ಬೆಂಗಳೂರು : ಬಹಳ ನಿರೀಕ್ಷೆ ಹುಟ್ಟುಹಾಕಿದ ದಿವಂಗತ ಪುನೀತ್ ರಾಜ್ಕುಮಾರ್ ನಟನೆಯ ಕೊನೆಯ ಸಿನಿಮಾ ಅಂತು ಇಂತು ಗಂಧದ ಗುಡಿ ಟ್ರೈಲರ್ ಇಂದು ಬೆಳಗ್ಗೆ 10:19 ಕ್ಕೆ ಅಭಿಮಾನಿಗಳ ಮುಂದೆ ದರ್ಶನವಾಯಿತು.
ನಗರದ ನರ್ತಕಿ ಥಿಯೇಟರ್ ನಲ್ಲಿ ಟ್ರೈಲರ್ ರಿಲೀಸ್ ಆಗಿದ್ದು, ಅಭಿಮಾನಿಗಳ ಸಮ್ಮುಖದಲ್ಲಿ ಯುವರತ್ನನ ಕೊನೆಯ ಸಿನಿಮಾ ಟ್ರೈಲರ್ ಬಿಡುಗಡೆಗೊಂಡಿತು. ಟ್ರೈಲರ್ ಲಾಂಚ್ ಗೆ ಅಶ್ವಿನಿ ಪುನೀತ್ ರಾಜ್ಕುಮಾರ್ ಭಾಗಿಯಾಗಿದ್ದು, ಅಮೋಘವರ್ಷ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿಬರುತ್ತಿದೆ. ಇನ್ನು, ಪಿ ಆರ್ ಕೆ ಪ್ರೋಡಕ್ಷನ್ ಅಡಿಯಲ್ಲಿ ಅಕ್ಟೋಬರ್ 29 ಕ್ಕೆ ಸಿನಿಮಾ ರಿಲೀಸ್ ಆಗಲಿದೆ.
