ನ್ಯಾಷನಲ್ ಕ್ರಶ್ ರಶ್ಮಿಕಾ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಅವ್ರು ಸಿನಿಮಾಗಳಷ್ಟೇ ಟ್ರೋಲ್ಗಳಿಂದಲೂ ಸಿಕ್ಕಾಪಟ್ಟೆ ಫೇಮಸ್. ಬಿಟ್ಟರೂ ಬಿಡದಂತೆ ಬೆನ್ನು ಹತ್ತಿದ ಬೇತಾಳವಾಗಿ ಟ್ರೋಲರ್ಗಳು ರಶ್ಮಿಕಾಗೆ ಕಾಟ ಕೊಡ್ತಿದ್ದಾರೆ. ಎಷ್ಟೇ ಕಾಳಜಿ ವಹಿಸಿ ರಶ್ಮಿಕಾ ಮಾತಾಡಿದ್ರೂ ಸಹ ಟ್ರೋಲರ್ಗಳಿಗೆ ಬಕ್ರಿದ್ ಬಿರಿಯಾನಿ ಆಗಿಬಿಡ್ತಾರೆ. ಇದಕ್ಕೆಲ್ಲಾ ಫುಲ್ ಸ್ಟಾಪ್ ಇಡೋಕೆ ರಶ್ಮಿಕಾ ಮೌನ ಮುರಿದಿದ್ದಾರೆ. ಟ್ರೋಲರ್ಸ್ಗೆ ರಶ್ಮಿಕಾ ಕೊಟ್ಟ ಖಡಕ್ ವಾರ್ನಿಂಗ್ ಏನ್ ಗೊತ್ತಾ..? ನೀವೇ ಓದಿ.
- ನೆಗೆಟಿವ್ ಕಮೆಂಟ್ಸ್ಗಳಿಗೆ ಶ್ರೀವಲ್ಲಿ ಎಮೋಷನಲ್ ರಿಯಾಕ್ಷನ್
ರಶ್ಮಿಕಾ ಮಂದಣ್ಣ. ಸದ್ಯ ಸೌತ್ ಇಂಡಸ್ಟ್ರಿಯಲ್ಲಿ ಬಹು ಬೇಡಿಕೆಯ ನಟಿಯಾಗಿ ಮಿಂಚ್ತಿರೋ ಬ್ಯುಟಿಫುಲ್ ಬೆಡಗಿ. ರಶ್ಮಿಕಾ ಮನೆಬಾಗಿಲಲ್ಲಿ ಅದೃಷ್ಠಲಕ್ಷ್ಮಿ ಕಾಲು ಮುರಿದುಕೊಂಡು ಬಿದ್ದಿದ್ದಾಳೆ ಅನಿಸುತ್ತೆ. ಯಾಕಂದ್ರೆ, ರಶ್ಮಿಕಾ ಮುಟ್ಟಿದ್ದೆಲ್ಲಾ ಚಿನ್ನ. ಕಿರಿಕ್ ಪಾರ್ಟಿ ಚೆಲುವೆ ಟಾಲಿವುಡ್ಗೆ ಎಂಟ್ರಿ ಕೊಟ್ಟಿದ್ದೇ ತಡ ಅವರ ನಸೀಬೆ ಚೇಂಜ್ ಆಗಿ ಹೋಯ್ತು. ನೋಡ ನೋಡ್ತಿದ್ದಂತೆ ಎಲ್ಲರೂ ಬಾಯಲ್ಲಿ ಬೆರಳಿಡುವಂತೆ ಬೆಳೆದುಬಿಟ್ರು. ಆದ್ರೆ, ಅದ್ಯಾಕೋ ಟ್ರೋಲ್ ಕಂಟಕದಿಂದ ರಶ್ಮಿಕಾ ಮಾತ್ರ ಹೊರ ಬರೋಕೆ ಸಾಧ್ಯವಾಗ್ತಿಲ್ಲ.
ಟ್ರೋಲ್ ಇರಲಿ, ಮೀಮ್ಸ್ ಇರಲಿ, ಸೋಶಿಯಲ್ ಮೀಡಿಯಾಗಳಲ್ಲಿ ಬಹುಪಾಲು ರಶ್ಮಿಕಾ ಇದ್ದೇ ಇರ್ತಾರೆ. ಆದ್ರೆ, ಇದೀಗ ಇದಕ್ಕೆಲ್ಲಾ ಫುಲ್ ಸ್ಟಾಪ್ ಇಡೋಕೆ ಕೊಡಗಿನ ಕುವರಿ ಡಿಸೈಡ್ ಮಾಡಿದ್ದಾರೆ. ಭಾವನಾತ್ಮಕ ಸುದೀರ್ಘ ಪತ್ರ ಬರೆದಿದ್ದಾರೆ. ತಮ್ಮ ಇನ್ಸ್ಟಾಗ್ರಾಂ ನಲ್ಲಿ ಟ್ರೋಲರ್ಗಳಿಗೆ ಖಡಕ್ ವಾರ್ನಿಂಗ್ ಕೊಟ್ಟಿರೋ ರಶ್ಮಿಕಾ ಪತ್ರ ಸಖತ್ ವೈರಲ್ ಆಗಿದೆ. ಪ್ರತಿಯೊಬ್ರು ನನ್ನನ್ನ ಪ್ರೀತಿಸಬೇಕು ಅಂತಾ ನಿರೀಕ್ಷೆ ಮಾಡ್ತಿಲ್ಲ. ಅಂತಾ ಮನದಾಳದ ಮಾತು ಹಂಚಿಕೊಂಡಿದ್ದಾರೆ.
