ದಾವಣಗೆರೆ: ಪೊಲೀಸ್ ಅಲೋಕ್ ಕುಮಾರ್ ಯಾರ್ರೀ ಅವ್ನು, ಕಾರು ಓವರ್ ಸ್ಪೀಡ್ ಯಾರ್ರೀ ಅವರು ತೀರ್ಮಾನ ಮಾಡಲು ಎಂದು ಶಾಸಕ ಎಂ.ಪಿ ರೇಣುಕಾಚಾರ್ಯ ಅವರು ತಮ್ಮ ಸಹೋದರ ಪುತ್ರ ಸಾವು ಪ್ರಕರಣ ಕುರಿತು ಮಾತನಾಡಿದ್ದಾರೆ.
ಇತ್ತೀಚಿಗೆ ರೇಣುಕಾಚಾರ್ಯ ಸಹೋದರನ ಪುತ್ರ ಕಾರು ಕಾಲುವೆಯಲ್ಲಿ ಬಿದ್ದು ಮೃತಪ್ಪಟ್ಟಿದ್ದರು. ಇದಕ್ಕೆ ಕಾರು ಓವರ್ ಸ್ಪೀಡ್ ಎಂದು ಅಲೋಕ್ ಕುಮಾರ್ ಹೇಳಿದ್ದಾರೆ ಎಂದು ಮಾತನಾಡಿ ರೇಣುಕಾಚಾರ್ಯ, ಯಾರ್ರೀ ಅವರು ತೀರ್ಮಾನ ಮಾಡಲು. ಮನೆಗೆ ಬಂದು ನಮ್ಮನ್ನು ವಿಚಾರಣೆ ಮಾಡಿದ್ದಾರಾ? ಯಾವ ಕಾರಣಕ್ಕೂ ಚಂದ್ರಶೇಖರ್ಗೆ ಅಪಘಾತ ಆಗಿಲ್ಲ ಎಂದರು.
ನಾನು ರಾಜ್ಯ ಸರ್ಕಾರದ ವಿರುದ್ಧ ಮಾತನಾಡುವುದಿಲ್ಲ. ಪೊಲೀಸ್ ಇಲಾಖೆಯ ಲೋಪದ ಬಗ್ಗೆ ಮಾತನಾಡುತ್ತೇನೆ. ಸಿಎಂ, ಗೃಹ ಸಚಿವರ ಮೇಲೆ ಸಂಪೂರ್ಣ ವಿಶ್ವಾಸವಿದೆ. ಯಾರೋ ಶಿಖಂಡಿಗಳು ಇಂತಹ ಕೃತ್ಯ ಎಸಗಿದ್ದಾರೆ. ಚಂದ್ರು ಕಾಣೆಯಾದ ನಂತರದ 5 ದಿನ ಮೌನವಾಗಿದ್ದೆ, ಇನ್ನೂ ನಾನು ಸಹಿಸಲ್ಲ. ನಾನು ಮುಂದಿಟ್ಟ ಹೆಜ್ಜೆ ಹಿಂದೆ ತೆಗೆಯುವುದಿಲ್ಲ. ರೇಣುಕಾಚಾರ್ಯ ಮತ್ತೊಂದು ಮುಖ ಎಲ್ಲರಿಗೂ ಗೊತ್ತಿದೆ ಎಂದು ಘಟನಾ ಸ್ಥಳಕ್ಕೆ ಭೇಟಿ ನಂತರ ರೇಣುಕಾಚಾರ್ಯ ಹೇಳಿದ್ದಾರೆ.
