ಕರಾವಳಿಯ ದೇಸಿ ಕಥೆ ಕಾಂತಾರ ಸ್ಯಾಂಡಲ್ವುಡ್ನಲ್ಲಿ ಕಮಾಲ್ ಮಾಡ್ತಿದೆ. ದೇಶ ವಿದೇಶಗಳಲ್ಲೂ ಭರ್ಜರಿ ರೆಸ್ಪಾನ್ಸ್ ಸಿಗ್ತಿದೆ. ಬಹುದಿನಗಳ ನಂತ್ರ ಕನ್ನಡದ ಚಿತ್ರಕ್ಕೆ ಥಿಯೇಟರ್ನಲ್ಲಿ ನೂಕು ನುಗ್ಗಲು ಶುರುವಾಗಿದೆ. ಬಾದ್ ಷಾ ಕಿಚ್ಚ ಸುದೀಪ್ ಕೂಡ ಕಾಂತಾರ ಶಿವಲೀಲೆಗೆ ಮಾರು ಹೋಗಿದ್ದಾರೆ. ಚಿತ್ರಕಥೆಗೆ ಹೃದಯ ತುಂಬಿ ಹೊಗಳಿದ್ದಾರೆ. ಯೆಸ್.. ಕಿಚ್ಚನ ಎಕ್ಸ್ಕ್ಲೂಸಿವ್ ರಿವೀವ್ಹ್ ರಿಪೋರ್ಟ್ ಹೇಗಿದೆ ಗೊತ್ತಾ..? ನೀವೇ ಓದಿ.
- ಬಾಲಿವುಡ್ನಲ್ಲೂ ಅಬ್ಬರಿಸೋಕೆ ಸಜ್ಜಾದ ಕರಾವಳಿಯ ಕೋಲ..!
ರಿಷಭ್ ಶೆಟ್ಟಿ, ಹೊಂಬಾಳೆ ಕಾಂಬಿನೇಷನ್ನಲ್ಲಿ ಮೋಡಿ ಮಾಡ್ತಿರೋ ಹಿಟ್ ಸಿನಿಮಾ ಕಾಂತಾರ. ಕರಾವಳಿ ಕೋಲ, ಶಿವಲೀಲಾ, ರಿಷಬ್ ಶೆಟ್ಟಿಯ ಮೈಜಮ್ಮೆನ್ನಿಸೋ ಆ್ಯಕ್ಟಿಂಗ್ ನೋಡಿದವ್ರು ಅರೆಕ್ಷಣ ಪೆಚ್ಚಾಗಿದ್ದಾರೆ. ಯೆಸ್.. ಇದು ಕೇವಲ ಸಿನಿಮಾ ಮಾತ್ರವಲ್ಲ ಇಡೀ ಮನುಕುಲವನ್ನು ಎಚ್ಚರಿಸುವ ಪ್ರಕೃತಿ ಆರಾಧನೆ, ಆಚರಣೆಯ ಸಾಂಕೇತಿಕ ಸಿನಿಮಾ ಕಾಂತಾರ.
ಇಡೀ ಚಿತ್ರರಂಗವೇ ರಿಷಬ್ ಮೇಕಿಂಗ್ ಸ್ಟೈಲ್ಗೆ ಭೇಷ್ ಎಂದಿದ್ದಾರೆ. ಕ್ಲೈಮ್ಯಾಕ್ಸ್ ಸೀನ್ಗೆ ಭಾವಪರವಶರಾಗಿದ್ದಾರೆ. ಕೂತಲ್ಲೇ ರೋಮಾಂಚನವಾಗಿದ್ದಾರೆ. ಇದೀಗ ಚಿತ್ರಕ್ಕೆ ಕಿಚ್ಚ ಕೂಡ 100 ಮಾರ್ಕ್ಸ್ ಕೊಟ್ಟಿದ್ದು, ಸೂಪರ್ ಸಿನಿಮಾ ಅಂತಾ ಸೀಲ್ ಒತ್ತಿದ್ದಾರೆ.
