ನವದೆಹಲಿ: ಸುಪ್ರೀಂ ಕೋರ್ಟ್ನ 50 ನೇ ಮುಖ್ಯ ನ್ಯಾಯಮೂರ್ತಿಯಾಗಿ ಡಿವೈ ಚಂದ್ರಚೂಡ್ ಅವರು ಇಂದು ಪ್ರಮಾಣ ವಚನ ಸ್ವೀಕಾರ ಮಾಡಿದರು. ಈ ವೇಳೆ ರಾಷ್ಟ್ರಪತಿ ದ್ರೌಪದಿ ಮುರ್ಮು ಪ್ರತಿಜ್ಞಾ ವಿಧಿ ಬೋಧಿಸಿದರು.
ಈ ಹಿಂದೆ ಸಿಜೆಐ ಆಗಿದ್ದ ಯು.ಉದಯ್ ಲಲಿತ್ ನಿವೃತ್ತಿ ಹಿನ್ನಲೆ ಡಿವೈ ಚಂದ್ರಚೂಡ್ ಅವರು ಇತ್ತೀಚಿಗೆ ಮುಖ್ಯನ್ಯಾಯಮೂರ್ತಿಯಾಗಿ ಘೋಷಣೆ ಮಾಡಲಾಗಿತ್ತು. ಈ ಹಿನ್ನಲೆಯಲ್ಲಿ ದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ನಡೆದ ಪ್ರಮಾಣ ವಚಣ ಕಾರ್ಯಕ್ರಮದಲ್ಲಿ ಸರ್ವೋಚ್ಛ ನ್ಯಾಯಾಲಯದ 50ನೇ ಸಿಜೆಐಯಾಗಿ ಸ್ವೀಕಾರ ಮಾಡಿದರು.
ನ್ಯಾಯಮೂರ್ತಿ ಚಂದ್ರಚೂಡ್ ಅವರು 2024 ರ ನವೆಂಬರ್ 10ರವರೆಗೆ ಸಿಜೆಐ ಆಗಿ ಕರ್ತವ್ಯ ನಿಭಾಯಿಸಲಿದ್ದಾರೆ. ಇವರ ತಂದೆ ಕೂಡಾ ಸಿಜೆಐ ಆಗಿ ಏಳು ವರ್ಷ ಕಾಲ ನಿಭಾಯಿಸಿದ್ದರು.
