ಆಲ್ ಟೈಮ್ ಎವರ್ಗ್ರೀನ್ ನಟ ಅನಂತ್ನಾಗ್ ಇನ್ಮುಂದೆ ಡಾ. ಅನಂತ್ನಾಗ್ ಆಗಿದ್ದಾರೆ. ಸಿನಿಕರಿಯರ್ನಲ್ಲಿ ಅರ್ಧ ಶತಮಾನ ಪೂರೈಸಿರುವ ಲೆಜೆಂಡ್ರಿ ಆ್ಯಕ್ಟರ್. ಯೆಸ್.. ಕರುನಾಡು ಕಂಡ ಅಪರೂಪದ ಚೇತನ. ಚಿತ್ರರಂಗದ ಕಳಸ ಅನಂತ್ನಾಗ್ ಅವ್ರಿಗೆ ಬೆಂಗಳೂರು ವಿವಿ ಗೌರವ ಡಾಕ್ಟರೇಟ್ ಪ್ರದಾನ ಮಾಡಿದೆ. ಇದ್ರ ಜತೆಗೆ ಅನಂತ್ ಸಕ್ಸಸ್ ಹಿಂದಿರೋ ಪವರ್ಫುಲ್ ಮ್ಯಾನ್ ಬಗ್ಗೆ ಅನಂತ್ ನಾಗ್ ರಿವೀಲ್ ಮಾಡಿದ್ರು. ಆ ವ್ಯಕ್ತಿ ಯಾರು ನಾವ್ ಹೇಳ್ತೀವಿ. ನೀವೇ ಒದಿ.
- ಅನಂತ್ ಸಕ್ಸಸ್ ಹಿಂದೆ ಡಾ.ರಾಜ್ಕುಮಾರ್ ಪವರ್
ಕೆಜಿಎಫ್. ಇಡೀ ಸಿನಿಲೋಕ ಅಚ್ಚರಿ ಪಡುವಂತೆ ಮಾಡಿದ ಸಿನಿಮಾ. ಈ ಚಿತ್ರದಲ್ಲಿನ ಒಂದೇ ಒಂದು ದನಿ ರಾಕಿಭಾಯ್ ಚರಿತ್ರೆ ಹೃದಯ ನಾಟುವಂತೆ ಮಾಡಿದ್ವು. ಯೆಸ್.. ಆ ದನಿ ಇನ್ಯಾರದ್ದು ಅಲ್ಲ. ಆನಂದ್ ಇಂಗಳಗಿ. ಇಟ್ಸ್ ನನ್ ಅದರ್ ದ್ಯಾನ್ ಅನಂತ್ನಾಗ್. ಸಾರ್ರಿ ಡಾ.ಅನಂತ್ನಾಗ್. ಆ ಕಂಚಿನ ಕಂಠ ಸರಿದೂಗುವ ಇನ್ನೊಂದು ದನಿ ಇಲ್ಲ. ಸಾಟಿಯಾಗುವ ನಟರಿಲ್ಲ. ಇಂತಹ ಅದ್ಭುತ ಕಲಾವಿದನಿಗೆ ಇಂದು ಗೌರವ ಡಾಕ್ಟರೇಟ್ ಲಭಿಸಿದೆ. ಈ ಸಮಯದಲ್ಲಿ ಅನಂತ್ನಾಗ್ ಮಾತನಾಡಿ, ಡಾ. ರಾಜ್ ಕುಮಾರ್ ನನ್ನ ಜೀವನದ ಮುಂದಿನ ದೋಣಿ ಎಂದ್ರು.