ಯೆಸ್.. ಕರಾವಳಿ ಸ್ಲಾಂಗ್ನಲ್ಲಿ ಕನ್ನಡ ಭಾಷೆಯಲ್ಲಿ ಮಾತ್ರ ರಿಲೀಸ್ ಮಾಡಿದ್ದ ಕಾಂತಾರಾ ಬಾಲಿವುಡ್ಗೂ ಎಂಟ್ರಿ ಕೊಡ್ತಿದೆ. ಅಕ್ಟೋಬರ್ 09 ಬೆಳಗ್ಗೆ 09:10 ಕ್ಕೆ ಹಿಂದಿ ಟ್ರೈಲರ್ ಕೂಡ ರಿಲೀಸ್ ಆಗ್ತಿದೆ. ಇದ್ರ ನಡುವೆ ಸ್ಯಾಂಡಲ್ವುಡ್ ಬಾದ್ಷಾ ಕಾಂತಾರ ಸಿನಿಮಾ ನೋಡಿ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ತಮ್ಮ ಟ್ವಿಟರ್ ಖಾತೆಯಲ್ಲಿ ಚಿತ್ರದ ಕುರಿತು ಮೆಚ್ಚುಗೆಯ ಮಳೆ ಸುರಿಸಿದ್ದಾರೆ.
- ಕಾಂತಾರ ದೃಶ್ಯವೈಭವ ಕಂಡು ಮೂಖವಿಸ್ಮಿತರಾದ ಕಿಚ್ಚ
- ರಿಷಬ್, ಅಜನೀಶ್, ಚಿತ್ರತಂಡಕ್ಕೆ ರೋಣ ಹ್ಯಾಟ್ಸಪ್..!
ಮೈನವಿರೇಳಿಸುವ ಕಾಂತಾರ ಸಿನಿಮಾ ನೋಡಿ ಎಲ್ಲರೂ ಥ್ರಿಲ್ ಆಗಿದ್ದಾರೆ. ಕಿಚ್ಚ ಕೂಡ ಸಿನಿಮಾ ವೀಕ್ಷಣೆ ಮಾಡಿದ ತಕ್ಷಣ ಚಿತ್ರತಂಡಕ್ಕೆ ವಿಶ್ ಮಾಡಿದ್ದಾರೆ. ನನ್ನನ್ನು ಈ ಪತ್ರ ಬರೆಯುವಂತೆ ಮಾಡಿದ ಚಿತ್ರತಂಡಕ್ಕೆ ಎಂದು ತಮ್ಮ ಪತ್ರವನ್ನು ಆರಂಭಿಸಿದ್ದಾರೆ. ಕಿಚ್ಚ ಕಾಂತಾರ ಚಿತ್ರತಂಡಕ್ಕೆ ಹ್ಯಾಟ್ಸ್ ಆಫ್ ಹೇಳಿದ್ದಾರೆ. ಚಿತ್ರಕಥೆ, ರಿಷಬ್ ಅಭಿನಯ, ಅಜನೀಶ್ ಮ್ಯೂಸಿಕ್, ಭಕ್ತಿ ಭಾವಗಳ ಅನಾವರಣ ಕಂಡು ರೋಣ ಕೂಡ ಆಶ್ಚರ್ಯ ಚಕಿತರಾಗಿದ್ದಾರೆ.
ಯೆಸ್.. ಕಿಚ್ಚ ಸುದೀಪ್ ಕಾಂತಾರ ಸಿನಿಮಾ ನೋಡಿ ಫುಲ್ ಫಿದಾ ಆಗಿದ್ದಾರೆ. ರಿಷಬ್ಗೆ ಪ್ರೀತಿಯ ಅಪ್ಪುಗೆ ಎಂದು ಹೇಳಿದ್ದಾರೆ. ಜೊತೆಗೆ ಅಜನೀಶ್ ಮ್ಯೂಸಿಕ್ಗೆ ಚಿಲ್ ಆಗಿರೋ ಸುದೀಪ್, ನೀವೂ ನಿಜಕ್ಕೂ ಮೇಷ್ಟ್ರು ಎಂದಿದ್ದಾರೆ.
ಕಾಂತಾರ ಎಲ್ಲವನ್ನೂ ಬೀಟ್ ಮಾಡಿದೆ. ಇಂತಹ ಕಥೆಗೆ ಸಾಕ್ಷಿಯಾದ ಹೊಂಬಾಳೆ ಬ್ಯಾನರ್ಗೂ ಧನ್ಯಾವಾದ ತಿಳಿಸಿದ ಕಿಚ್ಚ ಇಡೀ ಚಿತ್ರತಂಡವನ್ನು ಶ್ಲಾಘನೆ ಮಾಡಿದ್ದಾರೆ. ಒಟ್ನಲ್ಲಿ ಕನ್ನಡದಲ್ಲಿ ಕಂಟೆಂಟ್ ಸಿನಿಮಾಗಳ ಅಬ್ಬರ ಇಡೀ ಇಂಡಸ್ಟ್ರಿಯನ್ನೆ ಸ್ಯಾಂಡಲ್ವುಡ್ ಕಡೆ ತಿರುಗಿ ನೋಡುವಂತೆ ಮಾಡಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
