ಲವ್ ಯೂ ರಚ್ಚು, ಶೋಕಿವಾಲ ಚಿತ್ರಗಳ ನಂತ್ರ ಬಿಗ್ ಬ್ರೇಕಿಂಗ್ ಸಿನಿಮಾಗಾಗಿ ನಟ ಅಜಯ್ ರಾವ್ ತುದಿಗಾಲಲ್ಲಿ ನಿಂತಿದ್ದಾರೆ. ಇದೀಗ ಬ್ಯಾಂಕ್ ದರೋಡೆ ಸುತ್ತಾ ಮಸ್ತ್ ಮಜಾ ನೀಡೋ ರಾಬರಿ ಕಥೆ ತಯಾರಾಗಿದೆ. ಈ ದೀಪಾವಳಿಗೆ ಬಂಪರ್ ಗಿಫ್ಟ್ ಕೊಟ್ಟ ಚಿತ್ರತಂಡ, ಇಂಟ್ರೆಸ್ಟಿಂಗ್ ಟೈಟಲ್ ಫಿಕ್ಸ್ ಮಾಡಿದೆ. ಯೆಸ್.. ಅಜಯ್ ರಾವ್ ಹೊಸ ಚಿತ್ರದ ಕುರಿತಾದ ಇಂಟ್ರೆಸ್ಟಿಂಗ್ ಕಹಾನಿ ಇಲ್ಲಿದೆ.
- ಕಿಕ್ಕು ಕೊಟ್ಟ ಕ್ರಿಯೇಟಿವ್ ಪೋಸ್ಟರ್.. ಕನ್ನಡದ ಮನಿ ಹೈಸ್ಟ್..?
ಬ್ಯಾಂಕಿಗೆ ಕನ್ನ ಹಾಕಿ, ದರೋಡೆ ಮಾಡುವ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾಗಳು ಹಾಲಿವುಡ್ನಲ್ಲಿ ಸಿಕ್ಕಾಪಟ್ಟೆ ಹಿಟ್ ದಾಖಲಿಸಿವೆ. ಇತ್ತೀಚೆಗೆ ಬಂದ ಮನಿ ಹೈಸ್ಟ್ ವೆಬ್ ಸೀರೀಸ್ ಕೂಡ ಬ್ಯಾಂಕ್ ದರೋಡೆಯ ಮೇಲಿನ ಕಥೆಯಾಗಿದ್ದು ನಿರೀಕ್ಷೆಗೂ ಮೀರಿದ ರೆಸ್ಪಾನ್ಸ್ ಪಡೆಯಿತು. ಇದೀಗ ಕನ್ನಡದಲ್ಲೊಂದು ಇದೇ ರೀತಿಯ ಅದ್ಧೂರಿ ಸಿನಿಮಾ ತಯಾರಾಗ್ತಿದೆ.
ಯೆಸ್.. ಬ್ಯಾಂಕ್ ರಾಬರಿ ಚಿತ್ರಕಥೆಗೆ ನಟ ಅಜಯ್ ರಾವ್ ನಾಯಕನಾಗಿ ಕಾಣಿಸಿಕೊಳ್ತಿದ್ದಾರೆ. ದೀಪಾವಳಿ ಹಬ್ಬಕ್ಕೆ ಕಿಕ್ಕು ಕೊಡೋ ಪೋಸ್ಟರ್ ಕೂಡ ರಿಲೀಸ್ ಆಗಿದೆ. ಈ ಮೂಲಕ ದೀಪಾವಳಿ ಹಬ್ಬಕ್ಕೆ ಬಂಪರ್ ಉಡುಗೊರೆ ಸಿಕ್ಕಿದೆ. ಈ ಇಂಟ್ರೆಸ್ಟಿಂಗ್ ಚಿತ್ರಕ್ಕೆ ಟೈಟಲ್ ಕೂಡ ಫಿಕ್ಸ್ ಆಗಿದ್ದು, ಬ್ಯಾಂಕ್ ಆಫ್ ಭಾಗ್ಯಲಕ್ಷ್ಮಿ ಎಂಬ ಶೀರ್ಷಿಕೆ ಇಡಲಾಗಿದೆ.
