ಸ್ಯಾಂಡಲ್ವುಡ್ ಸುಲ್ತಾನ್, ಗ್ಲೋಬಲ್ ಐಕಾನ್, ಇಂಟರ್ನ್ಯಾಷನಲ್ ಸೂಪರ್ ಸ್ಟಾರ್ ಯಾರಂದ್ರೆ ಅದು ಒನ್ ಅಂಡ್ ಓನ್ಲಿ ನಮ್ ರಾಕಿಭಾಯ್. ಕೆಜಿಎಫ್ ತೂಫಾನ್ ನಂತ್ರ ರಾಜಾಹುಲಿಗೆ ರಾಜಮೌಳಿ ಡೈರೆಕ್ಷನ್ ಮಾಡ್ತಾರೆ ಅನ್ನೋ ಸುದ್ದಿ ಎಲ್ಲೆಡೆ ಹಬ್ಬಿತ್ತು. ಇತ್ತ ನರ್ತನ್ ಪ್ರಾಜೆಕ್ಟ್ ಕೂಡ ಠುಸ್ ಆಯ್ತು. ಇದೀಗ ರಾಕಿಭಾಯ್ ಬರೋಬ್ಬರಿ ಹೈಬಜೆಟ್ ಸಿನಿಮಾಗೆ ಯೆಸ್ ಎಂದಿದ್ದಾರೆ. ಯೆಸ್.. ನಿಜಕ್ಕೂ ಇದೊಂದು ಶಾಕಿಂಗ್ ಸಂಗತಿ. ಡೈರೆಕ್ಟರ್ ಯಾರು ಗೊತ್ತಾ..? ಮಿಸ್ ಮಾಡದೆ ಈ ಸ್ಟೋರಿ ಓದಿ.
- ರೊಬೋ, ಐ ನಂತ್ರ ಶಂಕರ್ ಚಿತ್ತ ರಾಕಿಭಾಯ್ ಕಡೆಗೆ..!
ಸ್ಯಾಂಡಲ್ವುಡ್ ಸುಲ್ತಾನ್ ರಾಕಿಭಾಯ್ ಸಕ್ಸಸ್ ಹಾದಿ ನೆನಸ್ಕೊಂಡ್ರೆ ಮೈ ಜುಮ್ಮೆನ್ನುತ್ತೆ. ಇಡೀ ಇಂಡಿಯಾ ನಿಬ್ಬೆರಗಾಗಿ ಮಾಸ್ಟರ್ಪೀಸ್ ಸಾಧನೆಯ ಹಾದಿಯನ್ನು ಕಣ್ಣರಳಿಸಿ ನೋಡ್ತಿದೆ. ಭಾರತೀಯ ಚಿತ್ರರಂಗದ ಸ್ಟಾರ್ ನಟರೂ ಕೂಡ ಟಾಪ್ ಒನ್ ನಟ ಎಂಬ ಬಿರುದು ಕೊಟ್ಟಿದ್ದಾರೆ. ರಾಜಾಹುಲಿ ನೆಕ್ಸ್ಟ್ ಪ್ರಾಜೆಕ್ಟ್ ಬಗ್ಗೆ ಎಲ್ಲಾ ಕಡೆ ಗುಲ್ಲೆದ್ದಿದೆ. ಇದೀಗ ಅಚ್ಚರಿ ಎಂಬಂತೆ ರಾಕಿಂಗ್ ಸ್ಟಾರ್ ಯಶ್ ಮುಂದಿನ ಸಿನಿಮಾದ ಅಪ್ಡೇಟ್ ಬಗ್ಗೆ ಎಕ್ಸ್ಕ್ಲೂಸಿವ್ ಮಾಹಿತಿ ಹೊರ ಬಿದ್ದಿದೆ.
