ಗಲ್ಲಿಯಿಂದ ದಿಲ್ಲಿವರೆಗೂ ಅಪ್ಪು ಗಂಧದಗುಡಿಯ ಆರ್ಭಟ ಝೇಂಕರಿಸಿದೆ. ದೇವತಾ ಮನುಷ್ಯನ ಟ್ರೈಲರ್ ಕಂಡು ಫ್ಯಾನ್ಸ್ ಬಾವುಕರಾಗಿದ್ದಾರೆ. ಜೀವಮಾನದ ವಿಶೇಷ ಜರ್ನಿ ಸವಿಯಲು ಕ್ಷಣಗಣನೆ ಶುರುವಾಗಿದೆ. ಗಂಧದ ಗುಡಿ ಟ್ರೈಲರ್ ಸಖತ್ ಪ್ರಾಮಿಸಿಂಗ್ ಆಗಿದ್ದು ಯ್ಯುಟ್ಯೂಬ್ನಲ್ಲಿ ಹಲ್ಚಲ್ ಎಬ್ಬಿಸ್ತಿದೆ. ಯೆಸ್.. ಗಂಧದ ಗುಡಿ ಚಿತ್ರದ ಸ್ಪೆಷಲ್ ಅಪ್ಡೇಟ್ಸ್ ಇಲ್ಲಿದೆ.
ಸ್ಟಾರ್ ನಟರ ಸಮ್ಮುಖದಲ್ಲಿ ಅದ್ಧೂರಿ ಪ್ರೀ ರಿಲೀಸ್ ಇವೆಂಟ್
ಮೋದಿ ಮೆಚ್ಚಿದ ಕರುನಾಡ ರತ್ನನ ಗಂಧದಗುಡಿ ಟ್ರೈಲರ್..!
ಇಲ್ಲಿವರೆಗೂ ಐ ಕಾಂಟ್ ವೆಯ್ಟ್ ಅಂತಿದ್ದ ಅಪ್ಪು ಅಭಿಮಾನಿಗಳು ದೇವಸ್ವರೂಪಿಯ ಕೊನೆಯ ಸಿನಿಮಾದ ಟ್ರೈಲರ್ಗೆ ಕ್ಲೀನ್ಬೋಲ್ಡ್ ಅಗಿದ್ದಾರೆ. ವನಸಿರಿಯ ನಡುವೆ ಅಪ್ಪು ಟ್ರಾವೆಲಿಂಗ್ ನಯನ ಮನೋಹರವಾಗಿದೆ. ಇಡೀ ದೊಡ್ಮನೆ ಕುಟುಂಬದ ಸಮ್ಮುಖದಲ್ಲಿ ನರ್ತಕಿ ಥಿಯೇಟರ್ನಲ್ಲಿ ಗಂಧದಗುಡಿ ಟ್ರೈಲರ್ ಲಾಂಚ್ ಆಯ್ತು. ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ಟ್ರೈಲರ್ ಸೋಶಿಯಲ್ ಮೀಡಿಯಾಗಳಲ್ಲಿ ಟಾಪ್ ಟ್ರೆಂಡಿಂಗ್ ಕ್ರಿಯೇಟ್ ಮಾಡಿದೆ.
ಡಾಕ್ಯುಮೆಂಟರಿ ಆಗಬೇಕಿದ್ದ ಚಿತ್ರ ಸಿನಿಮಾವಾಗಿ ತೆರೆಗೆ ಬರೋಕೆ ತಯಾರಾಗಿದೆ. ಚಿತ್ರದ ಟ್ರೈಲರ್ನಲ್ಲಿ ಕರ್ನಾಟಕದ ಪ್ರೇಕ್ಷಣೀಯ ನಿಸರ್ಗಧಾಮಗಳೊಂದಿಗೆ ಅಪ್ಪು ಅಪ್ಪುಗೆ ಅವಿಸ್ಮರಣೀಯವಾಗಿದೆ. ಕಾಡು, ಮೇಡು, ಜಲಪಾತ, ಪ್ರಾಣಿ ಪಕ್ಷಿಗಳ ಜತೆ ರಾಜರತ್ನ ಪಿಸುಮಾತನ್ನಾಡಿದ್ದಾರೆ. ಟ್ರೈಲರ್ ರಿಲೀಸ್ ಮಾಡಿ ಮಾತನಾಡಿದ ದೊಡ್ಮನೆ ಕುಟುಂಬ ಅಪ್ಪು ಡ್ರೀಮ್ ಪ್ರಾಜೆಕ್ಟ್ ಮಿಸ್ ಮಾಡದೆ ನೋಡಿ ಎಂದ್ರು.
