ದೇವನಹಳ್ಳಿ: ಎಎಸ್ಐಗೆ ಕರೆ ಮಾಡಿ ಏರ್ಪೋಟ್ ಇನ್ಸ್ಪೆಕ್ಟರ್ ಮುತ್ತುರಾಜ್ ದರ್ಪದ ಆಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇನ್ಸ್ಪೆಕ್ಟರ್ ವಿರುದ್ಧ ಆಕ್ರೋಶ ವ್ಯಕ್ತವಾಗುತ್ತಿದೆ.
ಕಳೆದ 26 ರಂದು ಹೆದ್ದಾರಿಯಲ್ಲಿ ಬರ್ತಿದ್ದ ಕಾರನ್ನ ತಡೆದಿದ್ದ ಸಂಚಾರಿ ಪೊಲೀಸರು. ಈ ವೇಳೆ ಕಾರಿನ ಮೇಲೆ 41500 ರೂಪಾಯಿ ದಂಡವಿದ್ದು, ಕಟ್ಟುವಂತೆ ಸೂಚಿಸಿದ್ದ ಪೊಲೀಸರು. ಆದ್ರೆ ಈ ವೇಳೆ ದಂಡ ಕಟ್ಟದೆ ಇನ್ಸ್ಪೆಕ್ಟರ್ ಮುತ್ತುರಾಜ್ ಗೆ ಕರೆಮಾಡಿ ಬಿಡುವಂತೆ ಕೇಳಿದ್ದ ಕಾರು ಮಾಲೀಕ. ಆದರೆ ಕಾನೂನು ಎಲ್ಲರಿಗೂ ಒಂದೆ ಅಂತ ಕಾರು ಬಿಡಲು ನಿರಾಕರಿಸಿದ್ದ ಎಎಸ್ಐ. ಕೊನೆಗೂ 2 ಸಾವಿರ ದಂಡ ಕಟ್ಟಿಸಿಕೊಂಡು ನೋಟಿಸ್ ಕೊಟ್ಟು ಕಳಿಸಿದ್ದ ಎಎಸ್ಐ. ಹೀಗಾಗಿ ವಾಹನ ಹೋದ ನಂತರ ಎಎಸ್ಐಗೆ ಕರೆ ಮಾಡಿ ಮುತ್ತುರಾಜ್ ದರ್ಪ ಮರೆದಿದ್ದಾರೆ.
ಕೆಂಪೇಗೌಡ ಏರ್ಪೋಟ್ ಲಾ ಅಂಡ್ ಆರ್ಡರ್ ಇನ್ಸ್ಪೆಕ್ಟರ್ ಮುತ್ತುರಾಜ್ ನಿಂದ ಟ್ರಾಫಿಕ್ ಎಎಸ್ಐ ವೆಂಕಟೇಶ್ ಮೇಲೆ ದರ್ಪ ತೋರಿಸಿದ್ದು, ನಾನು ಯಾರು ಅಂತ ಗೊತ್ತಿಲ್ವ ತೋರಿಸ್ತೀನಿ ಅಂತ ಎಎಸ್ಐಗೆ ದಮ್ಕಿ ಹಾಕಿದ್ದ ಎನ್ನಲಾಗಿದೆ. ಈ ಕುರಿತು ಮುತ್ತುರಾಜ್ ದರ್ಪದ ಆಡಿಯೋ ಇದೀಗ ವೈರಲ್ ಆಗಿದ್ದು, ಸಾಮಾನ್ಯರಿಗೊಂದು ನ್ಯಾಯ ಇನ್ಸ್ಪೆಕ್ಟರ್ಗೊಂದು ನ್ಯಾಯವಾ? ಅಂತ ನೆಟ್ಟಿಗರು ಪ್ರಶ್ನೆ ಎತ್ತುತ್ತಿದ್ದಾರೆ.
