ಪ್ರೀತಂ ಗುಬ್ಬಿ, ಗೋಲ್ಡನ್ ಗಣಿ ಹಿಟ್ ಕಾಂಬಿನೇಷನ್ನಲ್ಲಿ ಬಾನದಾರಿಯಲ್ಲಿ ಟೀಮ್ ಕೀನ್ಯಾ ಪ್ರವಾಸದಲ್ಲಿದೆ. ಇಡೀ ಚಿತ್ರತಂಡವೆ ಕಗ್ಗತ್ತಲ ಖಂಡ ಆಫ್ರಿಕಾದಲ್ಲಿ ಲಗ್ಗೆ ಹೂಡಿದ್ದು ಸಾಹಸ ಸನ್ನಿವೇಶಗಳನ್ನು ಸೆರೆ ಹಿಡಿತಿದೆ. ಹುಡುಗಾಟದ ಹುಡುಗ ಗಣಿ ಮಾತ್ರ ಕೀನ್ಯಾದ ಗಲ್ಲಿ ಗಲ್ಲಿಗಳಲ್ಲಿ ಎಂಜಾಯ್ ಮಾಡ್ತಿದ್ದಾರೆ. ಯೆಸ್ ಹೇಗಿದೆ ಗೋಲ್ಡನ್ ಸ್ಟಾರ್ ಗಣೇಶ್ ಪ್ರವಾಸ ತಿಳ್ಕೋಬೇಕಾ..? ನೀವೇ ಓದಿ.
- ಕಾಡು ಮೇಡು ಆಫ್ರಿಕಾ ಗುಹೆಗಳಲ್ಲಿ ಗಣಿ ಅಡ್ವೆಂಚರಸ್
ಭಟ್ರ ಸಸ್ಯಹಾರಿ ಫುಲ್ ಮೀಲ್ಸ್ ಊಟ ಸವಿದ ಕನ್ನಡಿಗರು ಗಣಿಯ ನೆಕ್ಸ್ಟ್ ಸಿನಿಮಾ ನೋಡೋ ತವಕದಲ್ಲಿದ್ದಾರೆ. ಇದೀಗ ಮಳೆಯಲಿ ಜತೆಯಾದ ಹಿಟ್ ಕಾಂಬೋ ಮತ್ತೆ ಒಂದಾಗಿದೆ. ಪ್ರೀತಂ ಜತೆ ಗಣಿಯ ಹೊಸ ಪ್ಯಾರ್ ಕಹಾನಿ ಕ್ಯೂರಿಯಾಸಿಟಿ ಮೂಡಿಸಿದೆ. ಬಾನ ದಾರಿಯಲ್ಲಿ ಸಿನಿಮಾದಲ್ಲಿ ಇಬ್ರೂ ಮ್ಯಾಜಿಕ್ ಮಾಡೋಕೆ ಬರ್ತಿದ್ದಾರೆ. ಜತೆಗೆ ಚಿತ್ರತಂಡ ಕೀನ್ಯಾ ಪ್ರವಾಸದಲ್ಲಿ ಸಖತ್ ಬ್ಯುಸಿಯಾಗಿದೆ.
ಮಳೆಯಲಿ ಜೊತೆಯಲಿ, ದಿಲ್ ರಂಗೀಲಾ, 99 ಸಿನಿಮಾಗಳ ಮೂಲಕ ದಿಲ್ ದೋಚಿರೋ ಯಶಸ್ವಿ ನಿರ್ದೇಶಕ ಪ್ರೀತಂ. ಇದೀಗ ಗಣಿ ಕೈ ಹಿಡಿದು ಆಫ್ರಿಕಾ ಕಾಡು ಮೇಡುಗಳಲ್ಲಿ ಅಡ್ವೆಂಚರಸ್ ಕಥೆ ತೋರಿಸೋಕೆ ಹೊರಟಿದ್ದಾರೆ. ಕ್ರಿಕೆಟರ್ ಆಗಿ ಗಣಿ, ವಾಟರ್ ಗೇಮ್ಸ್ ಸ್ಪೋರ್ಟ್ಮನ್ ಆಗಿ ರುಕ್ಮಿಣಿ ವಸಂತ್ ಕಾಣಿಸಿದ್ದಾರೆ. ಕೀನ್ಯಾ ಮಕ್ಕಳ ಜತೆ ಗಣಿಯ ಸಖತ್ ಸ್ಟೆಪ್ಸ್ ಸಖತ್ ವೈರಲ್ ಅಗಿದೆ.
ಸೆಕೆಂಡ್ ಶೆಡ್ಯೂಲ್ ಮುಗಿಸಿರೋ ಬಾನ ದಾರಿಯಲ್ಲಿ ಟೀಮ್ ಆಫ್ರಿಕಾದಲ್ಲಿದೆ. ಅಲ್ಲಿನ ದುರ್ಗಮ ಕಾಡುಗಳಲ್ಲಿ ಶೂಟಿಂಗ್ ಕೂಡ ನಡಿತಿದೆ. ಕೀನ್ಯಾದ ರಹಸ್ಯ ಗುಹೆಗಳಲ್ಲಿ ಟಾರ್ಚ್ ಹಿಡಿದು ಗಣಿ ಸುತ್ತಾಡ್ತಿದ್ದಾರೆ. ಜತೆಗೆ ಗಲ್ಲಿ ಗಲ್ಲಿಯ ಸಣ್ಣ ಪುಟ್ಟ ಮಳಿಗೆಗಳಲ್ಲಿ ಬಿಂದಾಸ್ ಆಗಿ ಅಲೆದಾಡ್ತಿದ್ದಾರೆ. ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.
ಈ ಚಿತ್ರದಲ್ಲಿ ರುಕ್ಮಿಣಿ ವಸಂತ್ ಜತೆಗೆ ರೀಷ್ಮಾ ನಾಣಯ್ಯ ಕೂಡ ನಾಯಕಿಯಾಗಿ ಮಿಂಚಲಿದ್ದಾರೆ. ರಂಗಾಯಣ ರಘು ಕಾಮಿಡಿ ಇಲ್ಲೂ ಕಂಟಿನ್ಯೂ ಆಗಲಿದೆ. ಅರ್ಜುನ್ ಜನ್ಯಾ ಸಂಗೀತ, ಮಾಸ್ತಿ ಸಂಭಾಷಣೆ ಸಿನಿಮಾಗೆ ಪ್ಲಸ್ ಆಗಲಿದೆ. ಶ್ರೀವಾರಿ ಟಾಕೀಸ್ ಬ್ಯಾನರ್ ಅಡಿಯಲ್ಲಿ ರಿಚ್ ಆಗಿ ಮೂಡಿ ಬರ್ತಿರೋ ಸಿನಿಮಾಗೆ ಪ್ರೇಕ್ಷಕರ ರಿಯಾಕ್ಷನ್ ಹೇಗಿರಲಿದೆ ಅನ್ನೋದು ಸದ್ಯದಲ್ಲೇ ಗೊತ್ತಾಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
