ಕೊರೋನಾ ನಡುವೆಯೂ ಪ್ರೇಕ್ಷಕರ ಗಮನ ಸೆಳೆದ ಮೂವಿ ದಿಯಾ. ಅದ್ರ ಕ್ಲೈಮ್ಯಾಕ್ಸ್ನಲ್ಲಿ ಬಾಯ್ಫ್ರೆಂಡ್ನ ಕಳೆದುಕೊಂಡು ನಾಪತ್ತೆಯಾಗಿದ್ದ ನಾಯಕಿ ಖುಷಿ, ಇದೀಗ ದೆವ್ವವಾಗಿ ಪ್ರತ್ಯಕ್ಷ ಆಗಿದ್ದಾಳೆ. ಇಷ್ಟಕ್ಕೂ ಆಕೆಗೆ ಏನಾಯ್ತು..? ಇದು ಹೊಸ ಮೂವಿ ಕಂಟೆಂಟಾ ಹೇಗೆ ಅನ್ನೋದ್ರ ರಿಪೋರ್ಟ್ ನೀವೇ ಓದಿ.
- ನವೆಂಬರ್ 14ಕ್ಕೆ ‘ಮೆಲ್ಲುಸಿರೆ ಸವಿಗಾನ’.. 25ಕ್ಕೆ ಸ್ಪೂಕಿ ತೆರೆಗೆ
ಕಂಟೆಂಟ್ ಬೇಸ್ಡ್ ಸಿನಿಮಾಗಳಿಗೆ ಕೇರ್ ಆಫ್ ಅಡ್ರೆಸ್ ಆಗಿರೋ ಸ್ಯಾಂಡಲ್ವುಡ್ ಅಂಗಳದಲ್ಲಿ ಇತ್ತೀಚೆಗೆ ಒಂದಕ್ಕಿಂತ ಒಂದು ಸಿನಿಮಾ ಬೆಸ್ಟ್ ಅನಿಸ್ತಿವೆ. ಅದ್ರಲ್ಲೂ ಮೇಕಿಂಗ್ ಜೊತೆಗೆ ಕಥೆ ಹಾಗೂ ಪಾತ್ರಗಳ ವಿಚಾರದಲ್ಲೂ ಯುನಿಕ್ನೆಸ್ ಕಾಯ್ದುಕೊಳ್ಳಲಾಗ್ತಿದೆ. ಸದ್ಯ ಅಂತಹ ಸಿನಿಮಾಗಳ ಸಾಲಿಗೆ ಸ್ಪೂಕಿ ಕಾಲೇಜ್ ಹೊಸ ಸೇರ್ಪಡೆ ಆಗಲಿದೆ.
ಕೊರೋನಾ ಸಂಕಷ್ಟ ಕಾಲದಲ್ಲೂ ಕನ್ನಡ ಚಿತ್ರರಂಗವನ್ನು ಜೀವಂತವಾಗಿಟ್ಟ ಸಿನಿಮಾ ದಿಯಾ. ಅದರ ನಾಯಕನಟಿ ಖುಷಿ ರವಿ, ಚಿತ್ರದ ಕ್ಲೈಮ್ಯಾಕ್ಸ್ನಲ್ಲಿ ತನ್ನ ಬಾಯ್ಫ್ರೆಂಡ್ನ ಕಳೆದುಕೊಳ್ತಾರೆ. ಅದಾದ ಬಳಿಕ ಆಕೆಯೂ ಸೂಸೈಡ್ ಮಾಡಿಕೊಂಡ್ರಾ..? ಗೊತ್ತಿಲ್ಲ. ಆದ್ರೆ ಬಹಳ ದಿನಗಳ ನಂತ್ರ ಇದೀಗ ದೆವ್ವದ ರೂಪ ತಾಳಿದ್ದಾರೆ. ಅದು ಸ್ಪೂಕಿ ಕಾಲೇಜ್ ಅನ್ನೋ ಸೈಕಲಾಜಿಕಲ್ ಹಾರರ್ ಥ್ರಿಲ್ಲರ್ ಸಿನಿಮಾಗಾಗಿ ಅನ್ನೋದು ವಿಶೇಷ.
ರಂಗಿತರಂಗ, ಅವನೇ ಶ್ರೀಮನ್ನಾರಾಯಣ ಖ್ಯಾತಿಯ ಹೆಚ್.ಕೆ. ಪ್ರಕಾಶ್ ನಿರ್ಮಾಣದ ಸ್ಪೂಕಿ ಕಾಲೇಜ್ಗೆ ಭರತ್ ಌಕ್ಷನ್ ಕಟ್ ಹೇಳಿದ್ದಾರೆ. ಇನ್ನು ಇಲ್ಲಿ ಖುಷಿ ಜೊತೆ ಲೀಡ್ನಲ್ಲಿ ಕಿರುತೆರೆ ಹಾಗೂ ಸಿನಿಮಾಗಳಲ್ಲೂ ಛಾಪು ಮೂಡಿಸಿರೋ ವಿವೇಕ್ ಸಿಂಹ ಬಣ್ಣ ಹಚ್ಚಿದ್ದಾರೆ. ಸದಾ ಲವ ಲವಿಕೆಯಿಂದ ಇರೋ ವಿವೇಕ್ಗೆ ಈ ಚಿತ್ರ ಬಿಗ್ ಬ್ರೇಕ್ ಕೊಡೋ ಮನ್ಸೂಚನೆ ನೀಡಿದೆ.
ಈಗಾಗ್ಲೇ ಥಿಯೇಟರ್, ಮಾಲ್, ಮೆಟ್ರೋ ಹೀಗೆ ಸಿಕ್ಕ ಸಿಕ್ಕಲ್ಲೆಲ್ಲಾ ಸ್ಪೂಕಿ ಕಾಲೇಜ್ ಫ್ಲೆಕ್ಸ್, ಪೋಸ್ಟರ್ಗಳು ರಾರಾಜಿಸ್ತಿವೆ. ಸಿನಿಮಾ ಕೂಡ ಇದೇ ನವೆಂಬರ್ 25ಕ್ಕೆ ತೆರೆಗಪ್ಪಳಿಸಲಿದ್ದು, ಮೆಲ್ಲುಸಿರೆ ಸವಿಗಾನ ಅನ್ನೋ ಅಣ್ಣಾವ್ರ ಹಾಡಿನ ರೀಮಿಕ್ಸ್ ವರ್ಷನ್ ಈ ಚಿತ್ರದಲ್ಲಿ ಅಳವಡಿಸಲಾಗಿದೆ. ರೀಷ್ಮಾ ನಾಣಯ್ಯ ಸೊಂಟ ಬಳುಕಿಸಿರೋ ಈ ಹಾಡಿಗೆ ಅಜನೀಶ್ ಟ್ಯೂನ್ ಇದ್ದು, ಇದೇ ನವೆಂಬರ್ 14ಕ್ಕೆ ರಿಲೀಸ್ ಆಗ್ತಿದೆ ಆ ಸ್ಪೆಷಲ್ ವಿಂಟೇಜ್ ಸಾಂಗ್.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
