ರಾಜರತ್ನ ಅಪ್ಪು ಇನ್ನಿಲ್ಲವಾಗಿ ವರ್ಷ ಆಗ್ತಾ ಬಂತು. ಆದ್ರೆ ಆತ್ಮದಂತೆ ಕನ್ನಡಿಗರ ಜೊತಗೇ ಇದ್ದು ಬಿಟ್ಟಿದ್ದಾರೆ ದೊಡ್ಮನೆಯ ರಾಜಕುಮಾರ ಪುನೀತ್ ರಾಜ್ಕುಮಾರ್. ದೇವರಾಗಿ ಲಕ್ಕಿಮ್ಯಾನ್ ಚಿತ್ರದಲ್ಲಿ ದರ್ಶನ ಕೊಟ್ಟಿದ್ದಾಯ್ತು. ಇದೀಗ ಗಂಧದಗುಡಿ ಚಿತ್ರದಿಂದ ಬೆಳ್ಳಿಪರದೆ ಬೆಳಗಲು ಮತ್ತೆ ಬರ್ತಿದ್ದಾರೆ ಸ್ಯಾಂಡಲ್ವುಡ್ ಅರಸ.
- ಅಕ್ಟೋಬರ್ 9ಕ್ಕೆ ಟ್ರೈಲರ್.. 28ಕ್ಕೆ ಅಪ್ಪು ದರ್ಶನ ಕನ್ಫರ್ಮ್
ಗಂಧದಗುಡಿ ಅಂದಾಕ್ಷಣ ನಟಸಾರ್ವಭೌಮ ಡಾ. ರಾಜ್ಕುಮಾರ್ ನೆನಪಾಗ್ತಿದ್ರು. ಆದ್ರೆ ಇಂದಿನ ಜನರೇಷನ್ಗೆ ರಾಜರತ್ನ ಅಪ್ಪು ಮಾತ್ರ ಕಣ್ಮುಂದೆ ಬರ್ತಾರೆ. ಕಾರಣ ಇದು ಅವ್ರ ಡ್ರೀಮ್ ಪ್ರಾಜೆಕ್ಟ್. ಎಲ್ಲಕ್ಕಿಂತ ಹೆಚ್ಚಾಗಿ ವಿಧಿಯೇ ನಿರ್ಧರಿಸಿದ ಕಟ್ಟ ಕಡೆಯ ಅಪ್ಪು ಸಿನಿಮಾ.
ಅಪ್ಪು ಅನ್ನೋ ಅನರ್ಗ್ಯ ರತ್ನನ ರಿಯಲ್ ಎಕ್ಸ್ಪೀರಿಯೆನ್ಸ್. ಕಾಡು, ಪ್ರಾಣಿ ಹಾಗೂ ಪಕ್ಷಿ ಸಂಕುಲಗಳ ಬಗ್ಗೆ ಅವರಿಗಿದ್ದ ಕೌತುಕತೆಯ ಚಿತ್ರಣವಿದು. ನ್ಯಾಷನಲ್ ಜಿಯೋಗ್ರಫಿ ಚಾನೆಲ್ನಲ್ಲಿ ಮಾತ್ರ ಕಾಣಸಿಗ್ತಿದ್ದ ದಟ್ಟಾರಣ್ಯ, ವನ್ಯ ಜೀವಿಗಳ ಕುರಿತ ದೃಶ್ಯಚಿತ್ತಾರ ಪವರ್ ಸ್ಟಾರ್ ಮೂಲಕ ಬಿಗ್ಸ್ಕ್ರೀನ್ಗೆ ಬರುವಂತಾಗಿದೆ.
ನ್ಯಾಷನಲ್ ಅವಾರ್ಡ್ ವಿನ್ನರ್ ಡೈರೆಕ್ಟರ್ ಅಮೋಘವರ್ಷ ನಿರ್ದೇಶಿಸಿ, ಅಪ್ಪು ಜೊತೆ ಮಾಡಿರೋ ಜರ್ನಿ ಈ ಗಂಧದಗುಡಿ. ಇದು ನಮ್ಮ ಕರುನಾಡಿವ ಅರಣ್ಯ ಸಂಪತ್ತು, ಅಲ್ಲಿನ ಪ್ರಾಣಿ ಹಾಗೂ ಪಕ್ಷಿ ಸಂಕುಲದ ಕೈಗನ್ನಡಿ ಆಗಲಿದೆ. ಬರೀ ಡಾಕ್ಯುಮೆಂಟರಿ ಆಗಿರದೆ, ಸಾಂಗ್ಸ್ ನಿಂದ ಕಮರ್ಷಿಯಲ್ ಸಿನಿಮಾದಂತೆ ಹೊಸ ರೂಪ ಪಡೆದುಕೊಂಡಿದೆ.
ಟೀಸರ್ನಿಂದ ವ್ಹಾವ್ ಫೀಲ್ ಕೊಟ್ಟಿದ್ದ ಗಂಧದಗುಡಿಯನ್ನ ಕನ್ನಡಿಗರಿಗೆ ಉಣಬಡಿಸೋಕೆ ಅಪ್ಪು ಅವ್ರ ಧರ್ಮಪತ್ನಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಮುಂದಾಗಿದ್ದಾರೆ. ಪಿಆರ್ಕೆ ಬ್ಯಾನರ್ನಡಿ ಈ ಸಿನಿಮಾ ಇದೇ ಅಕ್ಟೋಬರ್ 28ಕ್ಕೆ ಪುನೀತ್ ರಾಜ್ಕುಮಾರ್ ಮೊದಲ ಪುಣ್ಯ ಸ್ಮರಣೆ ವಿಶೇಷ ತೆರೆ ಕಾಣ್ತಿದೆ. ಅದಕ್ಕೂ ಮುನ್ನ ಇದೇ ಅಕ್ಟೋಬರ್ 9ಕ್ಕೆ ಚಿತ್ರದ ಟ್ರೈಲರ್ ಲಾಂಚ್ ಆಗ್ತಿದೆ. ಟ್ರೈಲರ್ನಲ್ಲಿ ಗಂಧದಗುಡಿಯ ಗಮ್ಮತ್ತು ರಿವೀಲ್ ಆಗಲಿದ್ದು, ಕನ್ನಡ ಕಲಾಭಿಮಾನಿಗಳಿಗೆ ಒಂದು ವಿಭಿನ್ನ ಎಕ್ಸ್ಪೀರಿಯೆನ್ಸ್ನ ಕೊಡಲಿದೆ ಈ ಪ್ರಯೋಗ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
