ಭೂಗತ ಲೋಕದ ಪಾತಕಿಗಳ ರೋಚಕ ಕಹಾನಿ ಹೆಡ್ಬುಷ್ ಚಿತ್ರ. ಇಲ್ಲಿವರೆಗೂ ಕಾರ್ನಲ್ಲಿ ಪ್ರಚಾರ ಗಿಟ್ಟಿಸುತ್ತಿದ್ದ ಡಾನ್ಗಳು, ಧೀಡೀರ್ ಸೈಕಲ್ ಏರಿ ಬೆಂಗಳೂರು ಸುತ್ತುತ್ತಿದ್ದಾರೆ. ಯೆಸ್.. ಅಂಡರ್ವರ್ಲ್ಡ್ ಡಾನ್ಗಳ ಅಬ್ಬರಕ್ಕೆ ಥಂಡಾ ಹೊಡೆದಿದ್ದ ಎದುರಾಳಿಗಳ ಎಚ್ಚರಿಸೋಕೆ ಹೆಡ್ಬುಷ್ ಟೀಮ್ ಭರ್ಜರಿ ಪ್ರಚಾರ ಗಿಟ್ಟಿಸ್ತಿದೆ. ಹೇಗಿತ್ತು ಹೆಡ್ಬುಷ್ ಸೈಕಲ್ ಱಲಿ ಆಂತೀರಾ..? ನೀವೇ ಓದಿ.
- ಅಪ್ಪು, ಅಂಬಿ, ಅಣ್ಣಾವ್ರ ಸಮಾಧಿಗೆ ಹೆಡ್ಬುಷ್ ಟೀಮ್ ವಿಸಿಟ್
ಹೆಡ್ಬುಷ್ ಸಿನಿಮಾ ಸೆಟ್ಟೇರಿದ ದಿನದಿಂದ್ಲೇ ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಮಾಡಿದೆ. ಆ ದಿನಗಳು ಚಿತ್ರದ ಸಕ್ಸಸ್ ನಂತ್ರ ಅಗ್ನಿ ಶ್ರೀಧರ್ ತಮ್ಮ ರಕ್ತ ಲೇಖನಿಯಲ್ಲಿ ಡಾನ್ ಜಯರಾಜ್ ರಕ್ತ ಚರಿತ್ರೆಯನ್ನು ಹೇಳೋಕೆ ಹೊರಟಿದ್ದಾರೆ. ಹೀಗಾಗ್ಲೇ ಹೆಡ್ಬುಷ್ ಚಿತ್ರದ ರೌಡಿಗಳು ಗಲ್ಲಿ ಗಲ್ಲಿಗಳಲ್ಲಿ ಡಿಫರೆಂಟ್ ಪ್ರಚಾರದಲ್ಲಿ ಮುಳುಗಿದ್ದಾರೆ.
ಬಂಡಿ ಮಾಕಾಳಮ್ಮನ ಆಶೀರ್ವಾದ ಪಡೆದು ಪ್ರಮೋಷನ್ಸ್ಗೆ ಕಿಕ್ಸ್ಟಾರ್ಟ್ ಕೊಟ್ಟಿದ್ದ ಹೆಡ್ಬುಷ್ ಟೀಮ್ ನಗರದಾದ್ಯಂತ ಪ್ರಚಾರದಲ್ಲಿ ತೊಡಗಿದ್ದಾರೆ. ಟಗರು ಡಾಲಿ ಡಾನ್ ಜಯರಾಜ್ ಗೆಟಪ್ನಲ್ಲಿ ದುಬೈ ಮಣ್ಣಿಗೂ ಕಾಲಿಟ್ಟು ಶೇಕ್ಗಳಿಗೆ ಶೇಕ್ ಹ್ಯಾಂಡ್ ಮಾಡಿದ್ದಾರೆ. ಅಂತೂ ಹೆಡ್ಬುಷ್ ಟೀಮ್ ಚಿತ್ರತಂಡದ ಪ್ರಚಾರ ನೋಡಿದ್ರೆ ಸಿನಿಮಾ ಸಿಲ್ವರ್ ಸ್ಕ್ರೀನ್ ಮೇಲೆ ಕಮಾಲ್ ಮಾಡೋ ಭರವಸೆ ಮೂಡಿಸಿದೆ.
ಫಿಲ್ಮ್ ಫೇರ್ ಅವಾರ್ಡ್ಗೂ ಡಾನ್ ಜಯರಾಜ್ ಗೆಟಪ್ನಲ್ಲಿ ಬಂದಿದ್ದ ಡಾಲಿ ಸರ್ಪ್ರೈಸ್ ಕೊಟ್ಟಿದ್ರು. ಇನ್ನು ಸಿಲಿಕಾನ್ ಸಿಟಿ ಸುತ್ತಾ ಹೆಟ್ಬುಷ್ ಅಂಬಾಸಿಡರ್ ಕಾರ್ಗಳು ಸುತ್ತಾಟ ನಡೆಸಿವೆ. ಇಲ್ಲಿವರೆಗೂ ಎಲ್ಲಾ ಕಡೆ ಅಂಬಾಸಿಡರ್ ಕಾರ್ನಲ್ಲೇ ಅಲೆದಾಡುತ್ತಿದ್ದ ರೌಡಿಗಳು ಮೊದಲ ಬಾರಿ ಕಾರ್ ಬಿಟ್ಟು ಸೈಕಲ್ ಏರಿದ್ದಾರೆ.