- ನನ್ನದಲ್ಲದ ತಪ್ಪಿಗೆ ನನ್ನ ಟ್ರೋಲ್ ಮಾಡಬೇಡಿ ಅಂದಿದ್ಯಾಕೆ..?
- ಟ್ರೋಲ್ಸ್ಗೆ ಬೇಸತ್ತು ಖಿನ್ನತೆಗೆ ಒಳಗಾದ್ರಾ ಕನ್ನಡತಿ ರಶ್ಮಿಕಾ..!?
ಯೆಸ್.. ರಶ್ಮಿಕಾ ತುಂಬಾ ಭಾವುಕರಾಗಿಯೇ ಈ ಪತ್ರ ಬರೆದುಕೊಂಡಿದ್ದಾರೆ. ನನ್ನದಲ್ಲದ ತಪ್ಪಿಗೆ ಕೆಲವ್ರು ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೋಲ್ ಮಾಡ್ತಿದ್ದಾರೆ. ನಾನು ಹೇಳದೇ ಇರುವ ಮಾತಿಗೆ ವ್ಯಂಗ ಮಾಡಿ ತಮಾಷೆ ಮಾಡಲಾಗ್ತಿದೆ. ನಾನು ನಿಮ್ಮನ್ನು ರಂಜಿಸೋಕೆ ಎಷ್ಟು ಶ್ರಮ ಪಡ್ತೀನಿ ಅನ್ನೋದು ನಂಗೆ ಮಾತ್ರ ಗೊತ್ತಿದೆ. ನನ್ನ ಮಾತನ್ನು ತಪ್ಪಾಗಿ ಅರ್ಥೈಸಿ ನೆಟ್ಟಿಗರು ಟ್ರೋಲ್ ಮಾಡ್ತಿರೋದ್ರಿಂದ ಇಂಡಸ್ಟ್ರಿ ಸೇರಿ ಹೊರಗೆ ನನ್ನ ಸಂಬಂಧ ಹಾಳಾಗ್ತಿದೆ ಎಂದಿದ್ದಾರೆ ರಶ್ಮಿಕಾ.
ಇದ್ರ ಜೊತೆಗೆ ರಶ್ಮಿಕಾ ಮಾತು ಮುಂದುವರೆಸಿ, ಈ ಮೂಲಕ ನಾನು ನಿಮ್ಮನ್ನು ಗೆಲ್ಲಲು ಬಂದಿಲ್ಲ. ಈ ರೀತಿ ಮಾಡೋದ್ರಿಂದ ಜನರ ಮೇಲಿನ ನನ್ನ ಭಾವನೆ ಬದಲಾಗುತ್ತೆ ಎಂದು ಅಂದುಕೊಳ್ಳಬೇಡಿ. ಈ ನಂತ್ರವೂ ನಿಮ್ಮ ಮೇಲೆ ಅದೇ ಪ್ರೀತಿ ಇರಲಿದೆ ಎಂದಿದ್ದಾರೆ. ನಿಮ್ಮಂದ್ಲೇ ಈ ಹಂತಕ್ಕೆ ಬೆಳೆದಿದ್ದೇನೆ. ನಿಮ್ಮನ್ನು ಖುಷಿ ಪಡಿಸುವ ಕೆಲಸ ನನ್ನದು ಎಂದು ಎಮೋಷನಲ್ ಆಗಿ ಮಾತನ್ನಾಡಿದ್ದಾರೆ. ಪ್ರಶಾಂತವಾದ ನದಿಯ ಮೇಲೆ ಮಾಸ್ಕ್ ಧರಿಸಿ ಸೈಲೆಂಟ್ ಆಗಿ ಕೂತಿರುವ ಫೋಟೋ ಕೂಡ ಅಟ್ಯಾಚ್ ಮಾಡಿದ್ದಾರೆ.
ರಶ್ಮಿಕಾ ಕನ್ನಡದ ಹುಡುಗಿ. ಆದ್ರೇ, ಕಿರಿಕ್ ಪಾರ್ಟಿ ನಂತ್ರ ರಕ್ಷಿತ್ ಶೆಟ್ಟಿ ಜೊತೆ ಮದ್ವೆ ಮುರಿದು ಬಿದ್ದಿದ್ದು ಕೆಲವರಿಗೆ ಸಹಿಸಿಕೊಳ್ಳಲಾಗಿಲ್ಲ ಅನಿಸುತ್ತಿದೆ. ಜೊತೆಗೆ ಕನ್ನಡ ಬಿಟ್ಟು ಪರಭಾಷೆ ಸಿನಿಮಾಗಳಿಗೆ ಕಾಲ್ಶೀಟ್ ಕೊಟ್ಟಿದ್ದು ಕೆಲವು ಕನ್ನಡ ಪ್ರೇಮಿಗಳ ವಿರೋಧಕ್ಕೆ ಕಾರಣವಾಗಿರಬಹುದು. ಅದೇನೆ ಇದ್ರೂ, ಟ್ರೋಲ್ಸ್ ವಿರುದ್ಧ ಎಲ್ಲೂ ಕೆಟ್ಟದ್ದಾಗಿ ಮಾತನಾಡದೇ, ನಿಮ್ಮನ್ನ ಪ್ರೀತಿಸ್ತೀನಿ ಅಂದಿದ್ದು ರಶ್ಮಿಕಾ ಮುಗ್ಧತೆಗೆ ಸಾಕ್ಷಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
