ದೆಹಲಿ: ದೇಶಾದ್ಯಂತ ಪಿಎಫ್ಐ, ಎಸ್ಡಿಎಫ್ಐ ಮೇಲೆ ಎನ್ಐಎ ದಾಳಿ ಹಿನ್ನಲೆಯಲ್ಲಿ ಸಂಸದ ಪ್ರತಾಪ್ ಸಿಂಹ ಮಾತನಾಡಿ, ಪಿಎಫ್ಐ ಮತ್ತು ಎಸ್ಡಿಎಫ್ಐ ಮೇಲಿನ ದಾಳಿ ಸ್ವಾಗತಾರ್ಹ ಎಂದರು.
ಮಾಜಿ ಸಿಎಂ ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿಯಾಗಿದ್ದ ವೇಳೆಯಲ್ಲಿ ಪಿಎಫ್ಐ ಕಾರ್ಯಕರ್ತರ ಮೇಲಿನ ಕೇಸ್ ವಾಪಾಸ್ ಪಡೆದಿದ್ದರು. 175 ಪ್ರಕರಣ ಅವರ ಅವಧಿಯಲ್ಲಿ ಕ್ಯಾಬಿನೆಟ್ ನಲ್ಲಿ ವಾಪಾಸ್ ಪಡೆಯಲಾಯಿತು. ಕರ್ನಾಟಕದಲ್ಲಿ ಪಿಎಫ್ಐ, ಎಸ್ಡಿಎಫ್ಐ ಆತ್ಮ ಸ್ಥೈರ್ಯ ತುಂಬಿದ್ದು ಕಾಂಗ್ರೆಸ್ ಸರ್ಕಾರ ಎಂದು ಹೇಳಿದರು.
ಪಿಎಫ್ಐ, ಎಸ್ಡಿಎಫ್ಐ ಕಾರ್ಯಕರ್ತರ ವಾಪಸ್ ತೆಗೆದುಕೊಂಡ 175 ಕೇಸ್ನಲ್ಲಿ ಹಲವು ಹಿಂದು ಕಾರ್ಯಕರ್ತರ ಹತ್ಯೆಯಲ್ಲಿ ಭಾಗಿಯಾಗಿದ್ದರು. ಕಾಂಗ್ರೆಸ್ ಶಾಸಕ ತನ್ವೀರ್ ಸೇಠ್ ಮೇಲಿನ ದಾಳಿಯಲ್ಲಿ ಅವರ ಕೈವಾಡವಿತ್ತು. ಅದಕ್ಕೆ ಸೂಕ್ಷ ಸಾಕ್ಷಾಧಾರ ಸಿಕ್ಕಿದೆ. ಹಾಗಾಗಿ ಪ್ರಕರಣವನ್ನ ಎನ್ಐಎಗೆ ನೀಡಲಾಯ್ತು. ಅಂತರ ರಾಜ್ಯ ಇಂಟರ್ ಲಿಂಕ್ ಕನೆಕ್ಷನ್ ಇರೋ ಹಿನ್ನಲೆ ದೇಶದ್ಯಂತ ಎನ್ಐಎ(ರಾಷ್ಟ್ರೀಯ ತನಿಖಾ ದಳ) ಅತಿ ದೊಡ್ಡ ದಾಳಿ ನಡೆಸಿದೆ ಎಂದು ಪ್ರತಾಪ್ ಸಿಂಹ ಹೇಳಿದರು.
ಇನ್ನು ಪಿಎಫ್ಐ, ಎಸ್ಡಿಎಫ್ಐ ಕಾರ್ಯಕರ್ತರ ನ್ನ ಬಂದಿಸಿದ ಹಿನ್ನಲೆ ಪ್ರತಿಭಟನೆ ಪಿಎಫ್ಐ, ಎಸ್ಡಿಎಫ್ಐ ಸಂಘಟನೆಗಳ ಕಾರ್ಯಕರ್ತರು ಪ್ರತಿಭಟನೆ ಮಾಡುತ್ತಿದ್ದಾರೆ. ಇಂತವರನ್ನ ತಡೆಯೋ ಶಕ್ತಿ ರಾಜ್ಯ ಸರ್ಕಾರಕ್ಕಿದೆ ಎಂದು ಸಂಸದರು ತಿಳಿಸಿದರು.
