ಗ್ಲೋಬಲ್ ಐಕಾನ್ ಅಲ್ಲು ಅರ್ಜುನ್ ಅಭಿನಯದ ಪುಷ್ಪ 2 ಚಿತ್ರತಂಡದಿಂದ ಸ್ಪೆಷಲ್ ಅಪ್ಡೇಟ್ಸ್ ಸಿಕ್ಕಿದೆ. ಅಬ್ಬಬ್ಬಾ..! ಈ ಬಾರಿ ಪುಷ್ಪ ಸ್ಮಂಗ್ಲಿಂಗ್ ಬ್ಯುಸಿನೆಸ್ ನ್ಯಾಷನಲ್ ಲೆವೆಲ್ನಲ್ಲಿ ನಡೆಯಲಿದೆ. ಸುತ್ತಾಮುತ್ತಾ ರಣಹದ್ದುಗಳಂತೆ ಶತ್ರುಗಳು ಹೊಂಚು ಹಾಕಿ ಕುಂತಿದ್ರೂ ಪುಷ್ಪ ಮಾತ್ರ ಜಗ್ಗದೇ, ಬಗ್ಗದೇ ಡೀಲ್ ಕುದುರಿಸೋಕೆ ಸಜ್ಜಾಗಿದ್ದಾನೆ. ಯೆಸ್.. ಪುಷ್ಪ ಟ್ರಾವೆಲ್ ಹಿಸ್ಟರಿ ತಿಳಿಬೇಕಾ..? ನೀವೇ ಓದಿ.
- ಪುಷ್ಪ ಸ್ಮಂಗ್ಲಿಂಗ್ ತಂತ್ರಗಾರಿಕೆಯ ಮುಂದೆ ಪೊಲೀಸರು ಠುಸ್
ಕೆಜಿಎಫ್ ಚಿತ್ರದ ನಂತ್ರ ಸೌತ್ ಸಿನಿದುನಿಯಾದಲ್ಲಿ ಸೆಡ್ಡು ಹೊಡೆದ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾ ಪುಷ್ಪ. ನ್ಯಾಷನಲ್ ಸ್ಟಾರ್ ಅಲ್ಲು ಅರ್ಜುನ್ ಅವ್ರ ಚಿತ್ತೂರು ಸ್ವಾಗ್ ಪ್ರೇಕ್ಷಕರಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿತ್ತು. ಜೊತೆಗೆ ರಾ ಅಂಡ್ ರಗಡ್ ಲುಕ್ನಲ್ಲಿ ಪಕ್ಕಾ ಸುಕ್ಕಾ ಡೈಲಾಗ್ಸ್ ಕೇಳಿದ್ದ ಸಿನಿಪ್ರೇಮಿಗಳು ಥ್ರಿಲ್ ಆಗಿದ್ರು. ಸೈಲೆಂಟ್ ಟೇಕ್ ಆಫ್ ಆದ ಕಲೆಕ್ಷನ್ ಕೊನೆಗೆ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯಿತು.
ಚಂದನವನದ ನಾಟಗಳನ್ನು ಸಾಗಾಣಿಕೆ ಮಾಡೋ ಪುಷ್ಪನ ಟೆಕ್ನಿಕ್ಸ್ ಎಲ್ಲರನ್ನು ಅಚ್ಚರಿಗೊಳಿಸಿತ್ತು. ಶ್ರೀವಲ್ಲಿ ಆ್ಯಕ್ಟಿಂಗ್, ಸ್ಯಾಮ್ ಊ ಆಂಟಾವಾ ಮೈಮಾಟಕ್ಕೆ ಪ್ರೇಕ್ಷಕರು ಮೈಮರೆತಿದ್ರು. ಆದ್ರೆ, ಈ ಬಾರಿ ಪುಷ್ಪನ ನ್ಯೂ ಲುಕ್ ನೆಕ್ಸ್ಟ್ ಲೆವೆಲ್ನಲ್ಲಿ ಇರಲಿದೆ. ಸ್ಮಂಗ್ಲಿಂಗ್ ಡೀಲ್ ಕುದುರಿಸೋಕೆ ಪುಷ್ಪ ವಿದೇಶಕ್ಕೆ ಹಾರಿದ್ದಾನೆ. ಯೆಸ್.. ಬ್ಯಾಂಕಾಂಕ್ನಲ್ಲಿ ಪುಷ್ಪ ಟೀಮ್ ಬೀಡು ಬಿಟ್ಟಿದೆ. ಅಂದ್ರೆ, ರಾಕಿಭಾಯ್ ತರಹ ಪುಷ್ಪ ಕೂಡ ದೊಡ್ಡ ಬಿಸೆನೆಸ್ ಮ್ಯಾನ್ ಮಾಡೋಕೆ ಹೋಗಿದ್ದಾರೆ ಅನ್ನೋ ಟಾಕ್ ಓಡಾಡ್ತಿದೆ.
- ಬ್ಯಾಂಕಾಕ್ನಲ್ಲಿ ನಡೆಯುತ್ತಾ ಅದ್ಧೂರಿ ಫೈಟ್ ಸೀನ್..?
