ಪೃಕೃತಿ ಮಾತೆಯ ಅದ್ಭುತ ಕಥೆಯನ್ನು ಅಮೋಘವಾಗಿ ತೋರಿಸಲಾಗಿದ್ದ ಸಿನಿಮಾ ಗಂಧದಗುಡಿ. ಪುನೀತ್ ರಾಜ್ಕುಮಾರ್ ಡ್ರೀಮ್ ಪ್ರಾಜೆಕ್ಟ್ಗೆ ಫಿದಾ ಆಗಿದ್ದ ಪ್ರೇಕ್ಷಕರಿಗೆ ಮತ್ತೊಂದು ಗುಡ್ ನ್ಯೂಸ್ ಸಿಕ್ಕಿದೆ. ಡೋಂಟ್ ಮಿಸ್ ಗಂಧದಗುಡಿ ಸಿನಿಮಾ ಅನ್ನೋ ಕೂಗು ಕೇಳಿ ಬರ್ತಿದೆ. ಯೆಸ್.. ಅಶ್ವಿನಿ ಪುನೀತ್ ರಾಜ್ಕುಮಾರ್ ಕೊಟ್ಟ ಆ ಆಫರ್ ಏನು ಅಂತೀರಾ..? ನೀವೇ ಓದಿ.
- ಟಿಕೆಟ್ ದರದಲ್ಲಿ ಬಂಪರ್ ವಿನಾಯ್ತಿ.. ಆಫರ್ ಕ್ಲೋಸಸ್ ಸೂನ್
ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವ್ರ ಕನಸಿನ ಕೂಸಾಗಿದ್ದ ಗಂಧದಗುಡಿ ಸಿನಿರಸಿಕರು ಬಹುಪರಾಕ್ ಎಂದಿದ್ದಾರೆ. ಕೊನೆಯ ಸಿನಿಮಾ ಗಂಧದಗುಡಿಯನ್ನು ತಲೆ ಮೇಲೆ ಹೊತ್ತು ಮೆರೆಸಿದ್ದಲ್ಲದೆ ಚಿತ್ರಕ್ಕೆ ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ. ಇದೀಗ ಎಲ್ಲಾ ವಯೋಮಾನದ ಪ್ರೇಕ್ಷಕರಿಗೊಂದು ಗುಡ್ ನ್ಯೂಸ್ ಸಿಕ್ಕಿದೆ. ನಿರ್ಮಾಪಕಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಥಿಯೇಟರ್ ಮಾಲೀಕರು ಹಾಗೂ ವಿತರಕರ ಜೊತೆ ಖುದ್ದಾಗಿ ಮಾತನಾಡಿ ಬಂಪರ್ ಆಫರ್ ಕೊಟ್ಟಿದ್ದಾರೆ.
ಗಂಧದಗುಡಿ ಚಿತ್ರದಲ್ಲಿ ಪರಿಸರ ನಾಶದ ವಿರುದ್ಧ ಅತ್ಯಂತ ಕಾಳಜಿಯಿಂದ ಅಪ್ಪು ಮೆಸೇಜ್ ಕೊಟ್ಟಿದ್ದಾರೆ. ಈ ಸಿನಿಮಾ ಎಲ್ಲರಿಗೂ ರೀಚ್ ಆಗ್ಬೇಕು ಅನ್ನೋ ಉದ್ದೇಶದಿಂದ ಟಿಕೆಟ್ ದರವನ್ನು ಇಳಿಸಲಾಗಿದೆ. ಮಕ್ಕಳ ಪಾಲಿಗೆ ದೃಶ್ಯವೈಭವದ ಕಥಾನಕ ಇದಾಗಿದ್ದು ಡಿಸ್ಕವರಿ, ಅನಿಮಲ್ ಪ್ಲಾನೆಟ್ ಕಾಲದಲ್ಲೂ ಎಲ್ಲರ ಮನ ತಣಿಸುವ ಚಿತ್ರಕಥೆ ಇದಾಗಿದೆ. 07:11:2022 ಸೋಮವಾರದಿಂದ 10:11:2022 ಗುರುವಾರದವರೆಗೂ ಈ ಭರ್ಜರಿ ಆಫರ್ ನಿಮ್ಮದಾಗಲಿದೆ.
- ಸಿಂಗಲ್ ಸ್ಕ್ರೀನ್ 56 ರೂ.. ಮಲ್ಟಿಪ್ಲೆಕ್ಸ್ ಗಳಲ್ಲಿ 112 ರೂ
- ದೊಡ್ಮನೆ ಫ್ಯಾಮಿಲಿ ಕಡೆಯಿಂದ ಸಾಮಾಜಿಕ ಕಳಕಳಿ
ಪಿಆರ್ಕೆ ಪ್ರೊಡಕ್ಷನ್ ವತಿಯಿಂದ ಅಧಿಕೃತವಾಗಿ ಈ ಮೆಗಾ ಆಫರ್ ಅನೌನ್ಸ್ ಆಗಿದ್ದು, ಅಭಿಮಾನಿಗಳು ಫುಲ್ ದಿಲ್ ಖುಷ್ ಆಗಿದ್ದಾರೆ. ವನ್ಯ ಮಾತೆಯ ಸಿರಿ ಸಂಪತ್ತಿನ ಜೊತೆಗೆ ಕರ್ನಾಟಕದಲ್ಲಿ ಕಂಡಿರದ ಕೆಲವು ಅದ್ಭುತ ತಾಣಗಳನ್ನು ಗಂಧದಗುಡಿ ಸಿನಿಮಾದಲ್ಲಿ ತೋರಿಸಲಾಗಿತ್ತು.
ಇದೀಗ ಪ್ರಕೃತಿಯ ವೈಭವವನ್ನು ಇನ್ನಷ್ಟು ಕಡಿಮೆ ದರದಲ್ಲಿ ಕಣ್ತುಂಬಿಕೊಳ್ಳಬಹುದು. ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳಲ್ಲಿ ಕೇವಲ 56 ರೂಪಾಯಿ ಹಾಗೂ ಮಲ್ಟಿಫ್ಲೆಕ್ಸ್ ಥಿಯೇಟರ್ಗಳಲ್ಲಿ 112 ರೂಪಾಯಿ ಮಾತ್ರ ದರ ನಿಗದಿಪಡಿಸಲಾಗಿದೆ.
ಮಕ್ಕಳು, ಹಿರಿಯರು, ವೃದ್ಧರು ಎಲ್ಲರೂ ತಪ್ಪದೇ ನೋಡಬಹುದಾದ ಸಿನಿಮಾ ಇದಾಗಿದ್ದು, ಈ ನಾಲ್ಕು ದಿನಗಳ ಸೀಮಿತ ಪ್ರದರ್ಶನಗಳಿಗೆ ಈ ವಿನಾಯ್ತಿ ನಿಗದಿಪಡಿಸಲಾಗಿದೆ. ಈ ಕುರಿತಾಗಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಆಫರ್ ಕ್ಲೋಸಸ್ ಸೂನ್. ಯಾರೆಲ್ಲಾ ಸಿನಿಮಾ ನೋಡಿಲ್ಲವೋ, ಈಗ್ಲಾದ್ರೂ ಮಿಸ್ ಮಾಡದೇ ನೋಡಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