ಯೆಸ್.. ಟಾಲಿವುಡ್ ಕಾಸ್ಟ್ಲಿ ನಿರ್ಮಾಪಕ ದಿಲ್ರಾಜು ಕೂಡ ಯಶ್ಗೆ 100ಕೋಟಿ ಸಂಭಾವನೆಯ ಬೇಡಿಕೆ ಇಟ್ಟಿದ್ರಂತೆ. ಇತ್ತ ನರ್ತನ್ ಪ್ರಾಜೆಕ್ಟ್ ಕೂಡ ಆಫಿಶಿಯಲ್ ಆದ್ರೂ, ಫೈನಲ್ ಆಗದೆ ಠುಸ್ ಆಗೋಯ್ತು. ರಾಜಮೌಳಿಯಂತಹ ಘಟಾನುಘಟಿ ನಿರ್ದೇಶಕರ ಹೆಸ್ರು ಕೂಡ ಕೇಳಿ ಬಂತು. ಆದ್ರೆ, ಯಶ್ ತಲೆಯಲ್ಲಿ ಓಡ್ತಾ ಇರೋದೇನು ಅನ್ನೋ ಇನ್ಸೈಡ್ ಕಹಾನಿಗೆ ಉತ್ತರ ಸಿಕ್ಕಿರಲಿಲ್ಲ. ಇದೀಗ ಹಿಸ್ಟಾರಿಕಲ್ ಸಿನಿಮಾದಲ್ಲಿ ಯಶ್ ಅಬ್ಬರಿಸೋಕೆ ಸಜ್ಜಾಗಿದ್ದಾರೆ.
ಕಾಲಿವುಡ್ ಟಾಪ್ ಮೋಸ್ಟ್ ಡೈರೆಕ್ಟರ್ ಶಂಕರ್ ಚಿತ್ತ ರಾಕಿಭಾಯ್ ಕಡೆ ನೆಟ್ಟಿದೆ. ರೋಬೋ, ಐ ಖ್ಯಾತಿಯ ಶಂಕರ್ ಐತಿಹಾಸಿಕ ಸಿನಿಮಾಗೆ ಕೈ ಹಾಕಿದ್ದಾರಂತೆ. ತಮಿಳಿನ ಜನಪ್ರಿಯ ಕಾದಂಬರಿ ವೇಲ್ಪರಿ ಎನ್ನುವ ಹಿಸ್ಟಾರಿಕ್ ಕಥೆಯ ನಾಯಕನಾಗಿ ರಾಜಾಹುಲಿ ಆ್ಯಕ್ಟ್ ಮಾಡ್ತಾರಂತೆ. ತಮಿಳಿನ ಸ್ಟಾರ್ ನಟ ಸೂರ್ಯನಿಗೆ ಓಕೆ ಆಗಿದ್ದ ಕಥೆ ರಾಕಿಭಾಯ್ ಸ್ಟಾರ್ಡಂ ನಂತ್ರ ಶಿಪ್ಟ್ ಆಗಿದೆ ಎನ್ನಲಾಗ್ತಿದೆ. ಬರೋಬ್ಬರಿ ಸಾವಿರ ಕೋಟಿ ಬಿಗ್ ಬಜೆಟ್ನಲ್ಲಿ ಸಿನಿಮಾ ಬರಲಿದೆಯಂತೆ.
ಅದ್ದೂರಿ ಗ್ರಾಫಿಕ್ಸ್, ಪ್ರತಿ ಸೀನ್ಗಳಲ್ಲೂ ಬಾಹುಬಲಿ ಮೀರಿಸೋ ದೃಶ್ಯವೈಭವ, ಬಿಗ್ ಸ್ಟಾರ್ ಕಾಸ್ಟಿಂಗ್, ಅಮೋಘ, ಅದ್ಭುತ ಸಾಂಗ್ಗಳು, ಹೀಗೆ ಪಕ್ಕಾ ಆ್ಯಕ್ಷನ್ ವೆಂಚರ್ನಲ್ಲಿ ಸಿನಿಮಾ ಮೂಡಿ ಬರಲಿದೆಯಂತೆ. ಇಂಡಿಯನ್ ಸಿನಿಮಾದಲ್ಲೇ ಇತಿಹಾಸ ಬರೆಯೋ ಮೆಗಾ ಪ್ಲಾನ್ ನಡಿತಿದೆ ಎನ್ನಲಾಗ್ತಿದೆ. ಶಂಕರ್ ಸಿನಿಮಾಗಳ ತಾಕತ್ತು ಎಲ್ರಿಗೂ ಗೊತ್ತಿದೆ. ಇದೀಗ ರಾಕಿಭಾಯ್ ಜತೆ ಕೈ ಜೋಡಿಸಿ ಹಾಲಿವುಡ್ ಕೂಡ ಮುಟ್ಟಿ ನೋಡಿಕೊಳ್ಳುವಂತೆ ಸಿನಿಮಾ ಮಾಡೋ ಭರ್ಜರಿ ತಯಾರಿ ನಡಿತಿದೆ ಎನ್ನಲಾಗ್ತಿದೆ. ಎನಿವೇ, ಈ ಕುರಿತು ಸದ್ಯದಲ್ಲೇ ಮಾಹಿತಿ ಹೊರಬೀಳಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
