ಬೆಂಗಳೂರು: ದೇಶ ಮಟ್ಟದಲ್ಲಿ ಸುದ್ದಿ ಮಾಡಿದ್ದ ಸಿಎಂ ಬಸವರಾಜ ಬೊಮ್ಮಾಯಿ ಅವರ ಆಡಳಿತ ವಿರುದ್ಧ ಪೇ ಸಿಎಂ ಪೋಸ್ಟರ್ ಅಭಿಯಾನ ಕಾಂಗ್ರೆಸ್ ಮಾಡಿದ ಹಿನ್ನಲೆಯಲ್ಲಿ ಈಗ ಮತ್ತೆ ಐವರು ಕಾಂಗ್ರೆಸ್ ಕಾರ್ಯಕರ್ತರಿಗೆ ನೋಟಿಸ್ ನೀಡಲಾಗಿದೆ.
ಸಿಸಿಬಿ ಪೊಲೀಸ್ರಿಂದ ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ಸಿಬ್ಬಂದಿಗಳಿಗೆ ನೊಟೀಸ್ ನೀಡಲಾಗಿದೆ. ಅಕ್ಟೋಬರ್ 25 ರಂದು ವಿಚಾರಣೆಗೆ ಹಾಜರಾಗುವಂತೆ ಸೂಚನೆ ನೀಡಲಾಗಿದೆ. ಈಗಾಗಲೇ ಎರಡು ಬಾರಿ ಸಿಸಿಬಿ ನೊಟೀಸ್ ನೀಡಿತ್ತು. ಆದರೆ ಸಿಸಿಬಿ ವಿಚಾರಣೆಗೆ ಕೈ ಕಾರ್ಯಕರ್ತರು ಗೈರಾಗಿದ್ದರು.
ಹೀಗಾಗಿ ಈಗ ಮೂರನೇ ಬಾರಿ ಕಾಂಗ್ರೆಸ್ ಸಾಮಜಿಕ ಜಾಲತಾಣ ಸಿಬ್ಬಂದಿಗಳಿಗೆ ಸಿಸಿಬಿ ಪೊಲೀಸರು ನೊಟೀಸ್ ನೀಡಿದ್ದಾರೆ. ಸಿಎಂ ವಿರುದ್ಧ ಪೇ ಸಿಎಂ ಪೊಸ್ಟೋರ್ ಅಂಟಿಸಿದ್ದ ಕೆಪಿಸಿಸಿ ಸೋಶಿಯಲ್ ಮಿಡಿಯಾ ಸಿಬ್ಬಂದಿ ಸಂಜಯ್, ಸಿದ್ದಯ್ಯ, ವಿನೋದ್ ಕುಮಾರ್, ಮದನ್ ಗೋಪಾಲ್, ವಿಶ್ವಮೂರ್ತಿಗೆ ಸಿಸಿಬಿಯಿಂದ ನೊಟೀಸ್ ನೀಡಲಾಗಿದೆ.
