ನರಾಚಿ ರಕ್ತಸಿಕ್ತ ಸಾಮ್ರಾಜ್ಯದ ಮೇಲೆ ಚಿನ್ನದ ಚೇರು ಹಾಕಿ ಕೂತ ತೂಫಾನ್ ರಾಕಿಭಾಯ್. ಕೆಜಿಎಫ್ ಸುವರ್ಣ ಯುಗದ ಗತವೈಭವ ಕಂಡ ನಂತ್ರ ಮಾಸ್ಟರ್ಪೀಸ್ ಸಿಕ್ಕಾಪಟ್ಟೆ ಕಾಸ್ಟ್ಲಿ ಆಗಿದ್ದಾರೆ. ರಾಕಿಂಗ್ ಸ್ಟಾರ್ ನೆಕ್ಸ್ಟ್ ವಾಟ್ ಅಂತ ಇಡೀ ಸಿನಿದುನಿಯಾ ತಲೆ ಕೆಡಿಸಿಕೊಂಡಿದೆ. ಈ ನಡುವೆ ಹಾಲಿವುಡ್ಗೆ ಜಿಗಿಯೋಕೆ ರಾಕಿಭಾಯ್ ಸಜ್ಜಾಗಿದ್ದಾರೆ. ಅಬ್ಬಬ್ಬಾ..! ಇದು ನಿಜಾನಾ ಅಂತ ಪ್ರಶ್ನೆ ಮಾಡ್ಬೇಡಿ..? ಈ ಮಾತು ಹೇಳೋಕೆ ಕಾರಣ ಇದೆ. ಈ ಸ್ಟೋರಿ ಓದಿ.
- ಖಲಾಶ್ ನಿಕಾವೋ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ಕೊಟ್ಟ ರಾಕಿಭಾಯ್
ಸ್ಯಾಂಡಲ್ವುಡ್ ನಿಂದ ಹಾಲಿವುಡ್ವರೆಗೂ ರಾಕಿಭಾಯ್ ಗತ್ತು, ಗೈರತ್ತು ಗೊತ್ತಾಗಿದೆ. ನರಾಚಿ ರಕ್ಕಸರ ನಡುವೆ ಗರುಡನ ರುಂಡ ಚೆಂಡಾಡಿದ ಧೀರ ಚಿನ್ನದ ಸಾಮ್ರಾಜ್ಯದ ಮೇಲೆ ಸಿಂಹಾಸನ ಹಾಕಿ ಕೂತಿದ್ದಾರೆ. ಸದ್ಯ ಯಾರ ಕೈಗೂ ಸಿಗದ ರಾಜಾಹುಲಿಯ ನೆಕ್ಸ್ಟ್ ಪ್ರಾಜೆಕ್ಟ್ ಬಗ್ಗೆ ಇಡೀ ಇಂಡಿಯಾ ತಲೆಕೆಡಿಸಿಕೊಂಡಿದೆ. ಆದ್ರೆ, ರಾಕಿಭಾಯ್ ಮಾತ್ರ ಕೈಯಲ್ಲಿ ಗನ್ ಹಿಡಿದು ಇಟ್ಟ ಗುರಿಗೆ ದಿಟ್ಟತನದಿಂದ ಶೂಟ್ ಮಾಡ್ತಿದ್ದಾರೆ.
