ಹೂವೆ ಹೂವೆ ಹಾಡಿನ ಮೂಲಕ ಸಿನಿಲೋಕದಲ್ಲಿ ಸಂಚಲನ ಮೂಡಿಸಿದ್ದ ಬ್ಯುಟಿಫುಲ್ ಚೆಲುವೆ ಪ್ರಿಯಾಂಕ ಉಪೇಂದ್ರ ಆ್ಯಕ್ಷನ್ ಕ್ವೀನ್ ಲುಕ್ನಲ್ಲಿ ಮಿಂಚ್ತಿದ್ದಾರೆ. ಯೆಸ್.. ವುಮೆನ್ ಸೆಂಟ್ರಿಕ್ ಚಿತ್ರಗಳ ಮೂಲಕ ತನ್ನದೇ ಛಾಪು ಮೂಡಿಸಿರೋ ಪ್ರಿಯಾಂಕ ಖಾಕಿ ತೊಟ್ಟು ಉಗ್ರಾವತಾರಿಯಾಗಿದ್ದಾರೆ. ಸದ್ಯ ಈ ಚಿತ್ರದ ಗುಮ್ಮಾನಿ ಸಾಂಗ್ ಸಖತ್ ಕಿಕ್ಕು ಕೊಡ್ತಿದ್ದು ಕೇಳುಗರ ದಿಲ್ ದೋಚಿದೆ.
- ಕತ್ರಿಗುಪ್ಪೆ ನಿವಾಸದಲ್ಲಿ ಬರ್ತ್ಡೇ ಬಿಗ್ ಸೆಲೆಬ್ರೇಷನ್
ಬೆಂಗಾಳಿ ಚೆಲುವೆ ಪ್ರಿಯಾಂಕ ಉಪೇಂದ್ರ ಬರ್ತ್ಡೇ ಸಂಭ್ರಮದಲ್ಲಿದ್ದಾರೆ. 46ನೇ ವಸಂತಕ್ಕೆ ಕಾಲಿಟ್ಟಿರೋ ಹೂವಂತ ಮನಸ್ಸಿರೋ ಬ್ಯೂಟಿಫುಲ್ ಬೆಡಗಿ ಬರ್ತ್ಡೇ ಖುಷಿಯಲ್ಲಿದ್ದಾರೆ. ಸ್ಯಾಂಡಲ್ವುಡ್ ಸೇರಿದಂತೆ ರಾಜಕೀಯ, ಸ್ನೇಹಿತ ವರ್ಗದ ಕಡೆಯಿಂದ ಶುಭಾಷಯಗಳ ಮಹಾಪೂರ ಹರಿದು ಬರ್ತಿದೆ. ತಮ್ಮ ಕತ್ರಿಗುಪ್ಪೆ ನಿವಾಸದಲ್ಲಿ ಫ್ಯಾನ್ಸ್ ಜೊತೆಗೆ ಕೇಕ್ ಕಟ್ ಮಾಡಿ ಬರ್ತ್ಡೇನಾ ಅದ್ಧೂರಿಯಾಗಿ ಸೆಲೆಬ್ರೇಟ್ ಮಾಡಿದ್ದಾರೆ.
ಹೆಚ್ ಟು ಓ ಸಿನಿಮಾ ನಂತ್ರ ರಿಯಲ್ ಸ್ಟಾರ್ ಉಪ್ಪಿ ಕೈ ಹಿಡಿದ ಗಾರ್ಜಿಯಸ್ ಬೆಡಗಿ ಚಿತ್ರರಂಗದಲ್ಲಿ ಇಂದಿಗೂ ಆ್ಯಕ್ಟಿವ್ ಆಗಿದ್ದಾರೆ. ವುಮೆನ್ ಸೆಂಟ್ರಿಕ್ ಚಿತ್ರಗಳ ಮೂಲಕ ಇಂದಿಗೂ ಕನ್ನಡಿಗರ ಎದೆಯಲ್ಲಿ ಶಾಶ್ವತವಾಗಿ ನೆಲೆ ಊರಿದ್ದಾರೆ. ಹಾರರ್ ಥ್ರಿಲ್ಲರ್ ಜೊತೆಗೆ ಸಾಮಾಜಿಕ ಕಳಕಳಿಯ ಸಿನಿಮಾಗಳಲ್ಲು ಬ್ಯುಸಿಯಾಗಿದ್ದಾರೆ. ಇಂದು ಬರ್ತ್ ಡೇ ಸಲುವಾಗಿ ತಮ್ಮ ನಿವಾಸದಲ್ಲಿ ಅಭಿಮಾನಿಗಳಿಗೆ ಊಟದ ವ್ಯವಸ್ಥೆ ಮಾಡಿ ಬರ್ತ್ಡೇ ಆಚರಿಸಿಕೊಂಡಿದ್ದಾರೆ.
