ಅಪ್ಪು ಇಲ್ಲದ ದಿನಗಳನ್ನು ಕಳೆಯುವುದೇ ಪರಮಹಿಂಸೆ. ಆದ್ರೆ, ದೊಡ್ಮನೆಯ ಪರಂಪರೆಯನ್ನು ಪಲ್ಲಕ್ಕಿಯಲ್ಲಿ ಹೊತ್ತು ಮೆರೆಸೋಕೆ ಫ್ಯಾನ್ಸ್ ಸದಾ ಕಾಯ್ತಿದ್ದಾರೆ. ಈ ಕನಸು ನನಸು ಮಾಡೋಕೆ ಅಂತ್ಲೇ ರಾಜ್ ವಂಶದ ಮತ್ತೊಬ್ಬ ಕುಡಿ ಯುವರಾಜ್ಕುಮಾರ್ ಸಜ್ಜಾಗಿದ್ದಾರೆ. ಯೆಸ್. ಯುವ ರಣಧೀರ ಕಂಠೀರವನ ನ್ಯೂ ವೆಂಚರ್ ಕಥೆ ಯಾವುದು ಗೊತ್ತಾ..? ಈ ಸ್ಟೋರಿ ಓದಿ.
- ಸದ್ಯದಲ್ಲೇ ಯುವರಾಜ್ ಅಭಿಮಾನಿಗಳಿಗೆ ಕಾದಿದೆ ಸರ್ಪ್ರೈಸ್
ಸ್ಯಾಂಡಲ್ವುಡ್ಗೆ ರಾಜ್ ಫ್ಯಾಮಿಲಿಯ ಕೊಡುಗೆಯನ್ನು ಪದಗಳಲ್ಲಿ ಬಣ್ಣಿಸಲು ಸಾಲದು. ಕನ್ನಡ ಅಂದ್ರೆ ಡಾ.ರಾಜ್ ಎಂಬ ನಾಣ್ಣುಡಿಯ ಬಗ್ಗೆ ನಿಮಗೆಲ್ಲಾ ಗೊತ್ತಿದೆ. ಜೊತೆಗೆ ಡಾ.ಶಿವರಾಜ್ ಕುಮಾರ್, ಪವರ್ ಸ್ಟಾರ್ ಪುನೀತ್, ರಾಘಣ್ಣ, ವಿನಯ್, ಧನ್ಯ ರಾಮ್ಕುಮಾರ್ ಹೀಗೆ ದೊಡ್ಡ ಪಟ್ಟಿಯೇ ಬೆಳೆಯುತ್ತಾ ಹೋಗುತ್ತೆ. ಈ ನಡುವೆ ಮತ್ತೊಬ್ಬ ಪಾದರಸದಂತ ಪ್ರತಿಭೆ ಕನ್ನಡ ಮಣ್ಣಿನಲ್ಲಿ ಗಟ್ಟಿಯಾಗಿ ಬೇರೂರಲು ಸಜ್ಜಾಗಿದೆ. ಯೆಸ್.. ಇಟ್ಸ್ ನನ್ ಅದರ್ ದ್ಯಾನ್ ಯುವರಾಜ್ಕುಮಾರ್.
ಕಟ್ಟು ಮಸ್ತಾದ ದೇಹ. ಖಡಕ್ ಫಿಟ್ನೆಸ್. ಹ್ಯಾಂಡ್ಸಮ್ ಲುಕ್ ಇರೋ ರಾಜ್ ಕುಟುಂಬದ ಕುಡಿ ಯವರಾಜ್ಕುಮಾರ್.ನೋಡಲು ಅಪ್ಪು ಮುಖಚರ್ಯೆಯನ್ನೇ ಹೋಲುವ ಯುವ ಈಗಾಗ್ಲೇ ಯುವ ರಣಧೀರ ಕಂಠೀರವ ಚಿತ್ರದ ಫಸ್ಟ್ ಗ್ಲಿಂಪ್ಸ್ ಮೂಲಕ ಕುತೂಹಲದ ರಣಕಹಳೆ ಊದಿದ್ದಾರೆ. ಇದ್ರ ಜೊತೆಗೆ ಮತ್ತೊಂದು ಚಿತ್ರದ ಮುನ್ಸೂಚನೆ ಕೊಡೋ ಮೂಲಕ ಕಿಚ್ಚಿನ ಕಿಡಿ ಹಚ್ಚಿದ್ದಾರೆ.
