ದೊಡ್ಮನೆ ಫ್ಯಾಮಿಲಿ ಜೊತೆ ಬಿಗ್ ಬಿ ಅಮಿತಾಬ್ ಒಡನಾಟ ದೊಡ್ಡದು. ಅಪ್ಪು ಕಂಡ್ರೆ ಬಿಗ್ಬಿಗೆ ಪಂಚಪ್ರಾಣ. ಅಪ್ಪು ಬಗ್ಗೆ ಬಿಗ್ ಬಿ ಹೃದಯಸ್ಪರ್ಶಿ ಮಾತುಗಳನ್ನಾಡಿದ್ದಾರೆ. ಬಾಲ್ಯದ ಸಿಹಿ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ. ಯೆಸ್.. ವಿಶ್ವಮಾನವ, ಪ್ರೇಮದ ಸಾಕಾರ ಮೂರ್ತಿ, ನಗುವಿನ ಒಡೆಯ ಅಪ್ಪು ಬಗ್ಗೆ ಬಿಗ್ ಬಿ ಹೇಳಿದ್ದೇನು..? ನೀವೇ ಓದಿ.
- ಅಪ್ಪು ಪ್ಯೂರ್ ಸ್ಮೈಲ್ ಬಗ್ಗೆ ಅಮಿತಾಬ್ ಬಚ್ಚನ್ ಹೇಳಿದ್ದೇನು..?
ಅಪ್ಪು ಪುಟ್ಟ ಬಾಲಕನಾಗಿದ್ದ ಕಾಲದಿಂದ್ಲೂ ಅಮಿತಾಬ್ ಬಚ್ಚನ್ ಜೊತೆ ಪ್ರೀತಿಯ ನಂಟು ಹೊಂದಿದ್ರು. ಭಕ್ತ ಪ್ರಹ್ಲಾದ ಚಿತ್ರದ ಸಮಯದಲ್ಲಿ ಸೆಟ್ಟಿಗೆ ಭೇಟಿ ಕೊಟ್ಟಿದ್ದ ಬಿಗ್ ಬಿ ಅಪ್ಪು ಎತ್ತಿ ಮುದ್ದಾಡಿದ್ರು. ಜೊತೆಗೆ ಅಮಿತಾಬ್ ಕಂಡ್ರೆ ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ಗೂ ಪಂಚಪ್ರಾಣ. ಎಲ್ಲರ ಸ್ವಂತ, ಸದಾ ಅನಂತವಾಗಿರೋ ಯುವರಾಜನ ಬಗ್ಗೆ ಅಮಿತಾಬ್ ಹೃದಯ ತುಂಬಿ ಮಾತನ್ನಾಡಿದ್ದಾರೆ. ಅಪ್ಪು ಕಳೆದ ದಿನಗಳನ್ನು ನೆನಪು ಮಾಡ್ಕೋಳೋಕೆ ಕಷ್ಟ ಆಗುತ್ತೆ ಎಂದಿದ್ದಾರೆ.
ಪ್ರಕೃತಿಯೇ ಸಕಲ ಪಾಠಶಾಲೆ. ಸಕಲ ಜೀವಲೀಲೆಯೂ ಅಲ್ಲೇ ಇದೆ. ಇಂತಹ ವನಸಿರಿಯ ಪರಿಚಯ ಮಾಡಿಸಿದ ಅಪ್ಪು ಗಂಧದ ಗುಡಿ ಚಿತ್ರದ ಬಗ್ಗೆ ಅಮಿತಾಭ್ ಶುಭ ಹಾರೈಸಿದ್ರು. ಈ ವೀಡಿಯೋ ಪಿಆರ್ಕೆ ಯ್ಯುಟ್ಯೂಬ್ ಚಾನಲ್ನಲ್ಲಿ ರಿಲೀಸ್ ಆಗಿದ್ದು, ಅಪ್ಪು ಬಗ್ಗೆ ಬಿಗ್ ಬಿ ಆಡಿರೋ ಮಾತು ಕೇಳಿ ಎಲ್ರು ಭಾವುಕರಾಗಿದ್ದಾರೆ. ಅಪ್ಪು ಅಂದ್ ತಕ್ಷಣ ಅಟ್ರಾಕ್ಟ್ ಆಗೋ ವಿಚಾರ ಅಂದ್ರೆ, ಪ್ರಿಯವಾದ ಸ್ಮೈಲ್. ನಾನೆಲ್ಲೆ ಮೀಟ್ ಆಗಲಿ, ಆ ಮುದ್ದು ನಗು ಸದಾ ಇರ್ತಿತ್ತು. ಹಾಗಾಗಿಯೇ ಲೆಜೆಂಡ್ರಿ ಫ್ಯಾನ್ಸ್ ಫಾಲ್ಲೋಯಿಂಗ್ ಹೊಂದಿದ್ದಾರೆ ಎಂದು ಕೊಂಡಾಡಿದ್ರು.
