ಕನ್ನಡ ನೆಲದ ಗಂಡುಗಲಿಯ ಕಥೆಯನ್ನು ಹೇಳಿದ್ದ ಬಿಚ್ಚುಗತ್ತಿ ಭರಮಣ್ಣ ನಾಯಕ ರಾಜ್ವರ್ಧನ್, ಐತಿಹಾಸಿಕ ಸಿನಿಮಾದಲ್ಲಿ ಕದನ ಕಲಿಯಾಗಿ ಹೋರಾಡಿದ್ದ ಸಾಹಸಿ ನಟ. ಯೆಸ್.. ಇದೀಗ ಮತ್ತೊಂದು ಆ್ಯಕ್ಷನ್ ವೆಂಚರ್ ಕಥೆಯಲ್ಲಿ ಗಜರಾಮನಾಗಿ ರಾಜ್ವರ್ಧನ್ ಎಂಟ್ರಿ ಕೊಡ್ತಿದ್ದಾರೆ. ಸದ್ಯ ಈ ಚಿತ್ರಕ್ಕೆ ಜ್ಯೂನಿಯರ್ ರೆಬೆಲ್ ಸ್ಟಾರ್ ಸಾಥ್ ನೀಡಿದ್ದು, ಮಾಸ್ ಖದರ್ನ ಮೋಷನ್ ಪೋಸ್ಟರ್ ರಿಲೀಸ್ ಮಾಡಿದ್ದಾರೆ.
- ದುರ್ಗದ ಇತಿಹಾಸ ಹೇಳಿದ್ದ ನಾಯಕನ ಹೊಸ ಪ್ರಯತ್ನ..!
ಬಿಚ್ಚುಗತ್ತಿ ಸಿನಿಮಾದ ಮೂಲಕ ಕತ್ತಿ ಜಳಪಿಸಿದ್ದ ಹ್ಯಾಂಡ್ಸಮ್ ನಟ ರಾಜ್ವರ್ಧನ್. ದುರ್ಗದ ಕಲ್ಲಿನ ಕೋಟೆಯ ಐತಿಹಾಸಿಕ ಕಥೆ ಹೇಳುವ ಮೂಲಕ ಸಿನಿಲೋಕಕ್ಕೆ ಎಂಟ್ರಿ ಕೊಟ್ಟಿದ್ದ ಅಜಾನುಬಾಹು ಪ್ರತಿಭೆ. ಹಾಸ್ಯ ಸುಧೆ ಹರಿಸಿದ ಸ್ಯಾಂಡಲ್ವುಡ್ ಕಲಾವಿದ ಡಿಂಗ್ರಿ ನಾಗರಾಜ್ ಅವ್ರ ಸುಪುತ್ರ ರಾಜ್ವರ್ಧನ್ ಮಾಸ್ ಅವತಾರದಲ್ಲಿ ಅಬ್ಬರಿಸಲಿದ್ದಾರೆ. ಚಿತ್ರಕ್ಕೆ ಗಜರಾಮ ಟೈಟಲ್ ಇಡಲಾಗಿದ್ದು ಇಂದು ಚಿತ್ರದ ಮುಹೂರ್ತ ಅದ್ಧೂರಿಯಾಗಿ ನೆರವೇರಿದೆ.
ಕಂಠೀರವ ಸ್ಟುಡಿಯೋದಲ್ಲಿ ಗಜರಾಮ ಚಿತ್ರಕ್ಕೆ ಚಾಲನೆ ನೀಡಿದ ಯಂಗ್ ರೆಬೆಲ್ ಸ್ಟಾರ್ ಅಭಿಶೇಕ್ ಅಂಬರೀಶ್ ಚಿತ್ರಕ್ಕೆ ಮನಸಾರೆ ಶುಭ ಹಾರೈಸಿದ್ದಾರೆ. ಪಕ್ಕಾ ಆ್ಯಕ್ಷನ್, ಲವ್, ಅಂಡ್ ಎಮೋಷನಲ್ ಕಂಟೆಂಟ್ ಇರೋ ಸಿನಿಮಾ ಇದಾಗಿದ್ದು ಸದ್ಯದಲ್ಲೇ ಚಿತ್ರದ ಶೂಟಿಂಗ್ ಶುರುವಾಗಲಿದೆ. ಕ್ಲಾಪ್ ಮಾಡಿ ಮಾತನಾಡಿದ ಅಭಿಶೇಕ್, ನಮ್ಮ ತಂದೆಯೂ ಇದೇ ಹೆಸ್ರಿನಲ್ಲಿ ಸಿನಿಮಾ ಮಾಡಿದ್ರು. ಸಿಕ್ಸ್ ಫೂಟ್ ಹೀರೋ ಕ್ಲಬ್ನಲ್ಲಿ ರಾಜು ಕೂಡ ಇದಾನೆ ಅನ್ನೋದೆ ಖುಷಿ ಎಂದು ಕಿಚಾಯಿಸಿದ್ರು.
