ಬೆಂಗಳೂರು: ರಾಜ್ಯದ ವಿವಿಧ ಶಾಲೆಗಳಿಗೆ, ಅನಾಥ ಆಶ್ರಮಗಳಿಗೆ ಹೀಗೆ ಹಲವು ರೀತಿಯಲ್ಲಿ ಪರೋಕ್ಷವಾಗಿ ಒಂದಿಲ್ಲೊಂದು ಸಹಾಯ ಮಾಡಿದ ಪುನೀತ್ ಕಾಣದೇ ಮರೆಯಾದರು.
ಅಪ್ಪು ಬಹುನಿರೀಕ್ಷಿತ ಗಂಧದ ಗುಡಿ ಸಿನಿಮಾದ ಟ್ರೈಲರ್ ಇಂದು ಬೆಂಗಳೂರಿನ ನರ್ತಕಿ ಸಿನಿಮಾ ಮಂದಿರದಲ್ಲಿ ಬಿಡುಡೆ ಮಾಡಲಾಯಿತು. ಈ ಕಾರ್ಯಕ್ರಮಕ್ಕೆ ಇಡೀ ರಾಜ್ ಕುಮಾರ್ ಕುಟುಂಬವೇ ಭಾಗಿಯಾಯಿತು. ಸ್ಕ್ರೀನ್ನಲ್ಲಿ ಅಪ್ಪು ಕಂಡು ಸಾವಿರಾರು ಅಭಿಮಾನಿಗಳು ಪುಳಕಗೊಂಡರು.
ಗಂಧದ ಗುಡಿ ಟ್ರೈಲರ್ ಗೆ ರಾಜ್ಯದ ಸಿನಿಮಾ ಮಂದಿ ಅಲ್ಲದೇ, ವಿವಿಧ ರಾಜ್ಯಗಳ ರಾಜಕೀಯ ಮಂದಿ ಟ್ರೈಲರ್ ನೋಡಿ ಖುಷಿ ವ್ಯಕ್ತಪಡಿಸಿ ಅಭಿಮಾನಿಗಳ ದೇವರಿಗೆ ಸಲಾಂ ಹೇಳಿದ್ದಾರೆ. ಅದರಂತೆ ಪ್ರಧಾನಿ ನರೇಂದ್ರ ಮೋದಿ ಅವರು ಟ್ವೈಲರ್ ನೋಡಿ ಟ್ವೀಟ್ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಅಪ್ಪು ಒಬ್ಬರು ಅಪ್ರತಿಮ ಪ್ರತಿಭಾವಂತ ನಟರು, ಅಪ್ಪು ಪ್ರಪಂಚದಾದ್ಯಂತ ಲಕ್ಷಾಂತರ ಜನರ ಮನಸ್ಸಿನಲ್ಲಿದ್ದಾರೆ. ಗಂಧದಗುಡಿ ಟ್ರೈಲರ್ ಪ್ರಕೃತಿ ಮಾತೆಗೆ ಅಪರ್ಣೆ ಮಾಡಿದ್ದಾರೆ. ಈ ಟ್ರೈಲರ್ ಕರ್ನಾಟಕದ ಪ್ರಕೃತಿ ಸೌಂದರ್ಯವನ್ನ ಅಪ್ಪು ಅನಾವರಣಗೊಳಿಸಿದ್ದಾರೆ. ಈ ಪ್ರಯತ್ನಕ್ಕೆ ನನ್ನ ಶುಭಾಶಯಗಳು ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ.