ಕಂಠೀರವ ಸ್ಟೂಡಿಯೋದಲ್ಲಿ ಅಪ್ಪು ಅಣ್ಣಾವ್ರು, ಅಂಬಿ ಸಮಾಧಿಗೆ ಭೇಟಿ ಕೊಟ್ಟ ಹೆಡ್ಬುಷ್ ಟೀಮ್ ವೀರೇಶ್ ಥಿಯೇಟರ್ವರೆಗೂ ಸೈಕಲ್ ಱಲಿ ನಡೆಸಿದ್ದಾರೆ. ರಸ್ತೆಗಳಲ್ಲಿ ರೌಡಿಗಳನ್ನು ಕಂಡ ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ. ಇನ್ನೂ ಅಪ್ಪು ಸಮಾದಿಗೆ ಪೂಜೆ ಸಲ್ಲಿಸಿ ಮಾತನಾಡಿದ ಡಾಲಿ ಡಿಫರೆಂಡ್ ಪ್ರಚಾರದ ಟ್ರಿಕ್ಸ್ ಬಗ್ಗೆ ಮಾತನ್ನಾಡಿದ್ರು.
ಚಿತ್ರದಲ್ಲಿ ಡಾಲಿ ಜತೆ ರೌಡಿ ಗ್ಯಾಂಗ್ನಲ್ಲಿ ಮಿಂಚಿಲಿರುವ ರಘು ಮುಖರ್ಜಿ ಕೂಡ ಮಾತನಾಡಿ, ತುಂಬಾ ಖುಷಿಯಾಗ್ತಿದೆ. ಅಪ್ಪು ಆಶೀರ್ವಾದ ಪಡೆದು ಚಿತ್ರಕ್ಕೆ ಚಾಲನೆ ಕೊಟ್ಟಿದ್ದೇವೆ. ಯಾರಿಗೂ ಕೆಟ್ಟದ್ದು ಬಯಸಿದೋರಲ್ಲ ಅವ್ರು. ಅವರ ಸನ್ನಿಧಿಯಿಂದ ಸೈಕಲ್ ಱಲಿ ಹೊರಟಿರೋದು ಖುಷಿಯಾಗ್ತಿದೆ ಎಂದ್ರು.
- ಬೆಣ್ಣೆ ನಗರಿಯಲ್ಲಿ ಹೆಡ್ಬುಷ್ ಇವೆಂಟ್.. ರಮ್ಯಾ- ರಚ್ಚು ರಂಗು
- ಒಂದೇ ವೇದಿಕೆಯಲ್ಲಿ ಡಾಲಿ ಜತೆ ಹೆಜ್ಜೆ ಹಾಕ್ತಾರಾ ಬ್ಯೂಟಿ ಕ್ವೀನ್ಸ್..?
ರೆಟ್ರೋ ಕಾಲದ ಕಥೆಗೆ ರೆಟ್ರೋ ಸ್ಟೈಲ್ನಲ್ಲೇ ಪ್ರಮೋಷನ್ ಪ್ಲಾನ್ ಮಾಡಿದೆ ಚಿತ್ರತಂಡ. ಎಲ್ಲೇ ಹೋದ್ರೂ ಡಾಲಿ ಮಾತ್ರ ಬೆಲ್ ಬಾಟಮ್ ಪ್ಯಾಂಟ್ನಲ್ಲೇ ಮಿಂಚ್ತಿದ್ದಾರೆ. ಅಕ್ಟೋಬರ್ 21ಕ್ಕೆ ತೆರೆಗೆ ಬರೋಕೆ ತುದಿಗಾಲಲ್ಲಿ ನಿಂತಿರೋ ಹೆಡ್ಬುಷ್ ಟೀಮ್ ಅದ್ಧೂರಿ ಪ್ರೀ ರಿಲೀಸ್ ಇವೆಂಟ್ಗೂ ಪ್ಲಾನ್ ಮಾಡಿಕೊಂಡಿದೆ.
ಈಗಾಗ್ಲೇ ಹಬೀಬಿ ಸಾಂಗ್ ಯ್ಯುಟ್ಯೂಬ್ನಲ್ಲಿ ಹಲ್ಚಲ್ ಎಬ್ಬಿಸ್ತಿದೆ. ತೆಲುಗು ಪಿಲ್ಲಾ ಪಾಯಲ್ ರಜಪೂತ್ ಬಿಂದಾಸ್ ಸ್ಟೆಪ್ಸ್ ನೋಡಿ ಪಡ್ಡೆ ಹೈಕಳು ಚಿಲ್ ಆಗಿದ್ದಾರೆ. ಇನ್ನೆನಿದ್ರು ಸಿಲ್ವರ್ ಸ್ಕ್ರೀನ್ ಮೇಲೆ ಹಬೀಬಿ ಐಟಂ ಸಾಂಗ್ ನೋಡಿ ಕಣ್ತುಂಬಿಕೊಳ್ಳೋಣ ಎಂದುಕೊಂಡವ್ರಿಗೆ ಮತ್ತೊಂದು ಸರ್ಪ್ರೈಸ್ ಸಿಕ್ಕಿದೆ.
