ಗೆಳೆಯ ಕಂಡ ಕನಸು ನನಸು ಮಾಡಿದ ಚಾಂಪಿಯನ್ಗೆ ಸಿನಿಪ್ರೇಕ್ಷಕರು ಭೇಷ್ ಎಂದಿದ್ದಾರೆ. ಅಥ್ಲೀಟ್ ರೋಲ್ನಲ್ಲಿ ವಿಭಿನ್ನ ಕಥೆ ಹೇಳಲು ಹೊರಟ ಸಚಿನ್ ಧನ್ಪಾಲ್ ಮೊದಲ ಪ್ರಯತ್ನದಲ್ಲೇ ಸಕ್ಸಸ್ ಕಂಡಿದ್ದಾರೆ. ಯೆಸ್.. ರಾಜ್ಯಾದ್ಯಂತ ಇಂದು ಚಾಂಪಿಯನ್ ಸಿನಿಮಾ ತೆರೆ ಕಂಡಿದೆ. ಫಸ್ಟ್ ಡೇ, ಫಸ್ಟ್ ಶೋಗೆ ಸಿನಿರಸಿಕರ ರೆಸ್ಪಾನ್ಸ್ ಹೇಗಿತ್ತು..? ಥಿಯೇಟರ್ ಮುಂದೆ ಸೆಲೆಬ್ರೇಷನ್ ಜೋರು, ಕಾರುಬಾರು ಹೇಗಿತ್ತು ಹೇಳ್ತೀವಿ. ನೀವೇ ಓದಿ.
ಚಿತ್ರ: ಚಾಂಪಿಯನ್
ನಿರ್ದೇಶನ: ಶಾಹುರಾಜ್ ಶಿಂಧೆ
ನಿರ್ಮಾಣ: ಶಿವಾನಂದ್ ಎಸ್ ನೀಲಣ್ಣವರ್
ಸಂಗೀತ: ಬಿ. ಅಜನೀಶ್ ಲೋಕನಾಥ್
ಸಿನಿಮಾಟೋಗ್ರಫಿ: ಶರವಣನ್ ನಟರಾಜನ್
ತಾರಾಗಣ: ಸಚಿನ್ ಧನ್ಪಾಲ್, ಅದಿತಿ ಪ್ರಭುದೇವ, ಸನ್ನಿ ಲಿಯೋನ್, ದೇವರಾಜ್, ಸುಮನ್, ಪ್ರದೀಪ್ ರಾವತ್, ಚಿಕ್ಕಣ್ಣ, ಆದಿ ಲೋಕೇಶ್, ಅವಿನಾಶ್, ರಂಗಾಯಣ ರಘು, ಶೋಭರಾಜ್, ಕಾಕ್ರೋಚ್ ಸುಧಿ ಮುಂತಾದವರು.
ಚಾಂಪಿಯನ್ ಸ್ಟೋರಿಲೈನ್
ಸಿದ್ಧಾಂತ್ಗೆ ಹರ್ಡಲ್ಸ್ ಗೇಮ್ನಲ್ಲಿ ಗೋಲ್ಡ್ ವಿನ್ನರ್ ಆಗಬೇಕು ಅನ್ನೋದು ಅವ್ರ ಜೀವಮಾನದ ಕನಸು. ಜತೆಗೆ ಸ್ವಲ್ಪ ಗಾಯವಾದ್ರೂ ನಿಲ್ಲದ ರಕ್ತದ ವಿಚಿತ್ರ ಕಾಯಿಲೆಯಿಂದಾಗಿ ಎಚ್ಚರಿಕೆ ವಹಿಸಬೇಕಾದ ಭಯ ಒಂದು ಕಡೆ. ಯಾರೆ ನೀನು ಚೆಲುವೆಯಂತೆ ಪರಿಚಯವಾಗೋ ಗೆಳತಿ ಸಾರಿಕಾ. ಅಂತೂ ಚಾಂಪಿಯನ್ ಆಗೋಕೆ ಬೆಂಗಳೂರಿಗೆ ಬರೋ ನಾಯಕನಿಗೂ, ನಾಯಕಿ ಅದಿತಿಗೂ ಸರ್ಪ್ರೈಸ್ ಭೇಟಿ. ಅಚಾನಕ್ಕಾಗಿ ಎದುರಾಗೋ ರೌಡಿಗಳನ್ನು ಎದುರಿಸಿ, ನಾಯಕಿಯ ಪ್ರೀತಿಯನ್ನು ಗೆದ್ದು ಬೀಗ್ತಾನಾ ಅನ್ನೋದೇ ಒನ್ ಲೈನ್ ಸ್ಟೋರಿ.
ಚಾಂಪಿಯನ್ ಆರ್ಟಿಸ್ಟ್ ಪರ್ಫಾಮೆನ್ಸ್
ನಾಯಕ ಸಚಿನ್ ಧನ್ಪಾಲ್ಗೆ ಇದು ಚೊಚ್ಚಲ ಸಿನಿಮಾವಾದ್ರೂ ಕೊಟ್ಟ ಕುದುರೆಯನ್ನು ಎಲ್ಲರೂ ಕಣ್ಣರಳಿಸಿ ನೋಡುವಂತೆ ಸವಾರಿ ಮಾಡಿದ್ದಾರೆ. ಆ್ಯಕ್ಷನ್, ಎಮೋಷನ್ಸ್, ಲವ್, ರೊಮ್ಯಾನ್ಸ್ ಎಲ್ಲಾ ವಿಭಾಗಗಳಲ್ಲೂ ಜರಿಯದ ನಟ ಸಚಿನ್. ಮಿಂಚುಳ್ಳಿ ಅದಿತಿ ಗ್ಲಾಮರಸ್ ಲುಕ್ನಲ್ಲಿ ಸಖತ್ ಆಗಿ ಕಾಣಿಸ್ತಾರೆ.
