ನಟ ಭಯಂಕರ ಡಾಲಿ ಡಾನ್ ಜಯರಾಜ್ ರೋಲ್ನಲ್ಲಿ ಮಿಂಚಲಿರೋ ಸಿನಿಮಾ ಹೆಡ್ಬುಷ್. ಸದ್ಯ ಈ ಚಿತ್ರದ ಹಾಟ್ ಹಾಟ್ ಐಟಂ ಸಾಂಗ್ ಟ್ರೆಂಡಿಂಗ್ ಸೆಟ್ ಮಾಡಿದೆ. ಮೊದಲ ಬಾರಿಗೆ ತೆಲುಗು ಪಿಲ್ಲ ಪಾಯಲ್ ರಜಪೂರ್ ಗ್ಲಾಮರಸ್ ಲುಕ್ನಲ್ಲಿ ಪಡ್ಡೆ ಹೈಕಳ ಮೈಚಳಿ ಬಿಡಿಸಿದ್ದಾರೆ. ಎಲ್ಲೆಲ್ಲೂ ಹಬೀಬಿ ಹಾಡಿನ ರಂಗಲ್ಲಿ ಯುವಕರು ಮಿಂದೆದ್ದಿದ್ದಾರೆ. ಯೆಸ್.. ಹಬೀಬಿ ಹವಾ ಹೇಗಿದೆ ಗೊತ್ತಾ..? ನೀವೇ ಓದಿ.
- ನಟ ರಾಕ್ಷಸನ ಕೈಯಲ್ಲಿ ಅರಳಿದ ಹಬೀಬಿ ರೊಮ್ಯಾಂಟಿಕ್ ಲೈನ್ಸ್..!
ಟಗರು ಡಾಲಿಗೆ ಅದ್ಭುತ ಕಲಾವಿದ ಅನ್ಬೇಕೋ, ಹಿಟ್ ಸಿನಿಮಾ ಕೊಟ್ಟ ನಿರ್ಮಾಪಕ ಅನ್ಬೇಕೋ ಗೊತ್ತಾಗ್ತಿಲ್ಲ. ಇದಕ್ಕೂ ಒಂದು ಹೆಜ್ಜೆ ಮುಂದೆ ಹೋಗಿ ಅದ್ಭುತ ಬರಹಗಾರನಾಗಿಯೂ ಡಾಲಿ ಫೇಮಸ್ ಆಗಿದ್ದಾರೆ. ಕಥೆ ಕವನಗಳ ಮೂಲಕ ಪ್ರೇಮಕವಿಯಾಗಿರೋ ಡಾಲಿ ಐಟಂ ಸಾಂಗ್ನಲ್ಲೂ ಮ್ಯಾಜಿಕ್ ಮಾಡಿದ್ದಾರೆ. ಯೆಸ್.. ಹೆಡ್ಬುಷ್ ಚಿತ್ರದಲ್ಲಿ ಐಟಂ ಸಾಂಗ್ ಬರೆದಿರೋ ಡಾಲಿಯ ಸಾಲುಗಳು ಸಿಕ್ಕಾಪಟ್ಟೆ ರೊಮ್ಯಾಂಟಿಕ್ ಆಗಿವೆ.
ಸ್ಯಾಂಡಲ್ವುಡ್ ಸೇರಿ ಟಾಲಿವುಡ್ನಲ್ಲೂ ಸಿಕ್ಕಾಟಟ್ಟೆ ಬ್ಯುಸಿ ಇರೋ ಡಾಲಿ, ಹೆಡ್ಬುಷ್ ಚಿತ್ರದಲ್ಲಿ ಭೂಗತ ಲೋಕದ ಪಾತಕಿ ಡಾನ್ ಜಯರಾಜ್ ರೋಲ್ನಲ್ಲಿ ಅಬ್ಬರಿಸ್ತಿದ್ದಾರೆ. ಕರಾಳ ಜಗತ್ತಿನ ನೈಜ ಚಿತ್ರಣ ಹೆಡ್ಬುಷ್. ರೌಡಿಗಳ ಅಟ್ಟಹಾಸ ಚಿತ್ರದಲ್ಲಿ ಡಬಲ್ ಇರಲಿದೆ. ಇದೀಗ ಡಾಲಿ ಗೀಚಿದ ಹಬೀಬಿ ಹಾಡು ಸಖತ್ ಸೌಂಡ್ ಮಾಡ್ತಿದೆ. ಖುದ್ದಾಗಿ ಮುದ್ದಾಗಿ ಸರಸಕ್ಕೆ ಸಜ್ಜಾಗಿ ಸಾಲುಗಳು ಸಖತ್ ರೊಮ್ಯಾಂಟಿಕ್ ಆಗಿವೆ.