- ‘ಗಂಧದಗುಡಿ’ ಬಗ್ಗೆ ಅಮಿತಾಬ್ ಮನಸಿನ ಮಾತೇನು..?
- ಅಪ್ಪು ನೆನಪನ್ನು ಜೀವಂತವಾಗಿಸಲು ಬಿಗ್ಬಿ ಹೇಳಿದ್ದೇನು..?
ನಾನು ಈಗ ಅಪ್ಪು ಕೊನೆ ಸಿನಿಮಾ ಬಗ್ಗೆ ಮಾತನಾಡುತ್ತೇನೆ. ಅಪ್ಪು ಗಂಧದ ಗುಡಿಯಲ್ಲಿ ಅಭಿನಯಸಿಲ್ಲ. ಅವರು ಜೀವಿಸಿ ಹೋಗಿದ್ದಾರೆ. ಕರ್ನಾಟಕದ ಅರಣ್ಯ ಸಂಪತ್ತಿನ ಮಹತ್ವ ಸಾರುತ್ತಲೇ ನಿಮ್ಮನ್ನ ಬೇರೆ ಜಗತ್ತಿಗೂ ಕರೆದುಕೊಂಡು ಹೋಗುತ್ತಾರೆ. ಮ್ಯಾಜಿಕಲ್ ಜರ್ನಿ ಇದು ಎಂದ್ರು.
ಯೆಸ್.. ಅಪ್ಪು ಜೀವಿಸಿ ಹೋದ ಗಂಧದ ಗುಡಿ ಚಿತ್ರಕ್ಕೆ ಅಮಿತಾಭ್ ಬಚ್ಚನ್ ಈ ಮೂಲಕ ಸ್ಪೆಷ್ ವಿಶ್ ಮಾಡಿದ್ದಾರೆ. ಬನ್ನಿ, ಅಪ್ಪುವನ್ನ ನಮ್ಮ ನೆನಪಿನಂಗಳದಲ್ಲಿ ಸದಾ ಜೀವಂತವಾಗಿರಿಸೋಣ ಅಂತಲೂ ಬಚ್ಚನ್ ಹೇಳಿದ್ರು. ಸದ್ಯ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಂಚಲನ ಮೂಡಿಸಿದೆ. ಬಿಗ್ ಬಿ ಆಡಿರುವ ಮಾತುಗಳು ಎಲ್ಲರನ್ನು ಭಾವಪರವಶತೆಯಲ್ಲಿ ತೇಲಿಸಿವೆ.
ಗಂಧದ ಗುಡಿ ಪ್ರೀ ರಿಲೀಸ್ ಇವೇಂಟ್ಗೆ ಬಿಗ್ ಬಿ ಬರ್ತಾರೆ ಎನ್ನಲಾಗಿತ್ತು. ಆದ್ರೆ, ಕಾರಣಾಂತರಗಳಿಂದ ಸಾಧ್ಯವಾಗದ ಕಾರಣ ಬಿಗ್ಬಿ ವೀಡಿಯೋ ಮೂಲಕವೇ ವಿಶ್ ಮಾಡಿದ್ರು. ಸದ್ಯ ಈ ವೀಡಿಯೋವನ್ನು ಅಶ್ವಿನಿ ಪುನೀತ್ ರಾಜ್ಕುಮಾರ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಬಿಗ್ ಬಿ ಸಂದೇಶಕ್ಕೆ ಹೃತ್ಪೂರ್ವಕ ಧನ್ಯವಾಧಗಳನ್ನು ಅರ್ಪಿಸಿದ್ದಾರೆ. ಈ ಮೂಲಕ ಅಪ್ಪು ಅಭಿಮಾನಿಗಳ ಎದೆಯಲ್ಲಿ ಬಿಗ್ಬಿ ಜಾಗ ಮಾಡಿಕೊಂಡಿದ್ದಾರೆ. ಜೊತೆಗೆ ಎಲ್ರೂ ತಪ್ಪದೇ ಸಿನಿಮಾ ನೋಡಿ ಎಂದು ಬಿಗ್ ಬಿ ಮನವಿ ಮಾಡಿಕೊಂಡಿದ್ದು ವಿಶೇಷವಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
