ಅಧಿಕ ಥಿಯೇಟರ್ಗಳಲ್ಲಿ ರಾಣಗೆ ಭರ್ಜರಿ ರೆಸ್ಪಾನ್ಸ್ ಸಿಗ್ತಿದೆ. ಮೌತ್ ಟು ಮೌತ್ ಪಾಸಿಟಿವ್ ಟಾಕ್ ಶುರುವಾಗಿರೋದ್ರಿಂದ ಥಿಯೇಟರ್ನತ್ತ ಪ್ರೇಕ್ಷಕರು ದಾಳಿ ಇಡ್ತಿದ್ದಾರೆ.
ರಾಣ ಚಿತ್ರದ ಮೂಲಕ ಕರುನಾಡಿನ ಹೆಮ್ಮೆಯ ಪುತ್ರನಾಗ್ಬೇಕು ಏಂದು ಕನಸು ಕಂಡಿದ್ದ ಶ್ರೇಯಸ್ ತಪಸ್ಸಿನ ಫಲ ಫಲಿಸಿದೆ. ಸಿಕ್ಕಾಪಟ್ಟೆ ಹಾರ್ಡ್ ವರ್ಕ್ ಮಾಡಿರೋ ಶ್ರೇಯಸ್ ಆ್ಯಕ್ಟಿಂಗ್ಗೆ ಎಲ್ಲರೂ ಮನಸೋತಿದ್ದಾರೆ. ಈ ಚಿತ್ರದ ಮೂಲಕ ಆ್ಯಕ್ಟಿಂಗ್, ಡ್ಯಾನ್ಸಿಂಗ್, ಫೈಟಿಂಗ್ ಎಲ್ಲದಕ್ಕೂ ಸೈ ಅನ್ನೋದನ್ನ ಫ್ರೂವ್ ಮಾಡಿದ್ದಾರೆ.
- ಸಕಲಕಲಾವಲ್ಲಭ ಶ್ರೇಯಸ್ ಆ್ಯಕ್ಷನ್ಗೆ ಕ್ಲೀನ್ಬೋಲ್ಡ್
- ‘ರಾಣ’ ರಿಯಲ್ ಸ್ಟಂಟ್ಸ್ಗೆ ಪ್ರೇಕ್ಷಕರ ಶಿಳ್ಳೆ, ಚಪ್ಪಾಳೆ
ಅಪ್ಪನ ಕೊನೆಯ ಆಸೆಯನ್ನು ನನಸು ಮಾಡೋಕೆ ಗಲ್ಲಿಬಾಯ್ ಹರಸಾಹಸದ ಕಥೆ ಬಲು ರೋಚಕವಾಗಿದೆ. ಪ್ರೇಕ್ಷಕರು ಕಥೆಯಲ್ಲಿ ಬೆರೆತು ತಾವೇ ಪಾತ್ರದಲ್ಲಿ ಲೀನವಾಗೋದ್ರಿಂದ ಕಥೆಗೆ ಎನರ್ಜಿ ಸಿಕ್ಕಿದೆ. ಪಾತಕಿಗಳ ಮಟ್ಟ ಹಾಕೋಕೆ ರಾಣ ಮಾಡೋ ಕಸರತ್ತು ಇಂಪ್ರೆಸ್ಸಿವ್ ಆಗಿದ್ದು, ಥಿಯೇಟರ್ನಲ್ಲಿ ರಾಣಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.
ರೀಷ್ಮಾ ಎರಡನೇ ಸಿನಿಮಾ ಇದಾಗಿದ್ದು, ಇಲ್ಲೂ ಪ್ಯಾಟೆ ಗರ್ಲ್ ರೋಲ್ನಲ್ಲಿ ಕ್ಯೂಟ್ ಆಗಿ ಕಾಣಿಸ್ತಾರೆ. ಒಳ್ಳೆ ಲವ್ಸ್ಟೋರಿಯ ಜೊತೆಗೆ ಮಾಸ್ ಅಂಡ್ ಮಾಸ್ ಲುಕ್ನಲ್ಲಿ ರಾಣ ಮಾರ್ಷಲ್ ಆರ್ಟ್ಸ್ ಖಡಕ್ಕಾಗಿದೆ. ಹಿಟ್ ಸಿನಿಮಾಗಳ ಸರದಾರ ನಂದಕಿಶೋರ್ ಈ ಚಿತ್ರದಲ್ಲಿ ಅದ್ಭುತವಾಗಿ ಕಟ್ಟಿಕೊಟ್ಟಿರೋದ್ರಿಂದ ಕಥೆಗೆ ವೈಟೇಜ್ ಸಿಕ್ಕಿದೆ.
ರಾಣಾ ನಾಗಾಲೋಟ ಈ ವಾರವೂ ಮುಂದುವರೆದಿದೆ. ಕಮರ್ಷಿಯಲ್ ಎಲಿಮೆಂಟ್ಸ್ ಜೊತೆ ಫ್ಯಾಮಿಲಿ ಎಂಟರ್ಟೈನ್ ಚಿತ್ರದ ತೂಕವನ್ನು ಹೆಚ್ಚಿಸಿದೆ. ಚಿತ್ರದ ಹಾಡುಗಳು ಪ್ರೇಕ್ಷಕನ್ನು ಕೈಬೀಸಿ ಕರೆಯುತ್ತಿವೆ. ಗುಜ್ವಾಲ್ ಪುರುಷೋತ್ತಮ್ ರಿಚ್ ಆಗಿ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ರಾಣ ರಣಬೇಟೆ ಈ ವಾರವೂ ಮುಂದುವರೆದಿದ್ದು ಮಿಸ್ ಮಾಡದೇ ಸಿನಿಮಾ ನೋಡಿ ಎಂಜಾಯ್ ಮಾಡಬಹುದು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೊ, ಪವರ್ ಟಿವಿ
