ಹೆಡ್ಬುಷ್. ಒಂದಾನು ಕಾಲದಲ್ಲಿ ಭೂಗತ ಲೋಕವನ್ನು ಗಢ ಗಢ ನಡುಗಿಸಿದ್ದ ಅಂಡರ್ವರ್ಲ್ಡ್ ಡಾನ್ ಜಯರಾಯ್ ಲೈಫ್ಸ್ಟೋರಿ. ನಟ ಭಯಂಕರ ಡಾಲಿ ರೌದ್ರಾವತಾರ ನೋಡೋಕೆ ಫ್ಯಾನ್ಸ್ ಕೂಡ ಎಕ್ಸೈಟ್ ಆಗಿದ್ದಾರೆ. ನೆಗಟಿವ್ ರೋಲ್ನಲ್ಲಿ ಡಾಲಿ ಅಂಡ್ ಟೀಮ್ ರೌಡಿಗಳಾಗಿ ಮಿಂಚಲಿದ್ದಾರೆ. ಇದಕ್ಕೂ ಮುನ್ನ ಡಾನ್ ಜಯರಾಜ್ನ ಪುಷ್ಪ, ರಾಕಿ ಪಾತ್ರಗಳಿಗೆ ಕಂಪೇರ್ ಮಾಡಿ ಅಚ್ಚರಿ ಮೂಡಿಸಿದ್ದಾರೆ ಡಾಲಿ ಧನಂಜಯ. ಯೆಸ್.. ಅಷ್ಟಕ್ಕೂ ಡಾಲಿ ಹೇಳಿದ್ದೇನು..? ನೀವೇ ಓದಿ.
- ಪಾತಕಿ ಡಾನ್ ಜಯರಾಜ್ ಅಸಲಿ ಮುಖವಾಡ ಬಯಲು..!
ಸ್ಯಾಂಡಲ್ವುಡ್ನಲ್ಲಿ ಭಾರಿ ಕುತೂಹಲ ಕೆರಳಿಸಿರುವ ಸಿನಿಮಾ ಹೆಡ್ಬುಷ್. ಆರಂಭದಲ್ಲಿ ವಿವಾದಗಳಿಂದ್ಲೇ ಗಮನ ಸೆಳೆದ ಹೆಡ್ಬುಷ್ ರಿಲೀಸ್ಗೆ ತುದಿಗಾಲಲ್ಲಿ ನಿಂತಿದೆ. ಆ ದಿನಗಳು ಚಿತ್ರದಲ್ಲಿ ತೋರಿಸಲಾಗಿದ್ದ ಭೂಗತ ಜಗತ್ತಿನ ತೆರೆಯಲಾಗ ಪುಟಗಳು ಈ ಚಿತ್ರದಲ್ಲಿವೆಯಂತೆ. ಡಾನ್ ಜಯರಾಜ್ ಲೈಫ್ಸ್ಟೈಲ್, ಬೆಚ್ಚಿ ಬೆವರಿಳಿಸಿದ ಪಾತಕಿಯ ಇನ್ನೊಂದು ಮುಖವನ್ನು ಈ ಸಿನಿಮಾದಲ್ಲಿ ತೋರಿಸಲಾಗಿದೆ.
ರೌಡಿಗಳು ಅಂದ್ರೆ ಅರೆಕ್ಷಣ ಎಲ್ಲರಿಗೂ ಎದೆಯೊಳಗೆ ಆತಂಕ, ಭಯ ಶುರುವಾಗುತ್ತೆ. ಅವರ ಜೀವನ ಶೈಲಿ, ಪ್ರತಿನಿತ್ಯ ಶತ್ರುಗಳ ಜತೆಗೆ ಸಾವಿನ ಹೋರಾಟ, ಪೊಲೀಸರ ಗುಂಡಿನ ಸದ್ದೆ ದಿನಚರಿಯಾಗಿರುತ್ತೆ. ಈ ಸಾಲಿನಲ್ಲಿ ಡಾನ್ ಜಯರಾಜ್ ಜೀವನದ ರೋಚಕ ಕಹಾನಿಯನ್ನು ಹೆಡ್ಬುಷ್ ಸಿನಿಮಾದಲ್ಲಿ ಹೇಳೋಕೆ ನಿರ್ದೇಶಕ ಶೂನ್ಯ ಹೊರಟಿದ್ದಾರೆ.
ಹೆಡ್ಬುಷ್ ಟೀಮ್ನಲ್ಲಿ ಲೂಸ್ ಮಾದ ಯೋಗಿ, ರಘು ಮುಖರ್ಜಿ ಕೂಡ ಇದ್ದು ರೌಡಿಗಳ ರಣರೋಚಕ ಕಾಳಗ ಡಬಲ್ ಇರಲಿದೆ. ಜತೆಗೆ ಸಿನಿಮಾದ ಕಥೆ ಬಗ್ಗೆ ಪವರ್ ಟಿವಿ ಜತೆ ಮಾತನಾಡಿದ ಡಾಲಿ ಪುಷ್ಪ ಅಲ್ಲು ಆ್ಯಂಟಿ ಕ್ಯಾರೆಕ್ಟರ್, ಕೆಜಿಎಫ್ನ ರಾಕಿ ಕ್ಯಾರೆಕ್ಟರ್ನ ಜಯರಾಜ್ಗೆ ಹೋಲಿಸಿದ್ದಾರೆ. ಈ ಸಿನಿಮಾದ ನೆಗೆಟಿವ್ ರೋಲ್ನ ಪ್ಲೆ ಮಾಡ್ತಿರೋ ಜಯರಾಜ್ ಶೇಡ್ ಕೂಡ ಪ್ರೇಕ್ಷಕರಿಗೆ ಇಷ್ಟವಾಗಬಹುದು ಅನ್ನೋ ಸಿಗ್ನಲ್ ಕೊಟ್ಟಿದ್ದಾರೆ.
ಈಗಾಗ್ಲೆ ಹೆಡ್ಬುಷ್ ಚಿತ್ರದ ಎಲ್ಲಾ ರೆಟ್ರೋ ಫಸ್ಟ್ ಲುಕ್ ಸಿನಿರಸಿಕರ ಗಮನ ಸೆಳೆದಿದೆ. ಅಗ್ನಿ ಶ್ರೀಧರ್ ಚಿತ್ರಕಥೆಯ ಮೇಲೆ ಜಯರಾಜ್ ಜೀವನ ಅನಾವರಣವಾಗಲಿದೆ. ಕಾಸ್ಟ್ಯೂಮ್ಸ್ನಿಂದ ಹಿಡಿದು ಸಿನಿಮಾಟೋಗ್ರಫಿಗೂ ಕೂಡ ಸಿಕ್ಕಾಪಟ್ಟೆ ವರ್ಕ್ ಮಾಡಲಾಗಿದ್ದು, ರೆಟ್ರೋ ಸ್ಟೈಲ್ ಸ್ಕ್ರೀನ್ ಮೇಲೆ ಕಮಾಲ್ ಮಾಡಲಿದೆ. ಡಾಲಿ ಧನಂಜಯ, ರಾಮ್ಕೋ ಸೋಮಣ್ಣ ಸಹಭಾಗಿತ್ವದಲ್ಲಿ ಮೂಡಿ ಬರ್ತಿರೋ ಹೆಡ್ಬುಷ್ ದರ್ಬಾರ್ ಹೇಗಿರುತ್ತೋ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