- 40 ದಿನಗಳ ಶೆಡ್ಯೂಲ್.. ಪುಷ್ಪ ಚಿತ್ರತಂಡ ಫುಲ್ ಶಿಪ್ಟ್
ಅಲ್ಲು ಅರ್ಜುನ್ ಅವ್ರ ಬ್ರಾಂಡ್ ಇಮೇಜ್ಗೆ ತಕ್ಕಂತೆ ನಿರ್ದೇಶಕ ಸುಕುಮಾರ್ ಸಿನಿಮಾ ಮಾಡಿದ್ರು. ಪುಷ್ಪ ಚಿತ್ರದಲ್ಲಿ ಅಲ್ಲು ಲುಕ್ ಕಂಡು ಇಡೀ ವಿಶ್ವವೇ ಸರ್ಪ್ರೈಸ್ ಆಗಿತ್ತು. ಜೊತೆಗೆ ತಗ್ಗದೆಲೆ ಡೈಲಾಗ್ಗೆ ಪ್ರಪಂಚದ ಶ್ರೇಷ್ಟ ಕಲಾವಿದ್ರೆಲ್ಲಾ ದನಿಗೂಡಿಸಿದ್ರು. ಟಿಕ್ಟಾಕ್, ರೀಲ್ಸ್ಗಳಲ್ಲಿ ಪುಷ್ಪ ಕಮಾಲ್ ಮಾಡಿದ್ರು. ಇದೀಗ ಇಡೀ ಚಿತ್ರತಂಡವೇ ಬ್ಯಾಂಕಾಕ್ ಸಿಟಿಗೆ ಶಿಫ್ಟ್ ಆಗಿದೆ. ಫಹಾದ್ ಪಾಸಿಲ್, ರಶ್ಮಿಕಾ ಮಂದಣ್ಣ, ಸುನೀಲ್ ಸೇರಿದಂತೆ ಚಿತ್ರದ ಕಲಾವಿದ್ರೆಲ್ಲಾ ಫ್ಲೈಟ್ ಹತ್ತಿ ಇಳಿದಿದ್ದಾರೆ.
ಎದುರಾಳಿಗಳ ಎದೆಸೀಳೋಕೆ ಅಲ್ಲು ಸಖತ್ ಪ್ಲಾನ್ ಮಾಡಿದ್ದಾರೆ. ಕತ್ತಿ ಮಸೆಯುತ್ತಿರೋ ಶತ್ರುಗಳಿಗೆ ಪುಷ್ಪ ರಿಯಾಕ್ಷನ್ ಕೂಡ ಭಯಂಕರವಾಗಿರಲಿದೆ. ಜೊತೆಗೆ ಬ್ಯಾಂಕಾಕ್ ಸಿಟಿ ತಲುಪಿರೋದ್ರಿಂದ ಬ್ಯುಸಿನೆಸ್ ಯಾವ ಹಂತ ತಲುಪಿದೆ ಅನ್ನೋದು ಗೊತ್ತಾಗ್ತಿದೆ. ಜೊತೆಗೆ ಈ ಬಾರಿಯ ಸ್ಕ್ರಿಪ್ಟ್ ಮೇಲೆ ಸಿಕ್ಕಾಪಟ್ಟೆ ವರ್ಕ್ ಮಾಡಿ ಹೊಸ ಫ್ಲೇವರ್ ಟಚ್ ಕೊಡಲಾಗಿದೆಯಂತೆ. 40 ದಿನಗಳ ಕಾಲ ಬ್ಯಾಂಕಾಕ್ ಸುತ್ತಮುತ್ತ ಶೂಟಿಂಗ್ ನಡೆಯಲಿದೆಯಂತೆ.
ಅಂತೂ, ಪುಷ್ಪ ಪ್ರೀಕ್ವೆಲ್ ಸಿನಿಮಾ ಡಿಸೆಂಬರ್ 17ಕ್ಕೆ ರಿಲೀಸ್ ಆಗಿ ಒಂದು ವರ್ಷ ಕಂಪ್ಲೀಟ್ ಆಗಲಿದೆ. ಹಾಗಾಗಿ ಚಿತ್ರತಂಡ ಏನಾದ್ರೂ ಸರ್ಪ್ರೈಸ್ ಕೊಡುತ್ತಾ ಅನ್ನೋದನ್ನ ಕಾದು ನೋಡ್ಬೇಕಾಗಿದೆ. ಟೀಸರ್ ರಿಲೀಸ್ ಆದ್ರೆ, ಅಭಿಮಾನಿಗಳ ಪಾಲಿಗೆ ಹಬ್ಬದ ದಿನವೇ ಆಗಲಿದೆ. ಅದೇನೆ ಇರಲಿ, ಜನಮನ ಗೆದ್ದಿರುವ ಪುಷ್ಪ ಸೀಕ್ವೆಲ್ ಹೇಗಿರುತ್ತೋ ಅನ್ನೋ ಕುತೂಹಲ ಮಾತ್ರ ಕೋಟ್ಯಾನುಕೋಟಿ ಅಭಿಮಾನಿಗಳ ಎದೆಯಲ್ಲಿ ಹಾಗೆ ಇದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