ಪೋಷಕ ಪಾತ್ರಗಳಲ್ಲಿ ಅವಿನಾಶ್, ರಂಗಾಯಣ ರಘು ನಟನಾ ಚಾತುರ್ಯತೆ ಹಿತ ಅನಿಸಲಿದೆ. ಡೈನಾಮಿಕ್ ಸ್ಟಾರ್ ದೇವರಾಜ್ ಟೀಚರ್ ರೋಲ್ನಲ್ಲಿ ಇಂಪ್ರೆಸ್ಸಿವ್ ಆಗಿದ್ದಾರೆ. ಒಟ್ಟಾರೆ ಬಿಗ್ ಸ್ಟಾರ್ ಕಾಸ್ಟಿಂಗ್ನಲ್ಲಿ ಮೂಡಿ ಬಂದಿರೋ ಚಾಂಪಿಯನ್ನಲ್ಲಿ ಪಾತ್ರಗಳಿಗೂ ಮೋಸವಿಲ್ಲ, ಫಸ್ಟ್ ಕ್ಲಾಸ್ ಅಭಿನಯಕ್ಕೂ ಕೊರತೆಯಿಲ್ಲ.
ಚಾಂಪಿಯನ್ ಪ್ಲಸ್ ಪಾಯಿಂಟ್ಸ್
ಸಚಿನ್ ಸೈಲೆನ್ಸ್ ಅಪಿಯರೆನ್ಸ್
ಮಾಸ್ ಲುಕ್
ಕಥೆ & ನಿರೂಪಣೆ
ಕಿಕ್ಕು ಕೊಡೋ ಕಾಮಿಡಿ
ಡಿಂಗರಬಿಲ್ಲಿ ಡಿಂಗ್ಡಾಂಗ್
ಚಾಂಪಿಯನ್ ಮೈನಸ್ ಪಾಯಿಂಟ್ಸ್
ನಟ ಸಚಿನ್ ಧನ್ಪಾಲ್ ಕೆಲವು ಭಾವಾಭಿನಯದಲ್ಲಿ ಇನ್ನೂ ಅರಳಬೇಕು. ಕಟ್ಟು ಮಸ್ತು ದೇಹ ತೋರಿಸೋಕೆ ಇರೋ ಉತ್ಸಾಹ ಲವ್, ಎಮೋಷನಲ್ ಸೀನ್ಗಳಲ್ಲಿ ಇದ್ದಂತಿಲ್ಲ. ಇದನ್ನು ಹೊರತು ಪಡಿಸಿದ್ರೆ ಚಾಂಪಿಯನ್ ದಿ ಬೆಸ್ಟ್ ಸಿನಿಮಾ.
ಚಾಂಪಿಯನ್ ಫೈನಲ್ ಸ್ಟೇಟ್ಮೆಂಟ್
ಆರ್ಮಿ ಬ್ಯಾಕ್ಡ್ರಾಪ್ ಹುಡುಗ ಸಚಿನ್ ಧನ್ಪಾಲ್ ಸ್ಯಾಂಡಲ್ವುಡ್ನಲ್ಲಿ ಮಿಂಚೋ ಬಹುದೊಡ್ಡ ಕನಸಿನೊಂದಿಗೆ ಎಂಟ್ರಿ ಕೊಟ್ಟಿದ್ದಾರೆ. ನಿರ್ದೇಶಕ ಶಾಹುರಾಜ್ ಶಿಂಧೆ ಎಲ್ಲೂ ನಿರಾಸೆ ಮಾಡದೆ ಕೊನೆಯವರೆಗೂ ಸೀಟಿನ ಅಂಚಿಗೆ ತಂದು ಕೂರಿಸಿದ್ದಾರೆ. ಅಜನೀಶ್ ಮ್ಯೂಸಿಕ್ ಕೂಡ ಕ್ಲಾಸಿಕ್ ಆಗಿದೆ. ಅಂತೂ ಕನ್ನಡಕ್ಕೊಬ್ಬ ಭರವಸೆಯ ನಟನನ್ನ ಕೊಡೋಕೆ ಅಂತ ಅವ್ರ ಆಪ್ತ ಗೆಳೆಯರೇ ಆದ ಶಿವಾನಂದ್ ಅವ್ರು ಪಟ್ಟಿರೋ ಶ್ರಮ ಚಿತ್ರದ ಪ್ರತಿ ಫ್ರೇಮ್ನಲ್ಲೂ ಎದ್ದು ಕಾಣ್ತಿದೆ. ಒಟ್ಟಾರೆ ಈ ವಾರ ಯಾವುದೇ ಸಿನಿಮಾಗಳು ಇದಕ್ಕೆ ಕಾಂಪಿಟೇಷನ್ ಕೊಟ್ಟಿಲ್ಲ. ಹಾಗಾಗಿ ನೋಡೋರಿಗೂ ಇದೇ ಆಪ್ಷನ್ ಆಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
