ಬೆಂಗಳೂರು: ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಸಿಕ್ಕಾಪಟ್ಟೆ ಬ್ಯುಸಿ ಇರೋ ಪ್ರಜ್ವಲ್ ದೇವರಾಜ್ ಅಬ್ಬರಿಸೋ ತವಕದಲ್ಲಿದ್ದಾರೆ. ತುಂಬಾ ದಿನಗಳಿಂದ ಬ್ರೇಕ್ ಥ್ರೂ ಚಿತ್ರಕ್ಕಾಗಿ ಕಾಯ್ತಿರೋ ಪ್ರಜ್ವಲ್ಗೆ ಈ ಸಿನಿಮಾ ಸಖತ್ ನಿರೀಕ್ಷೆ ಮೂಡಿಸಿದೆ. ಒಟ್ಟು ಐದು ಶೇಡ್ಗಳಲ್ಲಿ ಪ್ರಜ್ವಲ್ ಅಬ್ಬರ ತುಸು ಜೋರಾಗಿರಲಿದೆ. ಸದ್ಯ, ಈ ಚಿತ್ರದ ಮೇಕಿಂಗ್ ವೀಡಿಯೋ ರಿವೀಲ್ ಆಗಿದ್ದು ಚಿತ್ರದ ಕರಾಮತ್ತಿನ ತಾಕತ್ತನ್ನು ತೋರಿಸಿದೆ.
ಕ್ರಿಶ್ ಗೆಟಪ್ನಲ್ಲಿ ಪ್ರಜ್ವಲ್ ಮೈನವಿರೇಳಿಸೋ ಫೈಟಿಂಗ್ ಸಿನಿಮಾದಲ್ಲಿ ಜೋರಾಗಿದೆ. ಪ್ರಜ್ವಲ್ ದೇವರಾಜ್ ಸಿನಿಮಾಗಳಂದ್ರೆ ಮನರಂಜನೆಗೇನೂ ಕೊರತೆ ಇಲ್ಲ. ಸದ್ಯ ಇತ್ತೀಚೆಗೆ ಪ್ರೇಕ್ಷಕರ ಹೃದಯ ಗೆದ್ದ ಸಿನಿಮಾಗಳು ಬಂದ್ರು ಬಾಕ್ಸ್ ಆಫೀಸ್ ಕಲೆಕ್ಷನ್ನಲ್ಲಿ ಹೇಳಿಕೊಳ್ಳುವ ಮಟ್ಟಿಗೆ ಹಣ ಗಳಿಸಲಿಲ್ಲ. ಇದೀಗ ಕ್ರಿಶ್ ಅವತಾರದಲ್ಲಿ ಐ ಯಾಮ್ ಕಂಬ್ಯಾಕ್ ಅಂತಿದ್ದಾರೆ ಪ್ರಜ್ವಲ್. ಯ್ಯುಟ್ಯೂಬ್ನಲ್ಲಿ ಸೌಂಡ್ ಮಾಡ್ತಿರೋ ಅಬ್ಬರ ಸಿನಿಮಾದ ಟ್ರೈಲರ್ ಪ್ರಾಮಿಸಿಂಗ್ ಆಗಿದ್ದು ನಿರೀಕ್ಷೆಗಳನ್ನು ದುಪ್ಪಟ್ಟು ಮಾಡಿದೆ, ಜೊತೆಗೆ ಮೇಕಿಂಗ್ ವೀಡಿಯೋ ಇನ್ನಷ್ಟು ಕ್ಯೂರಿಯಾಸಿಟಿ ಮೂಡಿಸಿದೆ.
ಒಟ್ಟಾರೆ ಐದು ಶೇಡ್ಗಳಲ್ಲಿ ಪ್ರಜ್ವಲ್ ರೋಲ್ ಲೀಡ್ ಮಾಡಲಿದ್ದಾರೆ. ಹಾಗಾಗಿ ಚಿತ್ರದಲ್ಲಿ ಫನ್, ಆ್ಯಕ್ಷನ್, ಕನ್ಪ್ಯೂಷನ್, ಲವ್, ಸಸ್ಪೆನ್ಸ್ ಎಲ್ಲವೂ ಥ್ರಿಲ್ಲಿಂಗ್ ಆಗಿರಲಿದೆ. ಜೊತೆಗೆ ಪ್ರಜ್ವಲ್ಗೆ ಮೂವರು ನಾಯಕಿಯರಿದ್ದು ಹಾಡುಗಳು ಕೂಡ ಪ್ರೇಕ್ಷಕರಿಗೆ ಗುಂಗಿಡಿಸಲಿವೆ. ಸದ್ಯ, ಈಗ ರಿವೀಲ್ ಆಗಿರುವ ಮೇಕಿಂಗ್ ವೀಡಿಯೋದಲ್ಲಿ ಚತ್ರತಂಡದ ಹಾರ್ಡ್ವರ್ಕ್ ಎದ್ದು ಕಾಣುತ್ತೆ. ನವೆಂಬರ್ 18ಕ್ಕೆ ಚಿತ್ರತಂಡದ ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗಲಿದೆ.