ಕೋಟ್ಯಂತರ ಅಭಿಮಾನಿಗಳು ಮುತ್ತು ಸನ್ ಆಫ್ ಮುತ್ತುರಾಜನನ್ನು ಹೆಗಲ ಮೇಲೆ ಹೊತ್ತು ಮೆರೆಯೋಕೆ ಚಾತಕ ಪಕ್ಷಿಗಳಂತೆ ಕಾಯ್ತಿದ್ದಾರೆ. ಇನ್ನೇನಿದ್ರು ಕರುನಾಡಿನಲ್ಲಿ ಅಪ್ಪು ಜಯಘೋಷಗಳು ಎಲ್ಲೆಡೆ ಮೊಳಗಲಿವೆ. ಇದ್ರ ಜತೆಗೆ ಗಂಧದಗುಡಿ ಚಿತ್ರದ ಪ್ರೀರಿಲೀಸ್ ಇವೆಂಟ್ಗೆ ಭರ್ಜರಿ ಪ್ಲಾನ್ ನಡಿತಿದೆ. ರಜನಿಕಾಂತ್, ಅಮಿತಾಭ್ ಸೇರಿದಂತೆ ಬಿಗ್ ಸ್ಟಾರ್ಗಳ ಸಮಾಗಮದಲ್ಲಿ ನಡೆಯಲಿದೆ. ಈಗಾಗ್ಲೇ ಮೋದಿ ಟ್ವೀಟ್ ಮಾಡಿ ಚಿತ್ರಕ್ಕೆ ವಿಶ್ ಮಾಡಿದ್ದಾರೆ.
ಪಿಆರ್ಕೆ ಪ್ರೊಡಕ್ಷನ್ ಅಡಿಯಲ್ಲಿ ಸಿನಿಮಾ ಮೂಡಿ ಬಂದಿದ್ದು ಸಿನಿರಸಿಕರು ಸಿಕ್ಕಾಪಟ್ಟೆ ಕಾತರರಾಗಿದ್ದಾರೆ. ನಿರ್ದೇಶಕ ಅಮೋಘವರ್ಷ ಕೂಡ ಅಪ್ಪು ಸಹಚರನಾಗಿ ಇಡೀ ಕರುನಾಡಿನ ಪ್ರಕೃತಿಯೊಂದಿಗೆ ಒಡನಾಟ ಮಾಡಿದ್ದಾರೆ. ಒಟ್ಟಾರೆ ಇದೇ ತಿಂಗಳ ಅಕ್ಟೋಬರ್ 21ಕ್ಕೆ ಪ್ರಿ ರಿಲೀಸ್ ಇವೆಂಟ್ ಅದ್ಧೂರಿಯಾಗಿ ನಡೆಯಲಿದೆ. ಈಗಾಗ್ಲೇ ಅಪ್ಪು ಹಸ್ತಾಕ್ಷರದ ಇನ್ವೈಟೇಷನ್ ವುಡೆನ್ ಬಾಕ್ಸ್ ಕುತೂಹಲ ಕೆರಳಿಸಿದೆ. ಪುಟಾಣಿ ಮಕ್ಕಳಿಂದ ಹಿಡಿದು ಹಿರಿಯರವರೆಗೂ ಗಂಧದಗುಡಿ ಸಿನಿಮಾ ಎಂಜಾಯ್ ಮಾಡೋ ಭರವಸೆ ಮೂಡಿಸಿದೆ.
ರಾಕೇಶ್ ಆರುಂಡಿ., ಫಿಲ್ಮ್ ಬ್ಯೂರೋ, ಪವರ್ ಟಿವಿ