ಯೆಸ್.. ರಾಕಿಭಾಯ್ ಇಟ್ಟಿರೋ ಗುರಿ ಇಟ್ಸ್ ನಾಟ್ ಅ್ಯನ್ ಆರ್ಡಿನರಿ. ಆತ ತಲುಪೋ ಜಾಗ ಕೂಡ ಸಿಂಪಲ್ ಆಗಿರೋಲ್ಲ. ತನಗೆ ಬೇಕಾದಂತೆ ಭವಿಷ್ಯ ಬರೆಯಬಲ್ಲ ಚಾಣಕ್ಯ ಅನ್ನೋದು ಇಡೀ ಇಂಡಸ್ಟ್ರಿಗೆ ಗೊತ್ತಿದೆ ಬಿಡಿ. ಇದೆಲ್ಲಾ ಹಳೆ ವಿಷ್ಯ ಅನ್ನಿಸಬಹುದು. ಆದ್ರೆ ಸದ್ಯ ರಾಕಿಭಾಯ್ ಶೂಟ್ ಮಾಡೋ ವೇಳೆ, ಹಿಂದೆ ನಿಂತಿರೋದು ಕಾಮನ್ ಮ್ಯಾನ್ ಅಲ್ಲ. ಹಾಲಿವುಡ್ನ ಅವತಾರ್ ಚಿತ್ರದ ಸ್ಟಂಟ್ ಮಾಸ್ಟರ್ ಜೆ.ಜೆ ಪೆರ್ರಿ.
ರಾಜಮೌಳಿ, ಶಂಕರ್, ನರ್ತನ್ ಅಂತಾ ಆಸುಪಾಸಿನ ಸ್ಟಾರ್ ಡೈರೆಕ್ಟರ್ ಬಗ್ಗೆ ನಾವೆಲ್ಲಾ ತಲೆಗೆ ಕಂಬಳಿ ಹುಳ ಬಿಟ್ಕೊಂಡ್ರೆ, ರಾಕಿಂಗ್ ಸ್ಟಾರ್ ಹಾಲಿವುಡ್ಗೆ ಎಂಟ್ರಿ ಕೊಡೋಕೆ ಸಜ್ಜಾಗಿದ್ದಾರೆ. ದುಷ್ಮನಿಗಳ ನೆತ್ತರಲ್ಲಿ ಮತ್ತೊಂದು ರಕ್ತ ಚರಿತ್ರೆ ಬರೆಯೋಕೆ ಹೊರಟಿದ್ದಾರೆ ಮಾಸ್ಟರ್ ಪೀಸ್. ಯೆಸ್.. ಪೆರ್ರಿ ಜತೆಗೆ ಫೈರಿಂಗ್ ಮಾಡ್ತಿರೋ ವೀಡಿಯೋ ಸಖತ್ ವೈರಲ್ ಆಗಿದೆ.
ದೊಡ್ಡಮ್ಮನ ಘನಘೋರ ಘರ್ಜನೆಗೆ ಕಿವಿ ಮುಚ್ಚಿಕೊಂಡಿದ್ದ ಚಿತ್ರರಸಿಕರು ಮತ್ತೆ ಹಾಲಿವುಡ್ ಮಷಿನ್ ಗನ್ಗಳ ಸಪ್ಪಳಕ್ಕೆ ಸ್ಟನ್ ಆಗಲಿದ್ದಾರೆ. ಸವಾಲಿನ ಗುರಿ ತಲುಪೋಕೆ ಪರ್ರಿ ಸಹಾಯ ನೆನೆದು ಯಶ್ ತ್ಯಾಂಕ್ಸ್ ಹೇಳಿದ್ದಾರೆ. ಜತೆಗೆ ಮುಂದೆ ಇದು ಖಲಾಶ್ ನಿಕಾವೋ ಆಗಿರಬೇಕು ಎಂದು ಬರೆದುಕೊಂಡಿರೋ ರಾಕಿಭಾಯ್ ಟೈಟಲ್ ಗುಟ್ಟು ರಟ್ಟು ಮಾಡಿದಂತಿದೆ. ಎನಿವೇ, ಲಾಸ್ ಏಂಜಲೀಸ್ನಲ್ಲೂ ಕನ್ನಡದ ಹೆಮ್ಮೆಯ ಕಳಸ ರಾಕಿಭಾಯ್ ಸಿನಿಮಾಗಳು ಅಬ್ಬರಿಸುವಂತಾಗಲಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
