ವಿಜಯಪುರ: ದೇಶದಲ್ಲಿ ಪಿಎಫ್ಐ ಬ್ಯಾನ್ ಮಾಡಿದಂತೆ ಆರ್ಎಸ್ಎಸ್ ಬ್ಯಾನ್ ಮಾಡಲು ಸಿದ್ದರಾಮಯ್ಯ ಹೇಳಿಕೆ ವಿಚಾರವಾಗಿ ಸಿದ್ದರಾಮಯ್ಯ ವಿರುದ್ಧ ಸಂಸದ ರಮೇಶ್ ಜಿಗಜಿಣಗಿ ವಾಗ್ದಾಳಿ ನಡೆಸಿದ್ದಾರೆ.
ಸಿದ್ದರಾಮಣ್ಣನಿಗೆ ತಲೆ ಇಲ್ಲ, ಗುಂಡು ಹಾಕುವ ಕೆಲಸ ಆರ್ಎಸ್ಎಸ್ ಮಾಡಲ್ಲ, ಸಿದ್ದರಾಮಯ್ಯನ್ನು ಕೇಳಿ ಆರ್ಎಸ್ಎಸ್ ನಡೆಸಬೇಕಿಲ್ಲ ಅದನ್ನು ನಡೆಸುವವರು ಇದ್ದಾರೆ. ಆರ್ಎಸ್ಎಸ್ನಿಂದ ಯಾರಿಗೂ ಏನು ಆಗಿಲ್ಲ, ಜವಾಬ್ದಾರಿ ಸಿದ್ದರಾಮಯ್ಯ ಅವರು ಅರ್ಥ ಮಾಡಿಕೊಳ್ಳಬೇಕು ಎಂದರು.
ಸಿದ್ದರಾಮಯ್ಯ ಅವರು ಬರೀ ಆರ್ಎಸ್ಎಸ್ ಅನ್ನೋದು ಅಲ್ಲ. ಪಿಎಫ್ಐ ಏನು ಮಾಡಿದೆ ಅನ್ನೊದು ಗೊತ್ತಿಲ್ವಾ ನಿಮಗೆ ಎಲ್ಲಾ ಮುಸ್ಲಿಂರನ್ನು ಹಿಡಿದಿದ್ರಾ, ದೇಶದ್ರೋಹಿ ಕೆಲಸ ಮಾಡಬಾರದು. ಇಂದಿರಾ ಗಾಂಧಿ ಕಾಲದಲ್ಲಿ ಭಯೋತ್ಪಾದನೆ ಇತ್ತಾ, ಭಯೋತ್ಪಾದನೆ ಉತ್ಪಾದನೆ ಮಾಡಿದವರನ್ನ ದೇಶದಲ್ಲಿ ನಿಷೇಧ ಮಾಡಲಾಗಿದೆ ಎಂದು ಸಿದ್ದರಾಮಯ್ಯ ವಿರುದ್ಧ ರಮೇಶ್ ಜಿಗಜಿಣಗಿ ಆಕ್ರೋಶ ವ್ಯಕ್ತಪಡಿಸಿದರು.