- ದುಬೈನಿಂದ ಹೆಡ್ಬುಷ್ ಟೀಮ್ ಬೆಂಗಳೂರಿಗೆ ವಾಪಾಸ್
- ಚಳಿ ಬಿಡಿಸಿದ ತೆಲುಗು ಪಿಲ್ಲ ರಜಪೂತ್ ಪಾಯಲ್ ಡ್ಯಾನ್ಸ್
ಬಡವ ರಾಸ್ಕಲ್ ಚಿತ್ರದ ಉಡುಪಿ ಹೋಟೆಲ್ ಮೂಲೆ ಟೇಬಲ್ ಹಾಡು ಬರೆದಿದ್ದ ಡಾಲಿ ಧಿಡೀರ್ ಐಟಂ ಸಾಂಗ್ ಮೂಲಕ ಕಿಕ್ಕೇರಿಸಿದ್ದಾರೆ. ಈ ಬಾರಿ ಅವ್ರ ಲೇಖನಿಯಲ್ಲಿ ಮನ್ಮಥ ಮನುಸು ಬಿಚ್ಚಿ ಮಾತಾಡಿದ್ದಾನೆ. ಈ ಹಾಡಿಗೆ ರಜಪೂತ್ ಸೊಂಟ ಬಳುಕಿಸಿ ಕಿಚ್ಚು ಹಚ್ಚಿದ್ದಾರೆ. ಪಾಯಲ್ ಸೌಂದರ್ಯಕ್ಕೆ ಹಾಡಿನ ಸಾಲುಗಳು ಎನರ್ಜಿ ತುಂಬಿವೆ. ನಾ ನಾ ಬಂದೆ ಊವಂತೆ, ಹೆಜ್ಜೇನು ನೀನಂತೆ, ಮುತ್ತಿಟ್ಟು ಮತ್ತೇರಿಸೋ ಡಾಲಿ ಬರಹ ನಶೆಯ ಅಮಲಿನಲ್ಲಿ ಗುಂಗಿಡಿಸುತ್ತದೆ.
ಅಂತೂ ನಟ , ನಿರ್ಮಾಪಕನಾಗಿ ಹೆಸ್ರು ಮಾಡಿರೋ ಡಾಲಿ ಧನಂಜಯ ಲಿರಿಕ್ ರೈಟರ್ ಆಗಿಯೂ ಗೆದ್ದಿದ್ದಾರೆ. ಉಪೇಂದ್ರ, ರವಿಚಂದ್ರನ್ ಸಾಲಿಗೆ ಡಾಲಿ ಧನಂಜಯ ಕೂಡ ಸೇರಿದ್ದಾರೆ. ಇತ್ತೀಚೆಗೆ ದುಬೈಗೆ ಕ್ರಿಕೆಟ್ ಆಡಲು ತೆರಳಿದ್ದ ಡಾಲಿ ವಿಭಿನ್ನವಾಗಿ ಹೆಡ್ಬುಷ್ ಚಿತ್ರದ ಪ್ರಮೋಷನ್ ಮಾಡಿದ್ರು. ಇದೀಗ ಹೆಡ್ಬುಷ್ ಟೀಮ್ ಬೆಂಗಳೂರು ತಲುಪಿದೆ. ಜತೆಗೆ ಅಂಬಾಸಿಡರ್ ಕಾರುಗಳು ರೌಡಿಗಳನ್ನು ಅಹ್ವಾನ ಮಾಡಲು ಕಾದು ಕೂತಿದ್ವು.
ಎನಿವೇ, ಹೆಡ್ಬುಷ್ ಸಿನಿಮಾ ಇದೇ ತಿಂಗಳು 21ಕ್ಕೆ ರಿಲೀಸ್ ಆಗ್ತಿದೆ. ಈ ನಡುವೆ, ಚರಣ್ ರಾಜ್ ಮ್ಯೂಸಿಕ್ನಲ್ಲಿ, ಡಾಲಿ ಸಾಹಿತ್ಯದಲ್ಲಿ ಹಬೀಬಿ ಸಾಂಗ್ ಸೌಂಡ್ ಮಾಡ್ತಿದೆ. ಶೂನ್ಯ ನಿರ್ದೇಶನದಲ್ಲಿ , ಅಗ್ನಿ ಶ್ರೀಧರ್ ಚಿತ್ರ ಕಥೆಯಲ್ಲಿ ಹೆಡ್ ಬುಷ್ ಸಿನಿಮಾ ತೆರೆಗೆ ಬರಲಿದೆ. ರಿಲೀಸ್ಗೂ ಮುನ್ನವೇ ಸೆನ್ಷೆಷನ್ ಕ್ರಿಯೇಟ್ ಮಾಡಿರೋ ಹೆಡ್ಬುಷ್ ಅಬ್ಬರ ಸಿಲ್ವರ್ ಸ್ಕ್ರೀನ್ ಮೇಲೆ ಹೇಗಿರುತ್ತೆ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
