ಬೆಕ್ಕು ಕಣ್ಣು ಮುಚ್ಚಿ ಹಾಲು ಕುಡಿದ್ರೆ ಯಾರಿಗೂ ಗೊತ್ತಾಗಲ್ವಾ..? ಯೆಸ್.. ಇಷ್ಟು ದಿನ ತೆರೆ ಮರೆಯಲ್ಲೇ ಲವ್ ಮಾಡ್ತಿದ್ದ ರಶ್ಮಿಕಾ, ವಿಜಯ್ ದೇವರಕೊಂಡ ಕೊನೆಗೂ ಸಿಕ್ಕಿಬಿದ್ದಿದ್ದಾರೆ. ಮಾದ್ಯಮಗಳ ಪ್ರಶ್ನೆಗೆ ನಯವಾಗಿ ಜಾರಿಕೊಳ್ಳುತ್ತಿದ್ದ ಕ್ಯೂಟ್ ಜೋಡಿ ಪ್ರೇಮ ಪ್ರಸಂಗ ಬಹಿರಂಗವಾಗಿದೆ. ಗೀತಗೋವಿಂದನ ಹೊಸ ಲೀಲೆ ಏನ್ ಗೊತ್ತಾ..? ನೀವೇ ಓದಿ.
- ಕಡಲ ಕಿನಾರೆಯಲ್ಲಿ ಪ್ರಣಯ ಪಕ್ಷಿಗಳ ಲವ್ವಿ ಡವ್ವಿ ರಿವೀಲ್..!
ಬಣ್ಣದ ಲೋಕ ಅಂದ್ಮೇಲೆ ಅಲ್ಲಿ ಗಲ್ಲಿ ಗಾಸಿಪ್ಗಳು ಮಾಮೂಲು ಅನ್ನೋದು ಎಲ್ರಿಗೂ ಗೊತ್ತು. ಆದ್ರೇ ಬೆಂಕಿ ಇಲ್ಲದೆ ಹೊಗೆಯಾಡೋದಿಲ್ಲ ಅಲ್ವಾ..? ಶ್ರೀವಲ್ಲಿ ರಶ್ಮಿಕಾಳ ಬಿಂಕ ಬಿನ್ನಾಣಕ್ಕೆ ಮರುಳಾಗದವ್ರೇ ಇಲ್ಲ. ಯಾರ ಬಲೆಗೂ ಬೀಳದ ಚೆಂದುಳ್ಳಿ ಚೆಲುವೆ ರಶ್ಮಿಕಾ, ಹ್ಯಾಂಡ್ಸಮ್ ಹುಡುಗ ವಿಜಯ್ ದೇವರಕೊಂಡನಿಗೆ ಥಟ್ ಅಂತಾ ಬಿದ್ದು ಬಿಟ್ರು. ಆದ್ರೆ, ಇವರಿಬ್ರ ಲವ್ಸ್ಟೋರಿ ಬಗ್ಗೆ ಇಬ್ರೂ ಕನ್ಫರ್ಮ್ ಮಾಡಿರಲಿಲ್ಲ. ಇದೀಗ, ಇಬ್ರ ಗಪ್ಚುಪ್ ಸ್ಟೋರಿ ಬಹಿರಂಗವಾಗಿದೆ.
ಗುಟ್ಟಾಗಿ ಲವ್ ಮಾಡ್ತಿದ್ದ ರಶ್ಮಿಕಾ, ವಿಜಯ್ ಪ್ಯಾರ್ ಕಹಾನಿ ಪಾಪಾರಾಜಿಗಳ ಫೋಟೋಗಳಲ್ಲಿ ಬಯಲಾಗಿದೆ. ಯೆಸ್.. ಇತ್ತೀಚೆಗೆ ಈ ಪ್ರೇಮ ಪಕ್ಷಿಗಳು ಏರ್ಪೋರ್ಟ್ನಲ್ಲಿ ಮಾಲ್ಡೀವ್ಸ್ಗೆ ಹಾರೋ ಪ್ಲಾನ್ ಮಾಡಿದ್ವು. ಕೊನೆಗೂ ಸಿಕ್ಕಿಬಿದ್ದ ಈ ಮುದ್ದು ಪಕ್ಷಿಗಳ ಪ್ರೇಮಕಥೆಯ ಸಿಕ್ರೇಟ್ ರಿವೀಲ್ ಆಗಿತ್ತು. ಇದೀಗ ಈ ಪ್ರೇಮಕಥೆಗೆ ಸಾಕ್ಷಿಯಾಗಿ ಮಾಲ್ಡೀವ್ಸ್ನ ಫೋಟೋಗಳು ಸಿಕ್ಕಾಪಟ್ಟೆ ವೈರಲ್ ಆಗಿವೆ.
