ಜಮ್ಮು ಕಾಶ್ಮೀರ: ಲಡಾಖ್‌ನ ಯುವತಿಯೊಬ್ಬಳು ತನ್ನ ಶಾಲೆಯಲ್ಲಿ ಅದ್ಭುತವಾಗಿ ಬ್ಯಾಟಿಂಗ್ ಮಾಡುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಈ ವಿಡಿಯೋ ಲಡಾಖ್‌ನಲ್ಲಿರುವ ಡಿಎಸ್ಇ ಶಾಲೆಯ 6 ನೇ ತರಗತಿಯ ವಿದ್ಯಾರ್ಥಿನಿ ಮಕ್ಸೂಮಾ ಎಂದು ಗುರುತಿಸಲಾಗಿದ್ದು, ಶಾಲೆಯಲ್ಲಿ ಇತರೆ ವಿದ್ಯಾರ್ಥಿನಿಯರೊಂದಿಗೆ ಭರ್ಜರಿ ಬ್ಯಾಟಿಂಗ್ ಮಾಡಿ ಗಮನ ಸೆಳೆದಿದ್ದಾಳೆ.
ಈ ಬಗ್ಗೆ ಮಾತನಾಡಿದ ಬ್ಯಾಟಿಂಗ್ ಮಾಡಿದ ವಿದ್ಯಾರ್ಥಿನಿ, ನನ್ನ ತಂದೆ ಮತ್ತು ಶಾಲೆಯ ಶಿಕ್ಷಕರು ನನ್ನನ್ನು ಕ್ರಿಕೆಟ್ ಆಡಲು ಪ್ರೋತ್ಸಾಹಿಸುತ್ತಾರೆ. ಭಾರತ ಸ್ಪೋಟಕ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿಯಂತೆ ಆಡಲು ಪ್ರಯತ್ನಗಳನ್ನು ಮಾಡುತ್ತೇನೆ. ನನ್ನ ಅಚ್ಚುಮೆಚ್ಚಿನ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮತ್ತು ನಾನು ಅವರಂತೆ ಆಗಲು ಬಯಸುತ್ತೇನೆ ವಿದ್ಯಾರ್ಥಿನಿ ಎಂದಿದ್ದಾಳೆ ಎಂದು ಶಾಲಾ ಡಿಎಸ್ಇ ಶಾಲಾ ಸಂಸ್ಥೆ ಟ್ವೀಟ್ ಮಾಡಿದೆ.
ಶಾಲಾ ಸಂಸ್ಥೆ ಮಾಡಿದ ಟ್ವೀಟ್ನಲ್ಲಿ ಕೆಲವೇ ಸೆಕೆಂಡ್ಗಳಲ್ಲಿ ಶಾಲಾ ವಿದ್ಯಾರ್ಥಿನಿ ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಶಾಲೆಯ ಮೈದಾನದಿಂದ ಚೆಂಡನ್ನು ಹೊಡೆದಳು. ಈ ವೇಳೆ ಎಂಎಸ್ ಧೋನಿಯಿಂದ ಪ್ರಸಿದ್ಧಿ ಪಡೆದ ‘ಹೆಲಿಕಾಪ್ಟರ್ ಶಾಟ್’ ಕಲಿಯಲು ಬಯಸುವುದಾಗಿಯೂ ವಿದ್ಯಾರ್ಥಿನಿ ಹೇಳಿದ್ದಾರೆ.
My father at home and my teacher at school encourage me to play cricket. I’ll put all my efforts to play like @imVkohli Maqsooma student class 6th #HSKaksar pic.twitter.com/2ULB4yAyBt
— DSE, Ladakh (@dse_ladakh) October 14, 2022
