ಆಸ್ಟೇಲಿಯಾ: ಟಿ-20 ವಿಶ್ವಕಪ್‌ಗೆ ಇಂದಿನಿಂದ ಚಾಲನೆ ಸಿಕ್ಕಿದ್ದು, ವಿಶ್ವಕಪ್ನ ಅರ್ಹತಾ ಪಂದ್ಯಾವಳಿಯ ಎರಡನೇ ಪಂದ್ಯದಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್ ವಿರುದ್ಧ ನೆದರ್ಲ್ಯಾಂಡ್ಸ್ ತಂಡ 3 ವಿಕೆಟ್ಗಳಿಂದ ಗೆಲುವು ಸಾಧಿಸಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಯುನೈಟೆಡ್ ಅರಬ್ ಎಮಿರೇಟ್ಸ್ ತಂಡ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 111 ರನ್ ಕಲೆಹಾಕಿತು. ಈ ಗುರಿ ಬೆನ್ನಟ್ಟಿದ ನೆದರ್ಲ್ಯಾಂಡ್ಸ್ ತಂಡ 19.5 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 112 ರನ್ ಸೇರಿಸಿತು. ಈ ಮೂಲಕ ನೆದರ್ಲ್ಯಾಂಡ್ಸ್ ತಂಡ 3 ವಿಕೆಟ್ಗಳಿಂದ ಜಯಶಾಲಿಯಾಯಿತು.
ಈ ಮಧ್ಯ ಪಂದ್ಯದ ಒಂದು ವಿಡಿಯೋ ವೈರಲ್ ಆಗಿದ್ದು, ಯುನೈಟೆಡ್ ಅರಬ್ ಎಮಿರೇಟ್ಸ್ ಆಟಗಾರ ಔಟ್ ಆದ ನಂತರ ಉಲ್ಲಾಸಕರವಾಗ ನಡೆದುಕೊಂಡು ಹೋಗುವಾಗ ಬೌಂಡರಿ ಲೈನ್ ದಾಟುವಾಗ ಬೀಳುವ ವಿಡಿಯೋ ವೈರಲ್ ಆಗಿದೆ.
ಯುನೈಟೆಡ್ ಅರಬ್ ಎಮಿರೇಟ್ಸ್ ತಂಡದ ಆಟಗಾರ ಅಯಾನ್ ಅಫ್ಜಲ್ ಖಾನ್ ಅವರು ನೆದರ್ಲ್ಯಾಂಡ್ ವಿರುದ್ಧ 7 ಏಳು ಎಸೆತಗಳಲ್ಲಿ ಕೇವಲ 5 ರನ್ ಗಳಿಸುತ್ತಾರೆ. ಈ ವೇಳೆ ಮೈದಾನದಿಂದ ಹೊರನಡೆಯುವಾಗ ಬೌಂಡರಿ ಲೈನ್ ಮೇಲೆ ಕಾಲಿಟುತ್ತಾರೆ. ಆಗ ಅಯಾನ್ ಬೀಳುವುದನ್ನ ಈ ವಿಡಿಯೋದಲ್ಲಿ ಕಾಣಬಹುದು.
