ರಾಣ ನಂತ್ರ ವಾಟ್ ನೆಕ್ಸ್ಟ್ ನಂದಕಿಶೋರ್ ಅಂದ್ರೆ ಕಿಚ್ಚ ಸುದೀಪ್, ಮೋಹಲ್ಲಾಲ್ ಅಂತಹ ಸೂಪರ್ ಸ್ಟಾರ್ಗಳ ಕಡೆ ಬೆರಳು ತೋರಿಸ್ತಿದ್ದಾರೆ ವಿಕ್ಟರಿ ಡೈರೆಕ್ಟರ್ ನಂದು. ಯೆಸ್.. ಅಪ್ಪು- ಅಕ್ಷಯ್ಕುಮಾರ್ ಸಿನಿಮಾದ ಕನಸು ಭಗ್ನಗೊಂಡ ಬಳಿಕ, ಅಂಥದ್ದೇ ಸೂಪರ್ ಸ್ಟಾರ್ಸ್ ಜೊತೆ ಮಗಧೀಗ ಶೈಲಿಯ ಸಿನಿಮಾ ಮಾಡೋಕೆ ಮುಂದಾಗಿದ್ದಾರೆ. ಈ ಬಗ್ಗೆ ನಮ್ಮ ಫಿಲ್ಮಿ ಪವರ್ ಟೀಂಗೆ ಎಕ್ಸ್ಕ್ಲೂಸಿವ್ ಆಗಿ ಮಾತನಾಡಿದ್ದಾರೆ.
- ರಾಣ ರಿಲೀಸ್ಗೆ ದಿನಗಣನೆ.. ಮಗಧೀರ ಶೈಲಿಯಲ್ಲಿ ವೃಷಭ
- ಕನಸಾಗೇ ಉಳಿದ ಅಕ್ಷಯ್ ಕುಮಾರ್- ಅಪ್ಪು ಸಿನಿಮಾ ಕನಸು
- ಸುದೀಪ್ಗಾಗಿ ಸಿದ್ಧವಾಗ್ತಿದೆ ಹೊಸ ಕಥೆ.. ನಂದು ಫುಲ್ ಬ್ಯುಸಿ..!
ವಿಕ್ಟರಿ ಸಿನಿಮಾದ ವಿಕ್ಟರಿ ಭಾರಿಸಿದ ನಿರ್ದೇಶಕ ನಂದಕಿಶೋರ್, ಸಹೋದರ ತರುಣ್ ಸುಧೀರ್ನ ಬಿಟ್ಟು ಸೆಪರೇಟ್ ಆಗಿ ಆಫೀಸ್ ಮಾಡಿದ್ದಾರೆ. ಹೊಸ ಆಫೀಸ್ನಲ್ಲಿ ಅವ್ರ ವಿಕ್ಟರಿ, ಅಧ್ಯಕ್ಷ ಚಿತ್ರದಿಂದ ಇದೇ ತಿಂಗಳು 11ಕ್ಕೆ ರಿಲೀಸ್ ಆಗ್ತಿರೋ ಶ್ರೇಯಸ್ರ ರಾಣ ಸಿನಿಮಾವರೆಗಿನ ಎಲ್ಲಾ ಸಿನಿಮಾಗಳು ವಾಲ್ ಆಫ್ ಫ್ರೇಮ್ ಸೇರಿವೆ. ಆದ್ರೆ ಅವುಗಳ ಮಧ್ಯೆ ಗಮನ ಸೆಳೆದದ್ದು ಮಾತ್ರ ವೃಷಭ ಅನ್ನೋ ಮೋಹಲ್ಲಾಲ್ರ ಹೊಸ ಸಿನಿಮಾ ಲುಕ್ನ ವಾಲ್ ಫ್ರೇಮ್.
ಯೆಸ್.. ಇದು ಮಗಧೀರ ಶೈಲಿಯ ಹಿಂದಿನ ಜನ್ಮ ಹಾಗೂ ಇಂದಿನ ಜನ್ಮಗಳಿಗೆ ಲಿಂಕ್ ಇರೋ ತೆಲುಗು- ಮಲಯಾಳಂ ಸಿನಿಮಾ ಆಗಲಿದೆ. ಮೋಹಲ್ ಲಾಲ್ ಹಾಗೂ ವರುಣ್ ತೇಜ್ ಲೀಡ್ನಲ್ಲಿ ಕಾಣಸಿಗಲಿದ್ದು, ಮೆಗಾ ಮಲ್ಟಿಸ್ಟಾರ್ ಸಿನಿಮಾಗೆ ಬಾಲಿವುಡ್ ಪ್ರೊಡಕ್ಷನ್ ಹೌಸ್ ಹಣ ಹೂಡುತ್ತಿದೆ. ಅಲ್ಲದೆ, ಗಾಡ್ಫಾದರ್ ಕಿಚ್ಚ ಜೊತೆಗೂ ಸಿನಿಮಾಗಾಗಿ ಕಥೆ ರೂಪಿಸ್ತಿದ್ದಾರೆ ನಂದಕಿಶೋರ್.
ಹಾಗಾದ್ರೆ ವೃಷಭ ಹೇಗಿರಲಿದೆ..? ಸುದೀಪ್ ಡೇಟ್ಸ್ ಮೊದಲು ಯಾರಿಗೆ ಅನ್ನೋದ್ರ ಜೊತೆಗೆ ಅಕ್ಷಯ್ ಕುಮಾರ್- ಕರ್ನಾಟಕರತ್ನ ಅಪ್ಪು ಕಾಂಬೋ ಸಿನಿಮಾನ ಕನಸು ಭಗ್ನವಾದ ವಿಷಯಗಳ ಬಗ್ಗೆ ಎಕ್ಸ್ಕ್ಲೂಸಿವ್ ಆಗಿ ಮಾತನಾಡಿದ್ದಾರೆ ನಂದಕಿಶೋರ್.
ಒಟ್ಟಾರೆ ಕಿಚ್ಚನ ಆಯ್ಕೆ ಯಾವುದು..? ಆರಂಭ ಎಂದು ಅನ್ನೋದು ಸದ್ಯದಲ್ಲೇ ಗೊತ್ತಾಗಲಿದೆ. ಇನ್ನು ಮುಂದಿನ ವರ್ಷ ಮೋಹನ್ಲಾಲ್ರ ವೃಷಭ ಸಿನಿಮಾ ಕೂಡ ಸೆಟ್ಟೇರಲಿದ್ದು, ಮರಕ್ಕಾರ್ ರೀತಿ ಫ್ರೆಶ್ ಫೀಲ್ ಕೊಡಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
