ಒನ್ಸ್ ಅಪಾನ್ ಎ ಟೈಮ್ ಇನ್ ಜಮಾಲಿಗುಡ್ಡ ನಟ ರಾಕ್ಷಸನ ಬಹುನಿರೀಕ್ಷಿತ ಸಿನಿಮಾ. ವಿಭಿನ್ನ ಪೋಸ್ಟರ್, ಸಣ್ಣ ಪುಟ್ಟ ಗ್ಲಿಂಪ್ಸ್ ಮೂಲಕವೇ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿರೋ ಚಿತ್ರ. ಹತ್ತು ಹಲವು ವಿಶೇಷಗಳಿಂದ ಗಮನ ಸೆಳೆಯುತ್ತಿರುವ ಜಮಾಲಿ ಗುಡ್ಡದ ಕಥೆಗೆ ಕೌಂಟ್ಡೌನ್ ಸ್ಟಾರ್ಟ್ ಆಗಿದೆ. ಯೆಸ್.. ಜಮಾಲಿಗುಡ್ಡದ ರಹಸ್ಯಗಳ ಬಗ್ಗೆ ತಿಳಿಬೇಕಾ..? ನೀವೇ ಓದಿ.
- ಹಿರೋಶಿಮಾ, ನಾಗಸಾಕಿ, ಚುಕ್ಕಿಯ ಜಮಾಲಿಗುಡ್ಡದ ಜರ್ನಿ
ನಟ ಭಯಂಕರ ಡಾಲಿ ಧನಂಜಯ ರೆಟ್ರೋ ಸ್ಟೈಲ್ನಲ್ಲಿ ಮತ್ತೆ ಬೆಳ್ಳಿತೆರೆಯ ಮೇಲೆ ಮಿಂಚೋಕೆ ಬರ್ತಿದ್ದಾರೆ. ಆದ್ರೆ, ಈ ಬಾರಿಯ ಪ್ರೇಮಕಾವ್ಯ ತುಸು ವಿಭಿನ್ನವಾಗಿರಲಿದೆ. ಈಗಾಗ್ಲೇ ಚಿತ್ರದ ಪೋಸ್ಟರ್ಗಳು ಕಥೆಯ ಮೇಲಿನ ಭರವಸೆಯನ್ನು ದುಪ್ಪಟ್ಟು ಮಾಡಿವೆ. ಜೊತೆಗೆ ಪ್ರತಿ ಪಾತ್ರಗಳ ಹಿಂದೆ ಮನಮೋಹಕ ಹಾಗೂ ಮನಕಲಕುವ ಕಥೆ ಇರಲಿದೆ. ಆ ಕಥೆಗಳ ಒಳಗೆ ಮತ್ತೊಂದು ಕುತೂಹಲವನ್ನು ತೆರೆದಿಡಲು ಜಮಾಲಿಗುಡ್ಡದ ಕಥೆ ರೆಡಿಯಾಗಿದೆ.
ಕ್ಯಾಚಿ ಟೈಟಲ್ ಮೇಲೆ ಸೆನ್ಸೇಷನ್ ಕ್ರಿಯೇಟ್ ಮಾಡಿರೋ ಜಮಾಲಿಗುಡ್ಡದಲ್ಲಿ ಹರಳು ಹುರಿದ ಹಾಗೆ ಮಾತನಾಡೋ ಬ್ಯೂಟಿ ಕ್ವೀನ್ ಅದಿತಿ ಇದ್ದಾರೆ. ಯಾವುದೇ ಪಾತ್ರ ಕೊಟ್ಟರೂ ನೀರು ಕುಡಿದಷ್ಟೆ ಲೀಲಾಜಾಲವಾಗಿ ನಟಿಸೋ ಡಾಲಿ ಈ ಚಿತ್ರದಲ್ಲಿ ಖೈದಿಯಾಗಿ ಆ್ಯಕ್ಟ್ ಮಾಡ್ತಿದ್ದಾರೆ. ಅಭಿನಯ ಚತುರನ ಕಲಾತ್ಮಕತೆಯನ್ನು ನೋಡೋ ತವಕ ಅಭಿಮಾನಿಗಳಲ್ಲೂ ಮನೆ ಮಾಡಿದೆ.
