ಶಿವಮೊಗ್ಗ; ಶಿವಮೊಗ್ಗದಲ್ಲಿ ಶಂಕಿತ ಉಗ್ರರ ಸೆರೆ ಹಿನ್ನೆಲೆಯಲ್ಲಿ ಶಂಕಿತ ಉಗ್ರ ಯಾಸಿನ್ ಸಹಚರರು ಕಾರ್ಯಾಚರಣೆ ನಡೆಸುತ್ತಿದ್ದ ಜಾಗವನ್ನ ಪೊಲೀಸರು ಪರಶೀಲನೆ ನಡೆಸಿದ್ದಾರೆ.
ನಿನ್ನೆ ಐಸಿಸ್ ಜತೆಗೆ ನೇರವಾಗಿ ನಂಟು ಹೊಂದಿದ್ದರು ಎಂದು ಮಂಗಳೂರು ಹಾಗೂ ಶಿವಮೊಗ್ಗ ಮೂಲದ ಇಬ್ಬರು ಶಂಕಿತ ಉಗ್ರರನ್ನ ಶಿವಮೊಗ್ಗ ಪೊಲೀಸರು ಬಂಧನ ಮಾಡಿದ್ದರು. ಈಗ ತುಂಗಾ ನದಿ ದಂಡೆಯ ಮೇಲೆ ಶಂಕಿತ ಎ1 ಆರೋಪಿ ಯಾಸಿನ್ ಬಾಂಬ್ ಟೆಸ್ಟ್ ನಡೆಸುತ್ತಿದ್ದ ಎಂದು ತನಿಖೆಯಲ್ಲಿ ಬಹಿರಂಗವಾಗಿದೆ.
ಹಳೆ ಗುರುಪುರದ ಎಸ್.ಟಿ.ಪಿ ಪ್ಲ್ಯಾಂಟ್ ಹಿಂಭಾಗದಲ್ಲಿ ಈ ಅಜ್ಞಾತ ಸ್ಥಳದಲ್ಲೇ ಟ್ರಯಲ್ ಬಾಂಬ್ ಯಾಸಿನ್ ಸ್ಫೋಟಿಸುತ್ತಿದ್ದ, ನಿನ್ನೆ ರಾತ್ರಿ ಈ ಜಾಗದಲ್ಲೇ ಎಫ್.ಎಸ್.ಎಲ್ ತಂಡ ಮಹಜರು ನಡೆಸಿದ್ದು, ಸ್ಪೋಟಕ್ಕೆ ಬಳಸುತ್ತಿದ್ದ ಕೆಲವು ವಸ್ತುಗಳು ಸ್ಥಳದಲ್ಲಿ ಪತ್ತೆಯಾಗಿವೆ.
ರಾಜ್ಯದಲ್ಲಿ ವಿವಿಧ ಕಡೆ ಈ ಶಂಕಿತ ಉಗ್ರರು ವಿದ್ವಾಂಸಕ ಕೃತ್ಯ ಎಸಗಲು ಸ್ಕೆಚ್ ಹಾಕಿದ್ದರು ಎನ್ನಲಾಗಿದೆ. ಈಗಾಗಲೇ ಈ ಸಂಬಂಧ ಇಬ್ಬರು ಶಂಕಿತ ಉಗ್ರರನ್ನ ಬಂಧನ ಮಾಡಲಾಗಿದ್ದು, ಇನ್ನೊಬ್ಬ ಶಂಕಿತ ಉಗ್ರನ ಸೆರೆಗೆ ಪೊಲೀಸರು ಶೋಧ ಕಾರ್ಯ ನಡೆಸಿದ್ದಾರೆ.
