ಉಗ್ರರ ತವರು ಪಾಕಿಸ್ತಾನದಲ್ಲಿ 500 ಕ್ಕೂ ಹೆಚ್ಚು ಕೊಳೆತ ಶವಗಳು ಪತ್ತೆಯಾಗಿದ್ದು ಹಲವು ಅನುಮಾನಗಳಿಗೆ ಕಾರಣವಾಗಿದೆ. ಪಾಕಿಸ್ತಾನದ ಮುಲ್ತಾನ್ ನಗರದಲ್ಲಿರುವ ನಿಶ್ತಾರ್ ಮೆಡಿಕಲ್ ಕಾಲೇಜಿನಲ್ಲಿ ಈ ಭಯಾನಕ ದೃಶ್ಯ ಕಂಡು ಬಂದಿದೆ.
ಮೃತದೇಹಗಳಲ್ಲಿ ಹಲವು ಮಹಿಳೆಯರ ಶವಗಳೂ ಸೇರಿದ್ದು, ನಗ್ನ, ಅರೆನಗ್ನ, ಕೊಳೆತ ಸ್ಥಿತಿಯಲ್ಲಿದ್ದವು. ಹಲವು ಡೆಡ್ ಬಾಡಿಗಳಲ್ಲಿ ಅಂಗಾಂಗಗಳೇ ಮಾಯವಾಗಿದ್ದವು. ಅನೇಕ ಶವಗಳನ್ನು ಹದ್ದುಗಳು ಕುಕ್ಕಿ ತಿಂದಿದ್ದವು. ಪಂಜಾಬ್ ಪ್ರಾಂತ್ಯದ ಮುಖ್ಯಮಂತ್ರಿ ಸೂಚನೆ ಮೇರೆಗೆ ಸಿಎಂ ಸಲಹೆಗಾರ ತಾಹೀರ್ ಝಹಾನ್ ಗುಜ್ಜಾರ್ ಆಸ್ಪತ್ರೆಗೆ ದಿಢೀರ್ ಭೇಟಿ ಕೊಟ್ಟಿದ್ರು. ಈ ವೇಳೆ ಅಲ್ಲಿದ್ದ ಒಬ್ಬ ವ್ಯಕ್ತಿ ನೀವು ಆಸ್ಪತ್ರೆ ಪರಿಶೀಲಿಸುವುದಾದರೆ ಮೊದಲು ಶವಾಗಾರ ನೋಡಿ ಎಂದಿದ್ದಾನೆ. ಅಲ್ಲಿಗೆ ತೆರಳಿದ ತಾಹೀರ್ ಗೆ ಅಲ್ಲಿನ ಕಾವಲುಗಾರ ಶವಾಗಾರದ ಬಾಗಿಲು ತೆಗೆಯಲು ನಿರಾಕರಿಸಿದ್ದಾನೆ.
ಇದರಿಂದ ಕುಪಿತಗೊಂಡ ತಾಹೀರ್ FIR ದಾಖಲಿಸೋದಾಗಿ ಎಚ್ಚರಿಸಿದಾಗ ಕಾವಲುಗಾರ ಬಾಗಿಲು ತೆಗೆದಿದ್ದಾನೆ. ಆ ಬಳಿಕ ಸಿಎಂ ಸಲಹೆಗಾರರನಿಗೆ ನರಕ ದರ್ಶನವಾಗಿದೆ. ಪಾಪಿ ರಾಷ್ಟ್ರದ ಭಯಾನಕ ದೃಶ್ಯಗಳು ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಖಂಡನೆ ವ್ಯಕ್ತವಾಗಿದೆ. ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಪಾಕಿಸ್ತಾನದ ಪಂಜಾಬ್ ಸರ್ಕಾರ ತನಿಖೆಗೆ ಆದೇಶಿಸಿದ್ದು, 3 ದಿನಗಳೊಳಗೆ ವರದಿ ನೀಡುವಂತೆ ಆದೇಶಿಸಲಾಗಿದೆ.
