ಓಲ್ಡ್ಮಾಂಕ್ ಸಿನಿಮಾ ಸಕ್ಸಸ್ ಆಗ್ತಿದ್ದ ಹಾಗೆ ನಟ ಶ್ರೀನಿ, ಹ್ಯಾಟ್ರಿಕ್ ಹೀರೋ ಶಿವಣ್ಣನಿಗೆ ಬಲೆ ಬೀಸಿದ್ರು. ಸಖತ್ ಬ್ಯುಸಿ ಇದ್ದ ಬೈರಾಗಿ ಕೂಡ ನೋ ಎನ್ನದೇ ಒಂದೇ ಮಾತಿಗೆ ಯೆಸ್ ಅಂದಿದ್ರು. ಶಿವಣ್ಣನ ಬರ್ತ್ ಡೇ ದಿನವೇ ಡಿಫರೆಂಟ್ ಪೋಸ್ಟರ್ ರಿಲೀಸ್ ಮಾಡಿ ಎಲ್ಲರ ಗಮನ ಸೆಳೆದಿದ್ದ ಶ್ರೀನಿ, ಇದೀಗ ಘೋಸ್ಟ್ ಚಿತ್ರಕ್ಕೆ ಚಾಲನೆ ಕೊಟ್ಟಿದ್ದಾರೆ. ಯೆಸ್.. ಘೋಸ್ಟ್ ಚಿತ್ರದ ಸ್ಪೆಷಲ್ ಅಪ್ಡೇಟ್ಸ್ ತಿಳಿಬೇಕಾ..? ನೀವೇ ಓದಿ.
- ಘೋಸ್ಟ್ ಅಡ್ಡಾಗೆ ಮಲಯಾಳಂ ಸ್ಟಾರ್ ಜಯರಾಮ್ ಎಂಟ್ರಿ
ಹ್ಯಾಟ್ರಿಕ್ ಹೀರೋ ಶಿವಣ್ಣ ಸ್ಯಾಂಡಲ್ವುಡ್, ಟಾಲಿವುಡ್ನಲ್ಲಿ ಸಿಕ್ಕಾಪಟ್ಟೆ ಬ್ಯುಸಿ ಇರೋ ನಟ. ಇದೀಗ ಓಲ್ಡ್ಮಾಂಕ್ ಚಿತ್ರದ ಸಕ್ಸಸ್ಫುಲ್ ಡೈರೆಕ್ಟರ್ ಶ್ರೀನಿ ನಿರ್ದೇಶನದಲ್ಲಿ ಡಾ.ಶಿವಣ್ಣ ವಿಭಿನ್ನ ಗೆಟಪ್ನಲ್ಲಿ ಮಿಂಚಲಿದ್ದಾರೆ. ಈಗಾಗ್ಲೇ ಘೋಸ್ಟ್ ಚಿತ್ರದ ಪೋಸ್ಟರ್ ಹುಟ್ಟು ಹಾಕಿರೋ ಕ್ರೇಜ್ ನೋಡಿದ್ರೆ ಸಿನಿಮಾ ಸಿಲ್ವರ್ ಸ್ಕ್ರೀನ್ ಮೇಲೆ ಧೂಳೆಬ್ಬಿಸೋದು ಗ್ಯಾರಂಟಿ ಅನ್ನಿಸ್ತಿದೆ.
ಘೋಸ್ಟ್ ಟೈಟಲ್ ಟಾಲಿವುಡ್ನಲ್ಲೂ ಅಬ್ಬರಿಸ್ತಿದೆ. ನಾಗಾರ್ಜುನ್ ಅಭಿನಯದ ಘೋಸ್ಟ್ ಸಿನಿಮಾ ತೆರೆ ಕಂಡು ಕಮಾಲ್ ಮಾಡ್ತಿದೆ. ಇದೇ ಟೈಟಲ್ ಮೇಲೆ ಶ್ರೀನಿ ಕರಾಮತ್ತಿನಲ್ಲಿ ಕನ್ನಡದಲ್ಲೊಂದು ಆ್ಯಕ್ಷನ್ ಎಂಟರ್ಟೈನರ್ ಸಿನಿಮಾ ಮೂಡಿ ಬರ್ತಿದೆ. ಈ ಚಿತ್ರಕ್ಕೆ ಸಂದೇಶ್ ಪ್ರೊಡಕ್ಷನ್ ಕೈ ಜೋಡಿಸಿರೋದ್ರಿಂದ ಇನ್ನಷ್ಟು ಬಲ ಬಂದಿದೆ.
ಘೋಸ್ಟ್ ಸಿನಿಮಾದ ಅಪ್ಡೇಟ್ಸ್ಗಾಗಿ ಎದುರು ನೋಡ್ತಿದ್ದ ಚಿತ್ರಪ್ರೇಮಿಗಳಿಗೆ ಗುಡ್ ನ್ಯೂಸ್ ಸಿಕ್ಕಿದೆ. ಚಿತ್ರದ ಸ್ಕ್ರಿಪ್ಟ್ ಇಟ್ಟು ಪೂಜೆ ಸಲ್ಲಿಸಿರುವ ಚಿತ್ರತಂಡ ಶೂಟಿಂಗ್ಗೆ ಕಿಕ್ ಸ್ಟಾರ್ಟ್ ಕೊಟ್ಟಿದೆ. ಸದ್ಯದಲ್ಲೇ ಸಿನಿಮಾದ ಸ್ಟಾರ್ಕಾಸ್ಟಿಂಗ್ ಬಗ್ಗೆ ಅಪ್ಡೇಟ್ಸ್ ಕೂಡ ಸಿಗಲಿದೆ. ಪೂಜಾ ಕಾರ್ಯದಲ್ಲಿ ಸಂದೇಶ್ ನಾಗರಾಜ್ ಕೂಡ ಭಾಗಿಯಾಗಿದ್ದು ಇಡೀ ಚಿತ್ರತಂಡ ಪಾಲ್ಗೊಂಡಿದೆ.
ಘೋಸ್ಟ್ ಟೀಮ್ ಮಲಯಾಳಂ ಸೂಪರ್ ಸ್ಟಾರ್ ಜಯರಾಮ್ ಅವರನ್ನು ಸಂಪರ್ಕ ಮಾಡಿದ್ದು ಚಿತ್ರತಂಡಕ್ಕೆ ಸೇರ್ಪಡೆ ಆಗೋ ಸಾದ್ಯತೆ ಇದೆ. ಕಿಂಗ್ ಆಫ್ ಆಲ್ ಮಾಸಸ್ ಅವತಾರದಲ್ಲಿ ಹ್ಯಾಟ್ರಿಕ್ ಹೀರೋ ಜಗಮಗಿಸಿಲಿದ್ದಾರೆ. ಇದ್ರ ಜತೆಗೆ ಶ್ರೀನಿ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ತಂತ್ರಜ್ನಾನ ಬಳಸಿ ಸಿಕ್ಕಾಪಟ್ಟೆ ವರ್ಕ್ ಔಟ್ ಮಾಡ್ತಿರೋದ್ರಿಂದ ಚಿತ್ರದ ಮೇಲೆ ಸಿಕ್ಕಾಪಟ್ಟೆ ನಿರೀಕ್ಷೆಗಳಿವೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
