ಬರ್ತ್ ಡೇ ಸೆಲೆಬ್ರೇಷನ್ಗೆ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಬ್ರೇಕ್ ಹಾಕಿದ್ರೂ, ಮಾರ್ಟಿನ್ ಚಿತ್ರದ ನ್ಯೂ ಪೋಸ್ಟರ್ ಲಾಂಚ್ ಆಗಿದೆ. ಕಿಲ್ಲರ್ ಲುಕ್ನಿಂದ ಸಖತ್ ಸದ್ದು ಮಾಡ್ತಿದ್ದಾರೆ ಮಸಲ್ ಮ್ಯಾನ್ ಧ್ರುವ. ಬೀಸ್ಟ್ ವಿಜಯ್ ಗತ್ತಿನಲ್ಲಿರೋ ಅದ್ರ ಗಮ್ಮತ್ತು ಎಂಥದ್ದು ಅನ್ನೋದ್ರ ಜೊತೆ ಮಾರ್ಟಿನ್ ಎಕ್ಸ್ಕ್ಲೂಸಿವ್ ಅಪ್ಡೇಟ್ಸ್ ಫಿಲ್ಮಿ ಪವರ್ನಲ್ಲಿ.
- 6 ಭಾಷೆಯಲ್ಲಿ ಡಿಸೆಂಬರ್ಗೆ ಟೀಸರ್.. ರಾಮನವಮಿಗೆ ರಿಲೀಸ್
ಮಾರ್ಟಿನ್ನಲ್ಲಿ ಧ್ರುವ ಮಾಸ್ ಲುಕ್, ಕ್ಯಾಮೆರಾ ಕೈಚಳಕ, ಫಿಸಿಕಲ್ ಫಿಟ್ನೆಸ್ ಹೀಗೆ ಎಲ್ಲವೂ ಮಾಸ್ಪ್ರಿಯರ ನಾಡಿಮಿಡಿತ ಹೆಚ್ಚಿಸಿದ್ದವು. ಸಿಂಗಲ್ ಟೀಸರ್ನಿಂದಲೇ ಹಲ್ಚಲ್ ಎಬ್ಬಿಸಿದ್ದ ಮಾರ್ಟಿನ್, ಇದೀಗ ಐದು ಭಾಷೆಯಿಂದ ಆರು ಭಾಷೆಗಳತ್ತ ಒಂದು ಹೆಜ್ಜೆ ಮುಂದಿಟ್ಟಿದೆ. ಯೆಸ್.. ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಹೀಗೆ ಐದು ಭಾಷೆಯಲ್ಲಿ ತಯಾರಾಗ್ತಿದ್ದ ಈ ಸಿನಿಮಾದ ಆ ಲಿಸ್ಟ್ಗೆ ಇಂಗ್ಲಿಷ್ ಭಾಷೆಯೂ ಸೇರ್ಪಡೆ ಆಗಿದೆ.
ಇಂದು ಧ್ರುವ ಸರ್ಜಾ ಬರ್ತ್ ಡೇ ವಿಶೇಷ ಪ್ಯಾನ್ ಇಂಡಿಯಾ ಮಾರ್ಟಿನ್ನ ನ್ಯೂ ಪೋಸ್ಟರ್ ಲಾಂಚ್ ಮಾಡಿದೆ ಚಿತ್ರತಂಡ. ಎಪಿ ಅರ್ಜುನ್ ಆ್ಯಕ್ಷನ್ ಕಟ್ ಹೇಳ್ತಿರೋ ಹಾಗೂ ಉದಯ್ ಕೆ ಮೆಹ್ತಾ ಬಂಡವಾಳ ಹೂಡಿರೋ ಬಹುಕೋಟಿ ವೆಚ್ಚದ ಮಾರ್ಟಿನ್, ಟೀಸರ್ ಜೊತೆ ಧ್ರುವ ಕಿಲ್ಲರ್ ಲುಕ್ಸ್ನಿಂದ ಮ್ಯಾಜಿಕ್ ಮಾಡ್ತಿದೆ.
ಸದ್ಯ ಬಾಯಲ್ಲಿ ಸಿಗಾರ್, ಕೈಯಲ್ಲಿ ದೊಡ್ಡದೊಂದು ಗನ್ ಹಿಡಿದಿರೋ ಧ್ರುವ ಪೋಸ್ಟರ್ ಮಿಂಚು ಹರಿಸ್ತಿದೆ. ಇದು ರೀಸೆಂಟ್ ತಮಿಳು ರಿಲೀಸ್ ಬೀಸ್ಟ್ ಸಿನಿಮಾದಲ್ಲಿ ನಟ ವಿಜಯ್ ಸ್ಟೈಲ್ನ ಮೀರಿಸುವಂತಿದೆ. ಅದನ್ನೇ ಹೋಲುವಂತಿದ್ರೂ, ಇಲ್ಲಿ ಮಾಸಿಸಂ ನಿರೀಕ್ಷೆಗೂ ಮೀರಿದ ರೇಂಜ್ಗಿದೆ. ಇನ್ನು ಚಿತ್ರದ ಟೀಸರ್ ಇದೇ ಡಿಸೆಂಬರ್ಗೆ ಗ್ರ್ಯಾಂಡ್ ಆಗಿ ಲಾಂಚ್ ಆಗಲಿದೆ.
2023ರ ಮಾರ್ಚ್ನಲ್ಲಿ ರಾಮನವಮಿ ವಿಶೇಷ ಮಾರ್ಟಿನ್ ಸಿನಿಮಾ ವರ್ಲ್ಡ್ವೈಡ್ ತೆರೆಗಪ್ಪಳಿಸಲಿದೆಯಂತೆ. ಇಂಡಿಯನ್ ಅನ್ನೋ ಟ್ಯಾಟ್ಯೂನೊಂದಿಗೆ ಧ್ರುವ ಕಾಣಿಸಿಕೊಂಡಿದ್ದು, ಅವ್ರು ಸೋಲ್ಜರ್ ಅಥ್ವಾ ಗ್ಯಾಂಗ್ಸ್ಟರ್ ಅನ್ನೋದು ನಿರೀಕ್ಷಿಸಬೇಕಿದೆ. ಕೆಜಿಎಫ್, ಕಬ್ಜ ನಂತ್ರ ಅದೇ ಮಟ್ಟದಲ್ಲಿ ಮೇಕಿಂಗ್ ಮಾಡ್ತಿರೋ ಈ ಸಿನಿಮಾ, ಇಂಡಿಯನ್ ಸಿನಿದುನಿಯಾದಲ್ಲಿ ಬೆಂಚ್ ಮಾರ್ಕ್ ಕ್ರಿಯೇಟ್ ಮಾಡಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
