ಬೆಂಗಳೂರು: 108 ಆಂಬ್ಯುಲೆನ್ಸ್ ಸೇವೆಯಲ್ಲಿನ ವ್ಯತ್ಯಯವನ್ನ ಕಡೆಗೂ ರಾಜ್ಯ ಸರ್ಕಾರ ಸರಿಪಡಿಸಿದೆ. ನಿನ್ನೆಯಿಂದ 108 ಅಂಬ್ಯುಲೆನ್ಸ್ ಕರೆ ಹೋಗುತ್ತಿರಲಿಲ್ಲ. ಈಗ ಇದನ್ನ ಸರಿಪಡಿಸಿ ರೋಗಿಗಳಿಗೆ ಆಂಬ್ಯುಲೆನ್ಸ್ ಸೇವೆ ಮುಕ್ತವಾಗಿದೆ.
ನಿನ್ನೆ ಸಂಜೆಯಿಂದ ರಾಜ್ಯದಲ್ಲಿ 108 ಆಂಬ್ಯುಲೆನ್ಸ್ ಸೇವೆಯಲ್ಲಿ ವ್ಯತ್ಯಯವಾಗಿತ್ತು. ಆಂಬ್ಯುಲೆನ್ಸ್ ಸಿಬ್ಬಂದಿಗಳಿಗೆ ಸಾರ್ವಜನಿಕರು ಕರೆ ಮಾಡಿದ್ರೆ ಯಾವುದೇ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿಲ್ಲ ಎಂದು ರೋಗಿಗಳು ಕಿಡಿಕಾರಿದ್ದರು.
ಸದ್ಯ ಆ್ಯಂಬುಲೆನ್ಸ್ ಸೇವೆ GVK ಏಜೆನ್ಸಿ ನಡೆಸುತ್ತಿದೆ. ತಾಂತ್ರಿಕ ದೋಷದಿಂದ ತುರ್ತು ಸೇವೆ ಬಂದ್ ಆಗಿತ್ತು. ಪ್ರತಿದಿನ 108 ಆಂಬ್ಯುಲೆನ್ಸ್ಗೆ ಸುಮಾರು 20 ಸಾವಿರ ಕರೆ ಬರುತ್ತದೆ. ಈಗ ಕರೆ ಮಾಡಿದರು ಕೂಡ ಯಾವುದೇ ಸಿಬ್ಬಂದಿಗಳು ಕರೆ ಸ್ವೀಕರಿಸುತ್ತಿಲ್ಲ ಎಂದು ಸಾರ್ವಜನಿಕರು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದರು.
