ರಣ ರಣ ರಕ್ಕಸರ ರಾಜನಂತೆ ಘರ್ಜಿಸ್ತಿರೋ ಶ್ರೀನಗರ ಕಿಟ್ಟಿಯ ಗೌಳಿ ಸಿನಿಮಾ ಸಖತ್ ಸೌಂಡ್ ಮಾಡ್ತಿದೆ. ಈಗಾಗ್ಲೇ ಕಿಟ್ಟಿಯ ಪಸ್ಟ್ ಲುಕ್ಗೆ ಫ್ಯಾನ್ಸ್ ಕ್ಲೀನ್ ಬೋಲ್ಡ್ ಆಗಿದ್ದು ಬೆಚ್ಚಿ ಬೆವರಿಳಿಸುವಂತಿದೆ. ಅದ್ಭುತ ಮೇಕಿಂಗ್ ಸ್ಟೈಲ್ನಿಂದಾಗಿ ಸದ್ದು ಮಾಡ್ತಿರೋ ಗೌಳಿ ಚಿತ್ರದ ಸ್ಪೆಷಲ್ ಅಪ್ಡೇಟ್ಸ್ ಹೇಳ್ತೀವಿ. ನೀವೇ ಓದಿ.
- ಹಳ್ಳಿ ಹೈದನ ಏಳು ಬೀಳುಗಳ ಎಮೋಷನಲ್ ಸಿನಿಮಾ ಗೌಳಿ..!
ಗೌಳಿ. ಸದ್ಯ ಕನ್ನಡ ಚಿತ್ರರಂಗದದಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿರೋ ಸಿನಿಮಾ. ಕೇವಲ ಸಿಂಗಲ್ ಟೀಸರ್, ಲಿರಿಕಲ್ ಸಾಂಗ್ನಿಂದ್ಲೇ ಈ ಪರಿಯಾದ ಹೈಪ್ ಕ್ರಿಯೇಟ್ ಮಾಡಿದೆ. ಅದ್ಭುತವಾದ ಮೇಕಿಂಗ್ ಸ್ಟೈಲ್, ಲೊಕೇಷನ್ಸ್, ಸಿನಿಮಾಟೋಗ್ರಫಿಗೆ ಸಿನಿರಿಸಿಕರಿಂದ ಪ್ರಶಂಸೆಗೆ ಪಾತ್ರವಾಗಿರೋ ಸಿನಿಮಾ ಗೌಳಿ. ಇನ್ನೂ ಚಿತ್ರದ ನಾಯಕ ಕಿಟ್ಟಿ ಭಯಾನಕ ಲುಕ್ ಕಂಡು ಥ್ರಿಲ್ ಆಗಿರುವ ಚಿತ್ರಪ್ರೇಮಿಗಳು ಸಿಕ್ಕಾಪಟ್ಟೆ ಕುತೂಹಲ ಕೂಡ ವ್ಯಕ್ತಪಡಿಸಿದ್ದಾರೆ.
ನಟರಾದ ಶ್ರೀನಗರ ಕಿಟ್ಟಿ, ರಂಗಾಯಣ ರಘು, ಯಶ್‌ ಶೆಟ್ಟಿ, ಶರತ್ ಲೋಹಿತಾಶ್ವ, ಕಾಕ್ರೋಚ್ ಸುಧೀ, ಮುಂತಾದವರು ವಿಭಿನ್ನ ಲುಕ್‌ನಲ್ಲಿ ಕಾಣಿಸಿಕೊಂಡು ಎಲ್ಲರ ಗಮನ ಸೆಳೆದಿದ್ದಾರೆ. ಚಿತ್ರದ ಫೈಟಿಂಗ್ ಸೀನ್ಗಾಗಿ ನಿರ್ಮಾಪಕರು 35 ಲಕ್ಷ ಖರ್ಚು ಮಾಡಿದ್ದಾರೆ. ಗೌಳಿ ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಬಹುತೇಕ ಮುಕ್ತಾಯ ಹಂತ ತಲುಪಿದ್ದು ಸದ್ಯದಲ್ಲೇ ತೆರೆಗೆ ಬರಲಿದೆ.
ಕನಕಪುರ ಹತ್ತಿರದ ಸಂಗಮ ಫಾಲ್ಸ್ ಹಾಗೂ ನದಿಯ ಬ್ಯಾಕ್ ವಾಟರ್‌ನಲ್ಲಿ ಇತ್ತೀಚೆಗೆ ಪ್ರೇಮಗೀತೆಯ ಚಿತ್ರೀಕರಣ ನಡೆಸಿದೆ. ಈ ಮೂಲಕ ಕುಂಬಳಕಾಯಿ ಒಡೆದು ಶೂಟಿಂಗ್ ಪ್ಯಾಕಪ್ ಮಾಡಿದೆ ಚಿತ್ರತಂಡ. ಹಳ್ಳಿಯ ಪರಿಸರದ ಬ್ಯಾಕ್‌ಡ್ರಾಪ್‌ನಲ್ಲಿ, ಮುರಳಿ ಅವರ ನೃತ್ಯ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಹಾಡಿನಲ್ಲಿ ನಾಯಕ ಶ್ರೀನಗರ ಕಿಟ್ಟಿ, ನಾಯಕಿ ಪಾವನಾಗೌಡ ಹಾಗೂ ೪೦ರಿಂದ ೫೦ ಜನ ನೃತ್ಯ ಕಲಾವಿದರು ಭಾವಹಿಸಿದ್ದಾರೆ.
ನಿರ್ಮಾಪಕ ರಘು ಸಿಂಗಂ ಅವರು ಯಾವ ಹಂತದಲ್ಲೂ ಕಾಂಪ್ರಮೈಸ್ ಆಗದೆ, ಅಪಾರ ವೆಚ್ಚದಲ್ಲಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಸೂರ ಅವರ ನಿರ್ದೇಶನದ ಈ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ ಅವರು ಜೀವನದಲ್ಲಿ ತುಂಬಾ ಎಮೋಷನಲ್ ಆಗಿರುವ ವ್ಯಕ್ತಿಯಾಗಿ ಕಾಣಿಸಿಕೊಂಡಿದ್ದಾರೆ. ಅದ್ದೂರಿ ಮೇಕಿಂಗ್, ಲೊಕೇಶನ್, ಹೀಗೆ ಹಲವಾರು ವಿಶೇಷತೆಗಳಿಂದ ಸದ್ದು ಮಾಡ್ತಿರೋ ಗೌಳಿ ಚಿತ್ರದ ಟ್ರೈಲರ್ ಸದ್ಯದಲ್ಲೇ ರಿಲೀಸ್ ಆಗಲಿದೆ. ಒಟ್ಟಾರೆ ಬೆಟ್ಟದಷ್ಟು ನಿರೀಕ್ಷೆ ಮುಡಿಸಿರೋ ಗೌಳಿ ಜನರ ನಿರೀಕ್ಷೆಗಳನ್ನು ಹುಸಿ ಮಾಡದೇ ಯಶಸ್ವಿಯಾಗಲಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