ಬೆಂಗಳೂರು ಉತ್ತರ ವಿವಿಯಿಂದ ಅನಂತ್ ನಾಗ್ ಅವರ ಕಲಾಸೇವೆಯನ್ನು ಪರಿಗಣಿಸಿ ಗೌರವ ಡಾಕ್ಟರೇಟ್ ಪ್ರದಾನ ಮಾಡಲಾಗಿದೆ. ನಗರದ ರೇಸ್ ಕೋರ್ಸ್ ರಸ್ತೆಯಲ್ಲಿ ಉನ್ನತ ಶಿಕ್ಷಣ ಸಚಿವ ಡಾ. ಸಿ.ಎನ್ ಅಶ್ವತ್ಥ ನಾರಾಯಣ ಹಾಗೂ ಅನಂತ್ ನಾಗ್ ಅವರ ಫ್ಯಾಮಿಲಿ ಉಪಸ್ಥಿತಿಯಲ್ಲಿ ಡಾಕ್ಟರೇಟ್ ಪ್ರಧಾನ ಮಾಡಿ ಸನ್ಮಾನಿಸಲಾಯಿತು. ಈ ನಡುವೆ ಸಚಿವ ಅಶ್ವತ್ಥ ನಾರಾಯಣ ಮಾತನಾಡಿ, ಇವ್ರು ಯಾರ ಆ್ಯಕ್ಟಿಂಗ್ ಕಾಪಿ ಮಾಡಲ್ಲ. ಇವ್ರ ಆ್ಯಕ್ಟಿಂಗ್ ಕೂಡ ಕಾಪಿ ಮಾಡೋಕೆ ಸಾಧ್ಯವಿಲ್ಲ ಎಂದರು.
ಮಿಂಚಿನ ಓಟ, ಬಯಲು ದಾರಿ, ನಾ ನಿನ್ನ ಬಿಡಲಾರೆ ಹೀಗೆ ಸಾಲು ಸಾಲು ಹಿಟ್ ಸಿನಿಮಾಗಳ ಮೂಲಕ ರಂಜಿಸಿದ ಮೋಸ್ಟ್ ಹ್ಯಾಂಡ್ಸಮ್ ನಟ ಅನಂತ್ ನಾಗ್. ಕನ್ನಡ, ಹಿಂದಿ, ತಮಿಳು, ತೆಲುಗು, ಹಿಂದಿ ಸೇರಿದಂತೆ 160ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ ವರ್ಸಟೈಲ್ ಆ್ಯಕ್ಟರ್. ಸಿನಿಮಾ ಮಾತ್ರವಲ್ಲದೇ ಜೆ.ಹೆಚ್ ಪಟೇಲ್ ಅಧಿಕಾರಾವಧಿಯಲ್ಲಿ ಮಂತ್ರಿಯಾಗಿಯೂ ಕಾರ್ಯ ನಿರ್ವಹಿಸಿದ ಮಹಾನ್ ವ್ಯಕ್ತಿ. ಈ ಸಂದರ್ಭದಲ್ಲಿ ಡಾಕ್ಟರೇಟ್ ಸ್ವೀಕರಿಸಿ ಮಾತನಾಡಿದ ಅನಂತ್ನಾಗ್ ಸಕ್ಸಸ್ ಹಿಂದಿನ ಸೂತ್ರವನ್ನು ರಿವೀಲ್ ಮಾಡಿದ್ರು.
ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿದ್ದು, ಅದರಿಂದ ಬೇಸರವಾಗಿ ಮತ್ತೆ ಸಿನಿಮಾಗೆ ಮರಳಿದ್ದು, ಹಾಗೆ ಶಾಲಾ ಕಾಲೇಜಿನ ಸವಿ ನೆನಪುಗಳನ್ನು ಮೆಲುಕು ಹಾಕಿದ್ದಲ್ಲದೆ ಶಿವ ಪಾರ್ವತಿಯ ಕಥೆಯನ್ನು ಹಂಚಿಕೊಂಡ್ರು.
ಸಂಕಲ್ಪ ಚಿತ್ರದಿಂದ ಹಿಡಿದು ಇಂದಿನ ಗಾಳಿಪಟ 2 ಚಿತ್ರದವರೆಗೂ ನಟನಾಗಿ, ಪೋಷಕ ನಟನಾಗಿ ಮಿಂಚುತ್ತಿರುವ ಏಕೈಕ ಕಲಾವಿದ ಅನಂತ್ ನಾಗ್. ಸಾರ್ರಿ ಮತ್ತೆ ನೆನಪಿಸ್ತಾ ಇದ್ದೇವೆ. ಕರುನಾಡಿನ ಹೆಮ್ಮೆಯ ಪ್ರತೀಕ ಡಾ.ಅನಂತ್ನಾಗ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
