ಜಾಲಿರೆಡ್ಡಿ ಧನಂಜಯನ ಜೊತೆ ಸ್ಯಾಂಡಲ್ವುಡ್ ಕ್ವೀನ್ ರಮ್ಯಾ ರೊಮ್ಯಾನ್ಸ್ ಮಾಡಲಿದ್ದಾರೆ. ಅರೆ..! ಏನಿದು ಹೊಸ ಸುದ್ದಿ ಆಂತೀರಾ..? ಯೆಸ್.. ಮೋಹಕ ತಾರೆ ಮತ್ತೆ ಕಂಬ್ಯಾಕ್ ಆಗಿರೋ ಸುದ್ದಿ ಹೊಸತೇನಲ್ಲ. ಆದ್ರೆ, ಸ್ವಾತಿ ಮುತ್ತಿನ ಮಳೆಗೆ ಕೋಕ್ ಕೊಟ್ಟು ಡಾಲಿ ಕೈ ಹಿಡಿಯೋಕೆ ಸಜ್ಜಾಗಿದ್ದಾರೆ ಚೆಂದುಳ್ಳಿ ಚೆಲುವೆ ರಮ್ಯಾ. ಯಾವ ಸಿನಿಮಾ..? ರಮ್ಯಾ ರೋಲ್ ಏನು ಅನ್ನೊದ್ರ ಇಂಟ್ರೆಸ್ಟಿಂಗ್ ಸ್ಟೋರಿ ಇಲ್ಲಿದೆ.
- ಮರೆಯಾದ ಸ್ವಾತಿ ಮುತ್ತಿನ ಮಳೆ.. ಪದ್ಮಾವತಿ ನ್ಯೂ ಚಾಪ್ಟರ್
ಸ್ಯಾಂಡಲ್ವುಡ್ಗೆ ಕಂಬ್ಯಾಕ್ ಆಗೋದಾಗಿ ಗುಡ್ ನ್ಯೂಸ್ ಕೊಟ್ಟಿದ್ದ ರಮ್ಯಾ ತಮ್ಮದೇ ಬ್ಯಾನರ್ ಸಿನಿಮಾದಲ್ಲಿ ನಟಿಸೋದಾಗಿ ಗ್ರೀನ್ ಸಿಗ್ನಲ್ ಕೊಟ್ಟಿದ್ರು. ಆದ್ರೆ, ತಮ್ಮ ಸೀಟ್ನ್ನು ಮತ್ತೊಬ್ಬರಿಗೆ ಬಿಟ್ಟುಕೊಟ್ಟು ಅಭಿಮಾನಿಗಳಿಗೆ ನಿರಾಸೆ ಮಾಡಿಬಿಟ್ರು. ಇದೀಗ ಮತ್ತೊಮ್ಮೆ ಮೋಹಕ ತಾರೆ ಬಣ್ಣ ಹಚ್ಚಿ ಬೆಳ್ಳಿ ತೆರೆಯ ಮೇಲೆ ಮಿಂಚಲಿದ್ದಾರೆ.
ಯೆಸ್.. ಕೆಆರ್ಜಿ ಸ್ಟುಡಿಯೊಸ್ ಬ್ಯಾನರ್ನ್ ಬಿಗ್ ಬಜೆಟ್ ಸಿನಿಮಾದಲ್ಲಿ ರಮ್ಯಾ ಕಂಬ್ಯಾಕ್ ಆಗಲಿದ್ದಾರಂತೆ. ಇತ್ತ ನಟ ರಾಕ್ಷಸ ಡಾಲಿ ಧನಂಜಯ ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳ ಮೂಲಕ ಅಬ್ಬರಿಸ್ತಿದ್ದಾರೆ. ಈ ನಡುವೆ ರಮ್ಯಾ ಜೊತೆ ಹೊಸ ಚಿತ್ರದಲ್ಲಿ ಡುಯೆಟ್ ಆಡೋಕೆ ಸಜ್ಜಾಗಿದ್ದಾರೆ ಜಾಲಿರೆಡ್ಡಿ. ಸದ್ಯ ಈ ಸುದ್ದಿ ಬೆಂಕಿ ಬಿರುಗಾಳಿಯಂತೆ ಗಾಂಧಿ ನಗರದಲ್ಲಿ ಸದ್ದು ಮಾಡ್ತಿದ್ದು, ಸದ್ಯದಲ್ಲೇ ಅಧಿಕೃತವಾಗಿ ಘೋಷಣೆ ಹೊರಬೀಳಬೇಕಿದೆ. ಈ ನಡುವೆ ಹಾಸ್ಟೆಲ್ ಹುಡುಗರು ಚಿತ್ರದಲ್ಲೂ ರಮ್ಯಾ ಕಂಪು ಹರಡಲಿದೆ.
ಡಾಲಿ ಉತ್ತರಾಖಂಡ ಚಿತ್ರದಲ್ಲಿ ಹೊಸ ಅವತಾರದಲ್ಲಿ ಕಾಣಿಸಿಕೊಳ್ತಿದ್ದಾರೆ. ಔಟ್ ಅಂಡ್ ಔಟ್ ಕಮರ್ಷಿಯಲ್ ಸಿನಿಮಾ ಇದಾಗಿದ್ದು ಕೆಆರ್ಜಿ ಸ್ಟುಡಿಯೋಸ್ ಮೂಲಕ ಕಾರ್ತಿಕ್ ಮತ್ತು ಯೋಗಿ.ಜಿ ಆರ್ ನಿರ್ಮಾಣ ಮಾಡ್ತಿದ್ದಾರೆ. ರೋಹಿತ್ ಪದಕಿ ನಿರ್ದೇಶನದ ಈ ಚಿತ್ರ ಪೋಸ್ಟರ್ ಮೂಲಕವೇ ಎಲ್ಲರ ಚಿತ್ತವನ್ನು ತನ್ನತ್ತ ಸೆಳೆದಿದೆ.
ರಾಜ್ ಬಿ ಶೆಟ್ಟಿಗೆ ಕೈಕೊಟ್ಟು ಡಾಲಿ ಕೈ ಹಿಡಿಯಲಿರುವ ರಮ್ಯಾ ಈ ಚಿತ್ರದಲ್ಲಿ ಯಾವ ಗೆಟಪ್ನಲ್ಲಿ ಕಾಣಿಸಿಕೊಳ್ತಾರೆ ಅನ್ನೋ ಕುತೂಹಲ ಮನೆ ಮಾಡಿದೆ. ಮನುಷ್ಯನ ಅಂತರಾಳವನ್ನು ಅರ್ಥಪೂರ್ಣವಾಗಿ ತೋರಿಸೋ ಪ್ರಯತ್ನವನ್ನು ಉತ್ತರಕಾಂಡ ಚಿತ್ರದಲ್ಲಿ ಮಾಡಲಾಗ್ತಿದೆ. ಚರಣ್ ರಾಜ್ ಮ್ಯೂಸಿಕ್ ಚಿತ್ರಕ್ಕಿರಲಿದ್ದು ಯಾರೆಲ್ಲಾ ಕಲಾವಿದ್ರು ಇರ್ತಾರೆ ಅನ್ನೋದು ಸದ್ಯದಲ್ಲೇ ಗೊತ್ತಾಗಲಿದೆ. ಎನವೇ, ರಮ್ಯಾ ಕಂಬ್ಯಾಕ್ಗೆ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