ಯೆಸ್.. ಬೆಣ್ಣೆ ನಗರಿ ದಾವಣಗೆರೆಯಲ್ಲಿ ಅಕ್ಟೋಬರ್ 16 ರಂದು ಹೆಡ್ಬುಷ್ ಚಿತ್ರದ ಅದ್ಧೂರಿ ಪ್ರೀ ರಿಲೀಸ್ ಇವೆಂಟ್ ನಡಿಯಲಿದೆ. ವಿಷ್ಯ ಇದಲ್ಲ. ಈ ರಂಗು ರಂಗಿನ ತೇರಿಗೆ ರಮ್ಯಾ, ರಚ್ಚು ಸಾಕ್ಷಿಯಾಗಲಿದ್ದಾರೆ. ಮೋಹಕ ತಾರೆ ರಮ್ಯಾ, ಡಿಂಪಲ್ ಕ್ವೀನ್ ರಚಿತಾ ರಾಮ್ ಒಂದೇ ವೇದಿಕೆಯಲ್ಲಿ ಮಿಂಚಲಿದ್ದಾರೆ.
ಬೆಣ್ಣೆಯ ಮನಸ್ಸಿನ ಚೆಂದುಳ್ಳಿ ಚೆಲಿವೆಯರ ಉಪಸ್ಥಿತಿಯಲ್ಲಿ ಪ್ರೀ ರಿಲೀಸ್ ಇವೆಂಟ್ ನಡೆಯಲಿದೆ. ಈ ಸಮಾರಂಭದಲ್ಲಿ ರಮ್ಯಾ, ರಚ್ಚು ಸೇರಿ ಚಿತ್ರರಂಗದ ಇನ್ನಷ್ಟು ಕಲಾವಿದ್ರೂ ಭಾಗವಹಿಸೋ ಸಾಧ್ಯತೆ ಇದೆ. ಅಂತೂ ವೇದಿಕೆ ಮೇಲೆ ಡಾಲಿ ಜತೆ ಸ್ಯಾಂಡಲ್ವುಡ್ ಬೆಡಗಿಯರು ಹೆಜ್ಜೇ ಹಾಕ್ತಾರಾ ಅನ್ನೋ ಪ್ರಶ್ನೆಗೆ ಡಾಲಿ ಉತ್ತರ ಕೂಡ ಕೊಟ್ಟಿದ್ದಾರೆ.
ನಟರಾಕ್ಷಸ ಡಾಲಿಯ ಕನಸಿನ ಕೂಸು ಹೆಡ್ಬುಷ್. ಈಗಾಗ್ಲೇ ಸ್ಯಾಂಡಲ್ವುಡ್ ಟು ಟಾಲಿವುಡ್ ಅಬ್ಬರಿಸಿ ಬೊಬ್ಬಿರಿಯುತ್ತಿರುವ ನಟ ಭಯಂಕರನಿಗೆ ಈ ಸಿನಿಮಾ ಮೇಲೆ ಸಿಕ್ಕಾಪಟ್ಟೆ ನಿರೀಕ್ಷೆ ಇದೆ. ಸ್ವತಃ ಡಾಲಿ, ರಾಮ್ಕೋ ಸೋಮಣ್ಣ ಸಹಭಾಗಿತ್ವದಲ್ಲಿ ಚಿತ್ರಕ್ಕೆ ಬಂಡವಾಳ ಹೂಡಿರೋದ್ರಿಂದ ಕ್ಯೂರಿಯಾಸಿಟಿ ಕೂಡ ಡಬಲ್ ಆಗಿದೆ. ಶೂನ್ಯ ನಿರ್ದೇಶನ, ಚರಣ್ ರಾಜ್ ಮ್ಯೂಸಿಕ್ ಕಂಪನ, ಅಗ್ನಿ ಶ್ರೀಧರ್ ಬರವಣಿಗೆ ಸಿಂಚನ ಎಲ್ಲವೂ ಚಿತ್ರಕ್ಕೆ ಬಲ ತುಂಬಿವೆ.
ಒಟ್ಟಾರೆ ಡಾನ್ ಜಯರಾಜ್ ಜಿವನ ಚರಿತ್ರೆಯನ್ನು ತೆರೆ ಮೇಲೆ ತರೋ ವಿಭಿನ್ನ ಪ್ರಯತ್ನಕ್ಕೆ ಪ್ರೇಕ್ಷಕರ ರೆಸ್ಪಾನ್ಸ್ ಹೇಗಿರುತ್ತೋ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
