ಕಂಗನಾ ರಾಣಾವತ್. ಈ ಹೆಸ್ರು ಕೇವಲ ನಟಿಯಾಗಿ ಸದ್ದು ಮಾಡಿಲ್ಲ. ನೇರ, ದಿಟ್ಟ, ನಿಷ್ಟುರವಾದದಿಂದ್ಲು ಸಿಕ್ಕಾಪಟ್ಟೆ ಸದ್ದು ಮಾಡಿದ್ದಾರೆ. ತೆರೆಯ ಮೇಲೆ ಮುದ್ದು ಮುದ್ದಾಗಿ ಕಾಣೋ ಕಂಗನಾ ಆಪ್ಸ್ಕ್ರೀನ್ ನಲ್ಲಿ ಕೆಲವ್ರ ಕೆಂಗಣ್ಣಿಗೂ ಗುರಿಯಾಗಿದ್ದಾರೆ. ಈ ನಡುವೆ, ಬೋಲ್ಡ್ ಅಂಡ್ ಬ್ಯುಟಿಫುಲ್ ಗರ್ಲ್ ರಾಜಕೀಯಕ್ಕೆ ಎಂಟ್ರಿ ಕೋಡೋದಾಗಿ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಯೆಸ್.. ಏನಿದು ಸರ್ಪ್ರೈಸಿಂಗ್ ಸುದ್ದಿ ಅಂತೀರಾ..? ನೀವೇ ಓದಿ.
- ಅರಳುತ್ತಾ ಕಮಲ..? ಯಾರ ‘ಕೈ’ಗೆ ನಟಿ ಕಂಗನಾ..?
ಬಾಲಿವುಡ್ ನಟಿ ಕಂಗನಾ ಕೇವಲ ಆ್ಯಕ್ಟಿಂಗ್ ಮಾತ್ರವಲ್ಲದೇ, ಸಾಮಾಜಿಕವಾಗಿಯೂ ಕೆಲವು ಧೋರಣೆಗಳ ವಿರುದ್ದ ದನಿ ಎತ್ತಿ ಸುದ್ದಿಯಾದವ್ರು. ಕಂಗನಾ ಅಂದ್ರೆ ಹಿಟ್ ಸಿನಿಮಾಗಳಿಗೂ ಸೈ, ಹಿಟ್ ಪ್ರಶ್ನೆಗಳ ಮೂಲಕ ಶೂಟ್ ಮಾಡೋಕು ಸೈ. ಈಗಾಗ್ಲೇ, ಚಿತ್ರರಂಗದಲ್ಲೂ ಜಯಲಲಿತಾ, ಇಂದಿರಾಗಾಂಧಿ ಯಂತಹ ಚಾಲೆಂಜಿಂಗ್ ರೋಲ್ ನಿಭಾಯಿಸಿ ಮೆಚ್ಚುಗೆ ಪಡೆದವ್ರು.
ರೀಲ್ ಲೈಫ್ನಲ್ಲಿ ಮಾತ್ರವಲ್ಲದೆ, ರಿಯಲ್ ಲೈಫ್ನಲ್ಲೂ ರಾಜಕೀಯದ ಇಚ್ಛೇ ವ್ಯಕ್ತಪಡಿಸಿರೋ ಕಂಗನಾ, ರಾಜಕೀಯಕ್ಕೆ ಬರುವ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ. ಖಾಸಗಿ ಸುದ್ಧಿ ಸಂಸ್ಥೆ ಜೊತೆ ಮಾತನಾಡಿರುವ ಕಂಗನಾ ಬಿಜೆಪಿ ಬಯಸಿದ್ರೆ 2024 ಚುನಾವಣೆಗೆ ಹಿಮಾಚಲ ಪ್ರದೇಶದಿಂದ ಕಣಕ್ಕಿಳಿಯುವ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ.
ಕಂಗನಾ ರಾಣಾವತ್ ಮೂಲತಃ ಹಿಮಾಚಲ ಪ್ರದೇಶದವ್ರು. ಹಾಗಾಗಿ ತಮ್ಮ ಮಣ್ಣಿನ ಜನರ ಸೇವೆ ಮಾಡಲು ಬಯಸಿದ್ದಾರೆ. ಮಂಡಿ ಕ್ಷೇತ್ರದಿಂದ ಸ್ಪರ್ಧೆ ಮಾಡೋ ಇಂಗಿತವಿದ್ದು, ಬಿಜೆಪಿ ಅವಕಾಶ ನೀಡಿದ್ರೆ ಅದು ನನ್ನ ಸೌಭಾಗ್ಯ ಎಂದಿದ್ದಾರೆ. ಈ ಮುಂಚೆಯೂ ಬಿಜೆಪಿ ನಾಯಕರ ಜತೆ ಗುರುತಿಸಿಕೊಂಡಿರೋ ಕಂಗನಾ ರಾಜಕೀಯದ ಅಖಾಡಕ್ಕೆ ಧುಮುಕೋಕೆ ಉತ್ಸುಕರಾಗಿದ್ದಾರೆ.
ಕಂಗನಾ ಆಸೆಗೆ ಬಿಜೆಪಿ ಕೂಡ ನೀರೆರಿದಿದ್ದು, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ ನಡ್ಡಾ ಸ್ವಾಗತಿಸಿದ್ದಾರೆ. ಕಮಲ ಪಡೆಯತ್ತ ಒಲವು ತೋರಿಸಿರೋ ಕಂಗನಾ 2024 ರ ಚುನಾವಣೆಯಲ್ಲಿ ಬಿಜೆಪಿ ಟಿಕೆಟ್ ಪಡೆದು ಚುನಾವಣೆಗೆ ನಿಂತ್ರು ಅಚ್ಚರಿ ಇಲ್ಲ. ಸಿನಿಮಾದಲ್ಲಿ ಹೆಸ್ರು ಮಾಡಿ, ರಾಜಕೀಯದಲ್ಲೂ ಮಿಂಚಿದ ಅನೇಕ ನಟ., ನಟಿಯರಿದ್ದಾರೆ. ಈ ಸಾಲಿಗೆ ಕಂಗನಾ ಕೂಡ ಸೇರ್ತಾರಾ..? ಅಥ್ವಾ ಮಿಂಚಿ ಮರೆಯಾಗ್ತಾರಾ..? ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