- ಪ್ರಿಯಾಂಕಾಗೆ ಬರ್ತ್ಡೇ ಗಿಫ್ಟ್ ಕೊಟ್ಟ ಕೈಮರ ಚಿತ್ರತಂಡ
- ಎಷ್ಟೇ ಬ್ಯುಸಿ ಇದ್ರೂ ಪ್ರಿಯಾಂಕ ಚಿತ್ರಕ್ಕೆ ಉಪ್ಪಿ ಫುಲ್ ಸಾಥ್
ಕೋಟಿಗೊಬ್ಬ ಚಿತ್ರದ ನಂತ್ರವೂ ಸಿನಿಕರಿಯರ್ ಮುಂದುವರೆಸಿದ ಪ್ರಿಯಾಂಕ ಶ್ರೀಮತಿ, ದೇವಕಿ, ಮಮ್ಮಿ, ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ಬ್ಯುಸಿ ಆದ್ರು. ಜೊತೆಗೆ ತಮಿಳು, ತೆಲುಗು, ಬೆಂಗಾಳಿ ಚಿತ್ರಗಳಲ್ಲೂ ಆ್ಯಕ್ಟ್ ಮಾಡಿ ಸೈ ಎನಿಸಿಕೊಂಡ್ರು. ಈ ನಡುವೆ ಉಗ್ರಾವತಾರ ಚಿತ್ರದ ಗುಮ್ಮಾನಿ ಸಾಂಗ್ ಬಿಡುಗಡೆ ಸಮಾರಂಭಕ್ಕೆ ಉಪ್ಪಿ ಹಾಜಾರಿದ್ದು, ಪತ್ನಿಗೆ ಸಾಥ್ ಕೊಟ್ರು.
ಬರ್ತ್ಡೇಗೆ ಕೈಮರ ಚಿತ್ರತಂಡ ಪೋಸ್ಟರ್ ರಿಲೀಸ್ ಮಾಡಿ ಸ್ಪೆಷಲ್ ಗಿಪ್ಟ್ ಕೊಡ್ತು. ಸ್ಟಾರ್ ನಟಿಯರ ಪೈಪೋಟಿ ನಡುವೆಯೂ ಇಂದಿಗೂ ಪ್ರಿಯಾಂಕ ಕೈಯಲ್ಲಿ ಸಾಕಷ್ಟು ಸಿನಿಮಾಗಳಿವೆ. ಮಿಸ್ ನಂದಿನಿ, ಉಗ್ರಾವತಾರ, ದಿ ವೈರಸ್, ಕಮರೊಟ್ಟು 2, ಡಿಟೆಕ್ಟಿವ್ ತೀಕ್ಷ್ಣ, ಬಂಗಾಲಿ ಸೇರಿದಂತೆ ಅನೇಕ ಪ್ರಾಜೆಕ್ಟ್ಗಳಲ್ಲಿ ಕಾಲ್ಶೀಟ್ ಕೊಟ್ಟಿದ್ದಾರೆ.
ಪ್ರಿಯಾಂಕ ಉಪೇಂದ್ರ ದಂಪತಿಗೆ ಆಯುಷ್, ಐಶ್ವರ್ಯಾ ಮಕ್ಕಳಿದ್ದಾರೆ. ಅಮೇರಿಕಾದಲ್ಲಿ ಓದಿದ್ರು, ಸ್ಟಾರ್ ನಟಿಯಾಗಿ ಮಿಂಚಿದ್ರೂ, ಭಾರತೀಯ ಸಂಪ್ರದಾಯ ಮರೆಯದ ಸುಸಂಸ್ಕೃತ ನಾರಿಯಾಗಿ ಕಂಗೊಳಿಸ್ತಾರೆ. ಎಲ್ಲರನ್ನೂ ಗೌರವಿಸುತ್ತಾ ತುಂಬ ಕುಟುಂಬದ ಹುಡುಗಿಯಾಗಿ, ಕರ್ನಾಟಕದ ಮುದ್ದಿನ ಸೊಸೆಯಾಗಿ ಬಾಳ್ತಿದ್ದಾರೆ. ಅವರ ವೈಯಕ್ತಿಕ ಜೀವನ, ಸಿನಿಮಾ ಎರಡು ಸುಖಮಯವಾಗಿರಲಿ ಎಂದು ಆಶಿಸೋಣ.
ರಾಕೇಶ್ ಆರುಂಡಿ, ಪಿಲ್ಮ್ ಬ್ಯುರೋ, ಪವರ್ ಟಿವಿ