ಹೀರೋಶಿಮಾ, ನಾಗಾಸಾಕಿ, ಚುಕ್ಕಿ, ಹೀಗೆ ಕ್ಯಾಚಿ ರೋಲ್ಗಳು ತಮ್ಮ ಪಾತ್ರ ನಿಭಾಯಿಸಲಿವೆ. ಡಿಸೆಂಬರ್ ಮಂತ್ ಚಿತ್ರಗಳ ಪಾಲಿಗೆ ಲಕ್ಕಿಯಾಗಿರೋದ್ರಿಂದ ಜಮಾಲಿಗುಡ್ಡ ಚಿತ್ರ ಕೂಡ ಡಿಸೆಂಬರ್ 30ಕ್ಕೆ ತೆರೆಗೆ ಬರಲಿದೆ. ಕನ್ನಡ ಹಾಗೂ ತೆಲುಗು ಭಾಷೆಗಳಲ್ಲಿ ರಿಲೀಸ್ ಆಗ್ತಿರೋ ಜಮಾಲಿಗುಡ್ಡದ ವಿಭಿನ್ನ ಕಥೆಗೆ ಪ್ರೇಕ್ಷಕರು ಕೂಡ ಎಗ್ಸೈಟ್ ಆಗಿದ್ದಾರೆ.
ನಿಹಾರಿಕಾ ಮೂವೀಸ್ ಬ್ಯಾನರ್ನಡಿ ಶ್ರೀಹರಿ ನಿರ್ಮಾಣದಲ್ಲಿ, ಕುಶಾಲಗೌಡ ನಿರ್ದೇಶನದಲ್ಲಿ ಸಿನಿಮಾ ಮೂಡಿ ಬರ್ತಿದೆ. ರಿಲೀಸ್ ಡೇಟ್ ಜೊತೆ ಒಂದಷ್ಟು ಕ್ಯಾರೆಕ್ಟರ್ಸ್ನ ರಿವೀಲ್ ಮಾಡಿದ್ದ ಚಿತ್ರತಂಡ, ಸಿನಿಮಾ ಟೈಟಲ್ನಂತೆ ಆ ಪಾತ್ರಗಳಿಗೂ ವೆರೈಟಿ ನೇಮ್ಸ್ ನೀಡಿ ಹುಬ್ಬೇರಿಸುವಂತೆ ಮಾಡಿದೆ.
ನಾಗಸಾಕಿಯಾಗಿ ಯಶ್ ಶೆಟ್ಟಿ, ರುಕ್ಮಿಣಿಯಾಗಿ ಅದಿತಿ ಪ್ರಭುದೇವ, ಬಾಳೇಗೌಡರಾಗಿ ನಂದ ಗೋಪಾಲ್, ಪಾಯಲ್ ಆಗಿ ಹಿರಿಯ ನಟಿ ಭಾವನಾ, ಪಟ್ಲಿಂಗನಾಗಿ ಸಂತೋಷ್, ಶಕೀಲ್ ಪಾತ್ರದಲ್ಲಿ ಪ್ರಕಾಶ್ ಬೆಳವಾಡಿ ಕಾಣಸಿಗಲಿದ್ದಾರೆ. ಒಟ್ಟಾರೆ ‘ಒನ್ಸ್ ಅಪ್ ಆನ್ ಎ ಟೈಮ್ ಜಮಾಲಿ ಗುಡ್ಡ’ ಒಂದೊಳ್ಳೆ ಪ್ರಯತ್ನವಾಗಿ ಮೂಡಿಬರಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