- ರೋಚಕ ಕಥಾಹಂದರದ ಜೊತೆ ಕಾಮಿಡಿ ಪುಳಕ
- ಫಸ್ಟ್ ಟೈಮ್ ಡೈರೆಕ್ಟರ್ ಕ್ಯಾಪ್ ತೊಟ್ಟ ಅಭಿಷೇಕ್
ರಂಗಿ ತರಂಗ, ಅವನೇ ಶ್ರೀಮನ್ನಾರಾಯಣ ಚಿತ್ರಗಳಿಗೆ ಬಂಡವಾಳ ಹೂಡಿದ್ದ ಹೆಚ್.ಕೆ ಪ್ರಕಾಶ್ ಬ್ಯಾಂಕ್ ಆಫ್ ಭಾಗ್ಯಲಕ್ಷ್ಮಿ ಚಿತ್ರದ ಹೊಣೆ ಹೊತ್ತಿದ್ದಾರೆ. ಈ ಬಾರಿಯೂ ಹೊಸ ಮುಖಗಳಿಗೆ ಮಣೆ ಹಾಕಿರುವ ನಿರ್ಮಾಪಕರು, ಹೊಸ ಪ್ರತಿಭೆ ಅಭಿಷೇಕ್ ಎಂ ಜೊತೆಗೆ ಕೈ ಜೋಡಿಸಿದ್ದಾರೆ. ಅಬಿಷೇಕ್ಗೆ ಚೊಚ್ಚಲ ಸಿನಿಮಾ ಇದಾಗಿದ್ದು, ನಿರ್ದೇಶನದ ಮೂಲಕ ಸ್ಯಾಂಡಲ್ವುಡ್ನಲ್ಲಿ ತಮ್ಮ ಸಾಮರ್ಥ್ಯ ಸಾಭೀತು ಮಾಡಲಿದ್ದಾರೆ.
ಬ್ಯಾಂಕ್ನ್ನು ದರೋಡೆ ಮಾಡೋಕೆ ಹೊರಟವರ ಕಥೆ ಇದಾಗಿದ್ದು, ಪ್ರತಿ ಕ್ಷಣವೂ ರೋಮಾಂಚನಕಾರಿ ಅನುಭವ ನೀಡಲಿದೆ. ಪಕ್ಕಾ ಸಸ್ಪೇನ್ಸ್ ಥ್ರಿಲ್ಲರ್ ಜಾನರ್ ಸಿನಿಮಾ ಇದಾಗಿದ್ದು, ಸ್ಟಾರ್ ಕಾಸ್ಟಿಂಗ್ ಬಗ್ಗೆ ಸದ್ಯದಲ್ಲೇ ಅಪ್ಡೇಟ್ಸ್ ಸಿಗಲಿದೆ. ಸಿಂಪಲ್ ಆಗ್ ಒಂದ್ ಲವ್ ಸ್ಟೋರಿ, ಆಪರೇಷನ್ ಅಲಮೇಲಮ್ಮ, ಬಹುಪರಾಕ್ ಸಿನಿಮಾಗಳಲ್ಲಿ ಸಹನಿರ್ದೇಶಕನಾಗಿ ಕೆಲಸ ಮಾಡಿರೋ ಅಭಿಷೇಕ್ ಮೇಲೆ ಸಿಕ್ಕಾಪಟ್ಟೆ ಭರವಸೆ ಇಡಲಾಗಿದೆ.
ಬ್ಯಾಂಕ್ ಆಫ್ ಬಾಗ್ಯಲಕ್ಷ್ಮಿ ಚಿತ್ರದ ಪೋಸ್ಟರ್ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಹೆಚ್ಕೆ ಪ್ರಕಾಶ್ ಅವರ ಶ್ರೀದೇವಿ ಎಂಟರ್ಟೈನರ್ಸ್ ಬ್ಯಾನರ್ ಅಡಿಯ ಐದನೇ ಸಿನಿಮಾ ಇದಾಗಿದ್ದು, ಜ್ಯೂಡಾ ಸ್ಯಾಂಡಿ ಮ್ಯೂಸಿಕ್ ಕಂಪೋಸ್, ಅಭಿಷೇಕ್ ಜಿ ಕಾಸರಗೋಡು ಕ್ಯಾಮೆರಾ ಕಣ್ಣು ಚಿತ್ರಕ್ಕಿದೆ. ಏನೆ ಇರಲಿ, ಬ್ಯಾಂಕ್ ರಾಬರಿ ಕಥೆಗೆ ಪ್ರೇಕ್ಷಕನ ರೆಸ್ಪಾನ್ಸ್ ಗೊತ್ತಾಗಬೇಕಾದ್ರೆ ಇನ್ನು ಸ್ವಲ್ಪ ದಿನ ಕಾಯಲೇಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
