ಉತ್ತರ ಕರ್ನಾಟಕದ ಜವಾರಿ ಪ್ರತಿಭೆ ಸಚಿನ್ ಧನ್ಪಾಲ್ ಹಾಗೂ ಅದಿತಿ ಪ್ರಭುದೇವ ಅಭಿನಯದ ಮೊಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಚಾಂಪಿಯನ್. ಈಗಾಗ್ಲೇ ಸಿನಿಮಾದ ಟ್ರೈಲರ್ ಸಿಕ್ಕಾಪಟ್ಟೆ ಸೌಂಡ್ ಮಾಡ್ತಿದ್ದು, ಸನ್ನಿಯ ಡಿಂಗರಬಿಲ್ಲಿ ಹಾಡು ಮ್ಯಾಜಿಕ್ ಮಾಡ್ತಿದೆ. ನಟ ಸಚಿನ್ ಚಿತ್ರದ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಇಟ್ಟಿದ್ದು, ಪವರ್ ಟಿವಿ ಜತೆ ಮನದಾಳದ ಮಾತು ಬಿಚ್ಚಿಟ್ಟಿದ್ದಾರೆ.
- ಯ್ಯುಟ್ಯೂಬ್ನಲ್ಲಿ ಸೆನ್ಷೇಷನ್ ಕ್ರಿಯೇಟ್ ಮಾಡಿದ ಡಿಂಗರಬಿಲ್ಲಿ
ಸ್ಪೋರ್ಟ್ಸ್ಸ್ ಓರಿಯೆಂಟೆಡ್ ಸಿನಿಮಾ ಚಾಂಪಿಯನ್ ಈಗಾಗ್ಲೇ ಚಿತ್ರರಸಿಕರಲ್ಲಿ ಕ್ಯೂರಿಯಾಸಿಟಿ ಮೂಡಿಸಿದೆ. ಉತ್ತರ ಕರ್ನಾಟಕದ ಪ್ರತಿಭೆ ಸಚಿನ್ ಧನಪಾನ್ ಸಿಕ್ಕಾಪಟ್ಟೆ ಹಾರ್ಡ್ ವರ್ಕ್ ಮಾಡಿ ಸಿನಿಮಾದಲ್ಲಿ ಅಬ್ಬರಿಸಿದ್ದಾರೆ. ಟ್ರೈಲರ್ನಲ್ಲಿ ನಾಯಕನ ಡೆಡಿಕೇಷನ್ ಎದ್ದು ಕಾಣ್ತಿದೆ. ಈಗಾಗ್ಲೇ ಸಿನಿಮಾ ನೆಕ್ಸ್ಟ್ ಲೆವೆಲ್ ಪ್ರಮೋಷನ್ಸ್ ಮಾಡ್ತಿದ್ದು ಸದ್ಯದಲ್ಲೇ ತೆರೆಗೆ ಬರಲಿದೆ.
ಬಾಲಿವುಡ್ ನೀಲಿ ತಾರೆ ಸನ್ನಿಲಿಯೋನ್ ಚಾಂಪಿಯನ್ ಚಿತ್ರದಲ್ಲಿ ಸೊಂಟ ಬಳುಕಿಸಿದ್ದಾರೆ. ಡಿಂಗರಬಿಲ್ಲಿ ಬಿಂದಾಸ್ ಹಾಡಿಗೆ ಪಡ್ಡೆ ಹೈಕಳು ಬಾಯಿ ಬಿಟ್ಟಿದ್ದಾರೆ. ಮಿಲ್ಕಿ ಬ್ಯೂಟಿ ಸನ್ನಿಯ ಡಿಂಗರಬಿಲ್ಲಿ ಹಾಡು ಸೋಶಿಯಲ್ ಮೀಡಿಯಾದಲ್ಲಿ ಹಿಟ್ಸ್ ದಾಖಲಿಸಿದೆ. ಒಟ್ಟಾರೆ ಸಿನಿಮಾ ಸಖತ್ ಪ್ರಾಮಿಸಿಂಗ್ ಆಗಿ ಮೂಡಿ ಬಂದಿದ್ದು ಸಿಲ್ವರ್ ಸ್ಕ್ರೀನ್ ಮೇಲೆ ಕಮಾಲ್ ಮಾಡೋ ನಿರೀಕ್ಷೆ ಮೂಡಿಸಿದೆ.
ಶಿವಾನಂದ್ ನೀಲಣ್ಣವರ್ ಸ್ನೇಹಿತನಿಗಾಗಿ ದೊಡ್ಡ ಕನಸು ಕಂಡಿದ್ದು ನಿರ್ಮಾಪಕನಾಗಿ ಕನಸನ್ನು ಸಾಕಾರ ಮಾಡಿಕೊಂಡಿದ್ದಾರೆ. ಶಾಹುರಾಜ ಶಿಂಧೆ ನಿರ್ದೇಶನದಲ್ಲಿ ಸಿನಿಮಾ ರಿಚ್ ಆಗಿ ಮೂಡಿ ಬಂದಿದೆಯಂತೆ. ಜತೆಗೆ ಪವರ್ ಟಿವಿಯಲ್ಲಿ ಸಚಿನ್ ಧನ್ಪಾಲ್ ತಮ್ಮ ಮನದಾಳದ ಮಾತನ್ನು ಹಂಚಿಕೊಂಡಿದ್ದು ಉತ್ತರ ಕರ್ನಾಟಕದ ಹುಡುಗನಾಗಿ ಬಹಳಷ್ಟು ಕನಸು ಹೊತ್ತು ಬಂದಿದ್ದೇನೆ. ದಯವಿಟ್ಟು ಬೆಳೆಸಿ ಪ್ರೋತ್ಸಾಹಿಸಿ ಎಂದ್ರು.
ಚಾಂಪಿಯನ್ನಲ್ಲಿ ಸ್ಟಾರ್ ಕಲಾವಿದರ ಸಮಾಗಮವಿದ್ದು ಡೈನಾಮಿಕ್ ಸ್ಟಾರ್ ದೇವರಾಜ್, ರಂಗಾಯಣ ರಘು, ಶೋಭರಾಜ್, ಚಿಕ್ಕಣ್ಣ ಬಣ್ಣ ಹಚ್ಚಿದ್ದಾರೆ. ಈ ವಾರ ತೆರೆಗೆ ಬರಲಿರೋ ಚಾಂಪಿಯನ್ ಪ್ರೇಕ್ಷಕರ ಮನಸ್ಸನ್ನು ಸೆಳೆಯೋ ತವಕದಲ್ಲಿದೆ. ಕನ್ನಡದ ಹಿಟ್ಸ್ ಸಿನಿಮಾಗಳ ನಡುವೆ ಹೊಸ ನಾಯಕನಿಗೆ ಪ್ರೇಕ್ಷಕ ಯೆಸ್ ಅಂತಾನಾ ಕಾದು ನೋಡ್ಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