- ಹರಿ ಕಥೆ ಮುಗಿಸಿ ಹೊಸ ಕಥೆ ಹೇಳಲು ಹೊರಟ ತಪಸ್ವಿನಿ
- ಸಂಗೀತ ಮಾಂತ್ರಿಕ ಮನೋಮೂರ್ತಿ ಪಾರ್ಟಿ ಸಾಂಗ್..!
ಶಿಷ್ಯ, ಮಾಗಡಿ ಚಿತ್ರಗಳ ಮೂಲಕ ಸೆನ್ಷೇಷನ್ ಕ್ರಿಯೇಟ್ ಮಾಡಿದ್ದ ಚಂದನವನದ ಕಲಾವಿದ ದೀಪಕ್ ಗಜರಾಮನ ಟೀಮ್ ಸೇರಿಕೊಂಡಿದ್ದಾರೆ. ಇದೊಂದು ಪೈಲ್ವಾನ್ ಓರಿಯೆಂಟೆಡ್ ಕಥೆಯಾಗಿರೋದ್ರಿಂದ ಘಟಾನುಘಟಿಗಳ ತಾರಾಗಣದಲ್ಲಿ ಸಿನಿಮಾ ಸೌಂಡ್ ಮಾಡಲಿದೆ. ಮೊದಲ ಬಾರಿಗೆ ಮನೋಮೂರ್ತಿ ಪಾರ್ಟಿ ಸಾಂಗ್ಗೆ ಮ್ಯೂಸಿಕ್ ಕಂಪೋಸ್ ಮಾಡ್ತಿದ್ದು ಸಖತ್ ಚಾಲೆಂಜಿಂಗ್ ಆಗಿದೆ.
ಪವರ್ಫುಲ್ ಕ್ಯಾರೆಕ್ಟರ್ನಲ್ಲಿ ರಾಜ್ವರ್ಧನ್ ಮಿಂಚ್ತಿದ್ದು, ರೌಡಿಸಂ ಪಾತಕ ಲೋಕದ ಘರ್ಜನೆ ಕೂಡ ಇರಲಿದೆ. ಸುನೀಲ್ ಕುಮಾರ್ ನಿರ್ದೇಶನದಲ್ಲಿ ಮೂಡಿ ಬರ್ತಿರೋ ಗಜರಾಜ ಚಿತ್ರದ ಮೋಷನ್ ಪೋಸ್ಟರ್ ಕೂಡ ಪ್ರಾಮಿಸಿಂಗ್ ಆಗಿದೆ. ಲೈಫ್ ಲೈನ್ಸ್ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ನರಸಿಂಹ ಮೂರ್ತಿ ನಿರ್ಮಾಣದಲ್ಲಿ ರಿಚ್ ಆಗಿ ಗಜರಾಜನ ವರ್ಚಸ್ಸು ರಾರಾಜಿಸಲಿದೆ. ಜತೆಗೆ ಮಲ್ಲಿಕಾರ್ಜುನ ಕಾಶಿ ಹಾಗೂ ಕ್ಸೇವಿಯರ್ ಸಹ ನಿರ್ಮಾಪಕರಾಗಿ ಸಾಥ್ ನೀಡಿದ್ದಾರೆ.
ಅಕ್ಟೋಬರ್ ಮೊದಲ ವಾರದಲ್ಲಿ ಫಸ್ಟ್ ಶೆಡ್ಯೂಲ್ ಶುರುವಾಗಲಿದ್ದು ಬಿಗ್ ಸ್ಟಾರ್ ಕಾಸ್ಟಿಂಗ್ ಕೂಡ ಇರಲಿದೆ. ಈಗಾಗ್ಲೇ ಪ್ರಣಯಂ, ಹಿರಣ್ಯ ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ರಾಜವರ್ಧನ್ ಬ್ಯುಸಿಯೆಸ್ಟ್ ನಟರಲ್ಲೊಬ್ಬರಾಗಿದ್ದಾರೆ. ಕೆ.ಎಸ್ ಚಂದ್ರಶೇಖರ್ ಕ್ಯಾಮೆರಾ ಕಣ್ಣಲ್ಲಿ ಮಾಸ್ ಅಂಡ್ ಕ್ಲಾಸ್ ಸೀನ್ಗಳು ನಯನ ಮನೋಹರವಾಗಿ ಮೂಡಿ ಬರಲಿವೆ. ಸದ್ಯ ಫಸ್ಟ್ ಲುಕ್ ಮೂಲಕ ರಗಡ್ ಲುಕ್ನಲ್ಲಿ ಅಬ್ಬರಿಸ್ತಿರೋ ಗಜರಾಮ ಚಿತ್ರದ ಮೇಲೆ ನಿರೀಕ್ಷೆಗಳು ದುಪ್ಪಟ್ಟಾಗಿವೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ ಪವರ್ ಟಿವಿ