ಯೆಸ್.. ಮಾಲ್ಡೀವ್ಸ್ ಕಡಲ ಕಿನಾರೆಯಲ್ಲಿ ರಶ್ಮಿಕಾ ಬ್ಲಾಕ್ ಸನ್ ಗ್ಲಾಸ್ ತೊಟ್ಟು ಸಖತ್ ಹಾಟ್ ಆಗಿ ಕಾಣಿಸ್ತಿದ್ದಾರೆ. ವಿಷ್ಯ ಇರೋದು ಇಲ್ಲೇ. ಈ ಇಬ್ರೂ ಕೂಡ ಒಟ್ಟಿಗಿರೋ ಫೋಟೋ ಶೇರ್ ಮಾಡದಿದ್ರು, ಚಾಲಕಿ ಅಭಿಮಾನಿಗಳು ಮಾತ್ರ ಒಟ್ಟಿಗಿರೋದನ್ನು ಕನ್ಫರ್ಮ್ ಮಾಡಿದ್ದಾರೆ. ಏರ್ಪೋರ್ಟ್ನಲ್ಲಿ ವಿಜಯ್ ಧರಿಸಿದ್ದ ಬ್ಲಾಕ್ ಕೂಲಿಂಗ್ ಗ್ಲಾಸ್ ರಶ್ಮಿಕಾ ಹಾಕಿದ್ದಾರೆ. ಇಷ್ಟು ಸಿಕ್ಕಿದ್ದೆ ತಡ ಸೋಶಿಯಲ್ ಮೀಡಿಯಾಗಳಲ್ಲಿ ಈ ಜೋಡಿಯ ಲವ್ವಿ ಡವ್ವಿ ಸಖತ್ ಟ್ರೋಲ್ ಆಗ್ತಿದೆ.
ರಶ್ಮಿಕಾ ನನ್ನ ಡಾರ್ಲಿಂಗ್. ಅವಳು ನನ್ನ ನಿಜವಾದ ಸ್ನೇಹಿತೆ. ಅವಳ ನನ್ನ ರಿಲೇಷನ್ ಶಿಪ್ ಗಾಢವಾದದ್ದು ಎಂದಿದ್ದ ವಿಜಯ್ ಕೊನೆಗೂ ತಮ್ಮ ಪ್ರೇಮ ಪುರಾಣವನ್ನು ಮುಚ್ಚಿಡೋಕೆ ಸಾದ್ಯವಾಗಿಲ್ಲ. ಅಂತೂ ಇಲ್ಲಿವರೆಗೂ ಇದ್ದಿದ್ದ ಊಹಾಪೋಹಗಳಿಗೆ ಸದ್ಯ ತೆರೆ ಬಿದ್ದಿದ್ದು ಸದ್ಯದಲ್ಲೇ ಮದ್ವೆ ಬಗ್ಗೆ ಗುಡ್ನ್ಯೂಸ್ ಸಿಗೋ ಸಾಧ್ಯತೆಯೂ ಇದೆ. ಅಥ್ವಾ, ಹೀಗೆ ಲಿವಿಂಗ್ ಟುಗೆದರ್ನಲ್ಲೇ ಈ ಜೊಡಿ ಇದ್ರೂ ಅಚ್ಚರಿ ಏನಿಲ್ಲ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ.