ಆರ್ಮುಗಂ ರವಿಶಂಕರ್, ಶೋಭರಾಜ್ ಆ್ಯಕ್ಷನ್ ಆರ್ಭಟ ಸಿನಿಮಾದಲ್ಲಿದ್ದು, ಉಮೇಶ್, ಮೋಹನ್ ಜುನೇಜಾ ಕಾಮಿಡಿ ಸಿನಿಮಾದಲ್ಲಿದೆ. ಅಬ್ಬರ ಚಿತ್ರದ ಮೇಕಿಂಗ್ ವೀಡಿಯೋ ನೋಡಿದ್ರೆ ಚಿತ್ರದಲ್ಲಿ ಆ್ಯಕ್ಷನ್ ಸೀಕ್ವೆನ್ಸ್ ಭರ್ಜರಿಯಾಗಿರೋದು ತಿಳಿಯುತ್ತೆ. ಹೆಚ್ಚು ಡ್ಯೂಪ್ ಬಳಸದೆ ಅಪಾಯಕಾರಿ ಆ್ಯಕ್ಷನ್ ದೃಶ್ಯಗಳನ್ನು ಶೂಟ್ ಮಾಡಲಾಗಿದೆ. ಜೊತೆಗೆ ಆರ್ಮುಗಂ ರವಿಶಂಕರ್ ಅಗೈನ್ ರೋರಿಂಗ್ ಘೋರವಾಗಿದೆ. ಶೋಭರಾಜ್ ಖಡಕ್ ವಾಯ್ಸ್ ಚಿತ್ರಕ್ಕೆ ಪ್ಲಸ್ ಆಗಿರೋದು ಎದ್ದು ಕಾಣುತ್ತೆ.
ಇದಲ್ಲದೆ ಕಾಮಿಡಿ ಸಿಕ್ಕಾಪಟ್ಟೆ ಸ್ಪೇಸ್ ನೀಡಿರೋದು ಕೂಡ ಮೇಕಿಂಗ್ ವೀಡಿಯೋದಲ್ಲಿ ಸಾಬೀತಾಗುತ್ತದೆ. ಮೋಹನ್ ಜುನೇಜಾ, ಹಿರಿಯ ನಟ ಉಮೇಶ್, ಅರಸು ಮಹಾರಾಜ್, ವಿಜಯ್ ಚಂದ್ರು ಅವರ ಫನ್ನಿ ಸೀನ್ಸ್ ಡೈಲಾಗ್ ಇಲ್ಲದೇ ನಗು ತರಿಸುತ್ತಿವೆ. ಕಾಮಿಡಿ ಎಂಟರ್ಟೈನ್ ಜೊತೆಗೆ ರಿವೇಂಜ್ ಥಾಟ್ ಕೂಡ ಇರೋದ್ರಿಂದ ಚಿತ್ರದ ಮೇಲಿನ ಕ್ಯೂರಿಯಾಸಿಟಿ ಡಬಲ್ ಡಬಲ್ ಆಗಿದೆ.
ಈ ಚಿತ್ರದಲ್ಲಿ ಪ್ರಜ್ವಲ್ಗೆ ನಾಯಕಿಯರಾಗಿ ನಿಮಿಕಾ ರತ್ನಾಕರ್, ಲೇಖಾಚಂದ್ರ ಹಾಗೂ ರಾಜಶ್ರೀ ಪೊನ್ನಪ್ಪ ಇದ್ದಾರೆ. ರವಿ ಬಸ್ರೂರು ಮ್ಯೂಸಿಕ್ ಚಿತ್ರದ ಹೈಲೈಟ್. ಜೆ.ಕೆ.ಗಣೇಶ್ ಸಿನಿಮಾಟೋಗ್ರಫಿ ಚಿತ್ರಕ್ಕೆ ಪ್ಲಸ್ ಆಗಲಿದೆ. ಸಿ. ಅಂಡ್ ಎಂ.ಮೂವೀಸ್ ಲಾಂಛನದಲ್ಲಿ ಬಸವರಾಜ್ ಮಂಚಯ್ಯ ಅವರು ಸಿನಿಮಾ ನಿರ್ಮಾಣ ಮಾಡಿದ್ದು, ಕೆ. ರಾಮ್ನಾರಾಯಣ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಕನ್ನಡ ಚಿತ್ರರಂಗಕ್ಕೆ ಇದೀಗ ಶುಕ್ರದೆಸೆ ನಡೀತಿದೆ. ಹಾಗಾಗಿ ಅಬ್ಬರ ಚಿತ್ರ ಬೆಳ್ಳಿ ತೆರೆಯ ಮೇಲೆ ಅಬ್ಬರಿಸುತ್ತಾ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
