ಬೆಂಗಳೂರು: ಬಿಡುಗಡೆಯಾದ ದಿನದಿಂದ ಇಡಿದು ಇಲ್ಲಿವರೆಗೂ ಸದ್ದು ಮಾಡುತ್ತಿರುವ ಕಾಂತಾರ ಸಿನಿಮಾ ಹಣ ಗಳಿಕೆಯಲ್ಲಿಯೂ ಸಹ ಏನು ಹಿಂದೆ ಬಿದ್ದಿಲ್ಲ. ಮೊದಲು ಕನ್ನಡದಲ್ಲಿ ಬಿಡುಗಡೆಯಾದ ಕಾಂತಾರ ನಂತರ ದಿನಗಳಲ್ಲಿ ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿಯಾದ್ಯಂತ ಡಬ್ ಮಾಡಿದ ನಂತರ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿದೆ.
ಕಳೆದ ಸೆಪ್ಟೆಂಬರ್ 30 ರಂದು ಬಿಡುಗಡೆಯಾದ ಕನ್ನಡದ ಆಕ್ಷನ್ ಥ್ರಿಲ್ಲರ್ ಸಿನಿಮಾ ಕಾಂತಾರ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯುವದರ ಮೂಲಕ ಪ್ರಾದೇಶಿಕ ಸಿನಿಮಾದ ಶಕ್ತಿಯನ್ನು ಸಾಬೀತುಪಡಿಸಿದೆ.
ಬಿಡುಗಡೆಯಾದ ದಿನದಿಂದ ಈವರೆಗೂ ರಿಷಭ್ ನಟನೆಯ, ನಿರ್ದೇಶನದ ಕಾಂತಾರ 300 ಕೋಟಿಗೂ ಅಧಿಕ ಹಣ ಬಾಚಿದೆ. ನಟ ರಜನಿ ಕಾಂತ್, ಕಾರ್ತಿ, ಧನುಷ್, ಎಬಿಡಿ ಸೇರಿದಂತೆ ಕಾಂತಾರ ಎಲ್ಲರೂ ಈ ಸಿನಿಮಾಗೆ ಫಿದಾ ಆಗಿ ಹಾಡಿ ಹೊಗಳಿದ್ದರು.