- ಯಂಗ್ಮ್ಯಾನ್ ಯುವಗೆ ಪವರ್ ಸ್ಟಾರ್ ಮಾಡ್ಬೇಕಿದ್ದ ಚಿತ್ರ
- ಸದ್ಯದಲ್ಲೇ ಸೆಟ್ಟೇರಲಿದೆ ಸಂತೋಷ್- ಯುವ ನ್ಯೂ ಪ್ರಾಜೆಕ್ಟ್
ಅದೊಂದು ಕರಾಳ ದಿ. 2021 ಅಕ್ಟೋಬರ್ 29. ಇಡೀ ಕರುನಾಡು ಬಿಕ್ಕಿ ಬಿಕ್ಕಿ ಅತ್ತ ದಿನ. ಅದೆಷ್ಟೋ ಕನಸುಗಳು ನುಚ್ಚು ನೂರಾದ ದಿನ. ದೇವತಾ ಮನುಷ್ಯನ ಭವಿಷ್ಯದ ಕನಸುಗಳಿಗೆ ಪಾಪಿ ಯಮಕಿಂಕರ ಫುಲ್ ಸ್ಟಾಪ್ ಇಟ್ಟ ದಿನ. ಯೆಸ್.. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹಾಗೂ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಮತ್ತೊಂದು ಸಿನಿಮಾ ಮಾಡೋ ಪ್ಲಾನ್ ಕೂಡ ಪ್ಲಾಫ್ ಅಗಿತ್ತು. ಯುವರತ್ನ, ರಾಜಕುಮಾರ ಹಿಟ್ ಸಿನಿಮಾ ನೀಡಿದ್ದ ಜೋಡಿಯ ಮತ್ತೊಂದು ಕನಸು ನುಚ್ಚು ನೂರಾಗಿತ್ತು.
ಯೆಸ್.. ಅಪ್ಪುಗೋಸ್ಕರ ಮುಡಿಪಾಗಿದ್ದ ಕಥೆಗೆ ರಾಘವೇಂದ್ರ ರಾಜ್ಕುಮಾರ್ ಪುತ್ರ ಯುವ ಫಿಕ್ಸ್ ಆಗಿದ್ದಾರೆ. ಅಭಿಮಾನಿ ವಲಯದ ಒತ್ತಾಸೆ ಮೇರೆಗೆ ಯುವರಾಜ್ಕುಮಾರ್ ನಾಯಕನಾಗಿ ಅಭಿನಯಿಸಲಿದ್ದಾರೆ. ಸದ್ಯ ಈ ಕುರಿತು ಸಂತೋಷ್ ಆನಂದ್ ರಾಮ್ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಸಹೋದರ ಸಮಾನರಾದ ಎಲ್ಲ ಅಭಿಮಾನಿಗಳಿಗೆ ಅತಿ ಶೀಘ್ರದಲ್ಲಿ ನನ್ನ ಹಾಗೂ ಯುವರಾಜ್ ಕುಮಾರ್ ಕಾಂಬಿನೇಶನ್ ಚಿತ್ರದ ಎಲ್ಲ ಮಾಹಿತಿ ಹೊರಬರುತ್ತದೆ. ನಿಮ್ಮ ಆಶೀರ್ವಾದ ಸದಾ ಇರಲಿ ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ಫೋಟೋ ಕೂಡ ಶೇರ್ ಮಾಡಿದ್ದಾರೆ.
ಎಲ್ಲವೂ ಪ್ಲ್ಯಾನ್ ಪ್ರಕಾರವೇ ನಡೆದಿದ್ದರೆ ಯುವ ರಾಜ್ಕುಮಾರ್ ನಟನೆಯ ಮೊದಲ ಸಿನಿಮಾ ‘ಯುವ ರಣಧೀರ ಕಂಠೀರವ’ ಚಿತ್ರ ಸಿದ್ಧವಾಗಿರಬೇಕಿತ್ತು. ಕಾರಣಾಂತರಗಳಿಂದ ಆ ಸಿನಿಮಾ ಕೆಲಸಗಳು ವಿಳಂಬ ಆಗಿವೆ. ಇನ್ನು ನಿರ್ದೇಶಕ ಪವನ್ ಕುಮಾರ್ ಅವರ ಜೊತೆ ಪುನೀತ್ ರಾಜ್ಕುಮಾರ್ ಅವರು ಅನೌನ್ಸ್ ಮಾಡಿದ್ದ ‘ದ್ವಿತ್ವ’ ಸಿನಿಮಾ ಏನಾಗಲಿದೆ ಎಂಬ ಕೌತುಕ ಕೂಡ ಅಭಿಮಾನಿಗಳಲ್ಲಿ ಮನೆ ಮಾಡಿದೆ. ಇದ್ರ ನಡುವೆ ಯುವ ನೆಕ್ಸ್ಟ್ ಪ್ರಾಜೆಕ್ಟ್ ಹೈಪ್ ಕ್ರಿಯೇಟ್ ಮಾಡಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
