ವಿಜಯಪುರ; ಮಾಜಿ ಗೃಹ ಸಚಿವ, ಶಾಸಕ ಎಂ.ಬಿ ಪಾಟೀಲ ಅವರ ಧರ್ಮಪತ್ನಿಯ ಫೇಸ್ ಬುಕ್ ಪೇಜ್ ಖದೀಮರು ಹ್ಯಾಕ್ ಮಾಡಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಎಂಬಿ ಪಾಟೀಲ್ ಪತ್ನಿ ಆಶಾ ಪಾಟೀಲ್ ಅವರ ಫೇಸ್ ಬುಕ್ ಪೇಜ್ ನಿನ್ನೆ ಖದೀಮರು ಹ್ಯಾಕ್ ಮಾಡಿ, ವಿವಿಧ ರೀತಿಯ ವಿಡಿಯೋ ಅಪ್ಲೋಡ್ ಮಾಡಲಾಗುತ್ತಿದೆ ಎಂದು ಈ ಬಗ್ಗೆ ವಿಜಯಪುರ ಸಿಇಓ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ.
ಆಶಾ ಪಾಟೀಲರ ಆಪ್ತ ಸಹಾಯಕರಾದ ರವಿಶಂಕರ ಎನ್‌ಪಿ ಅವರ ಪ್ರೋಪೈಲ್ಗೆ ಫೇಸ್ ಬುಕ್ ಆಶಾ ಪಾಟೀಲ್ ಅವರ ಪೇಜ್ ಆ್ಯಡ್ ಮಾಡಲಾಗಿತ್ತು. ಆದರೆ ಈ ಪೇಜ್ನ ಹ್ಯಾಕರ್‌ಗಳು ದುರ್ಬಳಕೆ ಮಾಡಿ ಹ್ಯಾಕ್ ಮಾಡಿದ್ದಾರೆ ಎಂದು ಪ್ರಕರಣದಲ್ಲಿ ಹೇಳಿದ್ದಾರೆ.
ಇನ್ನು ಹ್ಯಾಕ್ ಮಾಡಿದ ಪೇಜ್ನಲ್ಲಿ ಈಗ ಬಾಕ್ಸಿಂಗ್ ವಿಡಿಯೋ ಸೇರಿದಂತೆ ವಿವಿಧ ವಿಡಿಯೋ ಅಪ್ಲೋಡ್ ಮಾಡುತ್ತಿದ್ದಾರೆ. ಪೇಜ್ ನ ಸೆಕ್ಯೂರಿಟಿ ಬದಲಾವಣೆ ಮಾಡಿದ್ರೂ ಆಶಾ ಅವರ ಪೇಜ್ ಓಪನ್ ಆಗುತ್ತಿಲ್ಲ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
