ಬೆಂಗಳೂರು : ಮೋದಿ ಹಾಗೂ ಅಮಿತ್ ಶಾ ಅವರ ನಾಯಕತ್ವದಲ್ಲಿ ಪಿ ಎಫ್ ಬ್ಯಾನ್ ಆಗಿದೆ ಎಂದು ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಅವರು ಹೇಳಿದರು.
ನಗರದಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಈ ದೇಶದ ಶಾಂತಿ ಸೌಹಾರ್ತೆ ಬಗ್ಗೆ ಅವರಿಗೆ ನಂಬಿಕೆ ಇರಲಿಲ್ಲ. ವಿದೇಶಗಳಿಂದ ಆಜ್ಞೆ ಪಡೆದು ಅವರ ರಿಮೋಟ್ ಕಂಟ್ರೋಲ್ ಆಗಿದ್ದರು. ಈ ಸಂಘಟನೆಯ ಕೆಲವರು ಗಡಿ ಆಚೆಗೆ ಹೋಗಿ ಟ್ರೈನಿಂಗ್ ಪಡೆದುಕೊಂಡು ಬಂದಿದ್ದಾರೆ. ಕೆಲವರು ಹೊರದೇಶದಿಂದ ಇಲ್ಲಿ ಆಪರೇಟ್ ಮಾಡುತ್ತಿದ್ದಂತ ಸಂಸ್ಥೆ ಇದು ಹಲವಾರು ವರ್ಷಗಳಿಂದ ಹಲವಾರು ಕೇಸ್ ಗಳಲ್ಲಿ ಇವರು ಭಾಗಿಯಾಗಿದ್ದರು ಎಂದರು.
ಇನ್ನು, ಕರ್ನಾಟಕದಲ್ಲಿ ವಿದ್ವಾಂಸಕ ಕೃತ್ಯಗಳನ್ನು ನಡೆಸಿರುವುದು ಈಗಾಗಲೇ ಗೊತ್ತಾಗಿದೆ. ಈ ದೇಶದ್ರೋಹಿ ಸಂಸ್ಥೆಯನ್ನು ಬ್ಯಾನ್ ಮಾಡಬೇಕೆನ್ನುವುದು ಜನಸಾಮಾನ್ಯರ ಒತ್ತಡವಾಗಿತ್ತು. ವಿರೋಧ ಪಕ್ಷ ಕೂಡ ಪಿ ಎಫ್ ಐ ಬ್ಯಾನ್ ಆಗಬೇಕು ಎಂದು ಹೇಳಿಕೆ ನೀಡಿದರು. ಮೋದಿ ಹಾಗೂ ಅಮಿತ್ ಶಾ ಅವರ ನಾಯಕತ್ವದಲ್ಲಿ ಪಿ ಎಫ್ ಬ್ಯಾನ್ ಆಗಿದೆ. ಇಂತಹ ಬ್ಯಾನ್ ಆಗಿರುವ ಸಂಘಟನೆ ಜೊತೆ ಯಾರು ಸಂಬಂಧ ಇಟ್ಟುಕೊಳ್ಳಬಾರದು ಎಂದು ಹೇಳಿದರು.
